Wananchi kata ya Mkinga wajenga ofisi tano za kisasa za vijiji kwa kujitolea

‎

Na Israel Mwaisaka, Nkasi
‎
‎Kamati ya maendeleo ya kata (WDC) kata ya Mkinga wilayani Nkasi mkoani Rukwa imefanikiwa kuwahimiza Wananchi kujenga ofisi za Kijiji za kisasa kwa Kila Kijiji kwa njia ya kujitolea na ofisi hizo kukamilika.
‎
‎Akizungumza na Waandishi wa habari Diwani wa kata hiyo Mohammed Zaid alisema kuwa mpango huo uliazimiwa kwenye vikao vya maendeleo ya kata na Wananchi wakaupokea mpango huo kwa moyo mmoja na kuanza utekezaji wa mpango huo


‎
‎Alisema kuwa viongozi wa vijiji waliamua kuusimamia mpango huo kwa weredi ambapo waliweka utaratibu wa uchangishaji wa Fedha ikiwa ni pamoja na nguvu za Wananchi.
‎
‎Alisema kuwa kutokana na jitihada zilizoonyeshwa na Wananchi halmashauri kupitia mfuko wa jimbo iliamua kusapoti jitihada hizo kwa Kutoa mifuko 20 ya saruji kwa Kila kijiji ambazo zilitumika kwenye umaliziaji wa ujenzi na kufanikiwa kuwa na ofisi nzuri na za kisasa kwa Kila Kijiji.
‎
‎Awali Mwenyekiti wa Kijiji Cha Mkinga Alex Maziku alidai kuwa ofisi zao za Kijiji zilikua na hari mbaya kiasi Cha wao kusukumwa kupitia vikao vya maendeleo ya kata na kulazimika kutoka na maazimio ambayo Sasa mafanikio wameyaona kwa kuwa na ofisi ya kijiji.
‎

‎Alisema kuwa Wazo hilo lilianza kwa ugumu na kuona kana kwamba hawawezi kufanikiwa lakini walishangazwa na moyo wa Wananchi waliouonyesha na wao kama viongozi walitengeneza mazingira ya uwazi ambapo Wananchi walikua wanaona matumizi sahihi ya Fedha zao walizokuwa wakichanga na kuridhishwa nao.
‎
‎Afisa mtendaji wa Kijiji Cha Mkinga Edisi Mbalamwezi amedai kuwa ofisi yake ya Kijiji ilikua na mazingira magumu na kuwa Sasa anafanya kazi katika mazingira bora hasa la Wananchi kuhudumiwa katika mazingira mazuri na salama.
‎
‎Alisema moyo waliouonyesha Wananchi wa kujitolea kwa moyo uliwafanya na wao kama viongozi kuongeza bidii ikiwa ni pamoja na uwazi na kuwa hilo limekua ni moja ya mafanikio waliyoyapata Katika kufanikisha mpango huo muhimu kwa maendeleo ya kata Yao ya Mtenga.
‎
‎Kata ya Mkinga imejidhatiti kwa kuanzisha miradi mbalimbali ya maendeleo ikiwemo ya ujenzi wa kituo Cha afya Mkinga,ujenzi wa Stand ya mabasi na Kituo Cha afya katika mwaka huu wa Fedha wa 2026/27.


‎Diwani wa kata hiyo Mohammed Zaid amedai kuwa licha ya Wananchi kuamua kujitolea kwa moyo katika ujenzi wa miradi hiyo bado wanahitaji msaada mkubwa kutoka serikalini na kubwa kwa Sasa ni la ujenzi wa Kituo Cha afya na kuwa kulingana na mazingira ya kata hiyo Kuna ulazima mkubwa wa Kituo Cha afya katika kata hiyo.
‎
‎
‎
‎

Comments

Post a Comment

Popular posts from this blog

KAEGELE NA KAZUKAMWE WAIBUKA KIDEDEA KURA ZA MAONI CCM WILAYANI NKASI

Image
Na Israel Mwaisaka, Nkasi ‎ ‎Salum Kazukamwe na Moses Kaegele wameshinda katika Kura za maoni za kuwania Ubunge katika Majimbo mawili ya Nkasi Kaskazini na kusini yanayounda wilaya Nkasi ‎ ‎Akitoa taarifa juu ya zoezi zima la upigaji wa Kura za maoni lililofanyika Jana katibu wa CCM wilaya Nkasi Anastazia Almasi amesema kuwa wilaya Nkasi inaundwa na Majimbo mawili ya Uchaguzi na makada 10 wa CCM walifanikiwa kuingia katika kinyang'anyiro hicho na wawili hao kupenya kuweza kupeperusha bendera ya CCM kwenye uchaguzi mkuu unaotarajia kufanyika Oktoba 29,2025.. ‎ ‎Amesema kuwa kwa upande wa Jimbo la Nkasi Kaskazini Salumu Kazukamwe ameshinda kwa kupata Kura 2956 akifuatiwa na John Sichilima aliyepata kura 1471, Jonas Kifunda 560, Thomas Kalunga kura 320 na wa mwisho Ni David Siame aliyeambulia 137. ‎ ‎Kwa upande wa Jimbo la Nkasi kusini Moses Kaegele ameshinda kwa kupata Kura 3028 akifuatiwa na Vicent Mbogo aliyepata 1,623, Evarist Christopher Mwanansao Kura 465,Desderius Mipata Ku...
Read more

DIWANI KATA YA KALA AFARIKI DUNIA KWA UGONJWA WA KIHARUSI

Image
Na Israel Mwaisaka,Nkasi ‎DIWANI wa kata ya kala Wilayani Nkasi Privatus Yoramu (CCM) amefariki Dunia baada ya kuugua kwa muda mfupi . ‎ ‎Kwa mujibu wa taarifa iliyotolewa jana na Mwenyekiti wa halmashauri ya Wilaya Nkasi Richard Maasai ni kuwa tukio hilo limetokea Juzi jumatano majira ya saa 12 jioni wakati akipatiwa matibabu katika hospitali ya mkoa Rukwa. ‎ ‎Amesema kuwa marehemu amefariki kutokana na ugonjwa wa kiharusi na ugonjwa huo aliupata kutokana na ugonjwa uliokuwa umempata wa shinikizo la juu la damu (Pressure) na kupelekea mishipa ya damu kupasuka na hatimaye kupata ugonjwa wa Kiharusi uliopelelea umauti wake. ‎ ‎Mwenyekiti huyo wa halmashauri amefafanua kuwa majuzi aliongoza kikao Cha kamati ya elimu na afya kama Mwenyekiti na akiwa katika kikao hicho alizidiwa na ugonjwa na kukimbizwa katika hospitali ya Wilaya Nkasi ambapo alipewa huduma ya awali na kukimbizwa katika hospitali ya mkoa kwa matibabu zaidi . ‎ ‎Na amedai kuwa mazishi ya Diwani huyo yatafanyika kesho jumam...
Read more

Mke wa Mchungaji wa kanisa la EAGT ajinyonga akihofia deni lake la fedha za kanisa

Image
Na Israel Mwaisaka,Nkasi ‎ ‎Mwanamke aliyefahamika kwa jina la Joyce Baton Mwasumbi mkazi wa Kijiji Cha Kanazi wilayani Nkasi amefariki dunia baada ya kujinyonga kwa kutumia kanga chumbani kwake. ‎ ‎Akizungumzia tukio hilo Mwenyekiti wa Kijiji Cha Kanazi Rudis Ulaya amesema kuwa tukio la Mwanamke huyo ambaye ni mke wa Mchungaji wa kanisa la EAGT kujinyonga limetokea leo Jumatano Disemba 24,2025 majira ya saa 2 asubuhi baada ya Mumewe ambaye ni mchungaji kwenda kanisani kupalilia pembeni mwa jengo la kanisa hilo. ‎ ‎Amesema kuwa wakati Mumewe ambaye ni Mchungaji akiendelea na jukumu lake kanisani mkewe aliutumia mwanya huo kujitundika kwa kutumia kitenge na muda mfupi Mumewe aliingia chumbani huko na kumkuta Mkewe akiwa amejitundika juu huku akitapatapa kufa ndipo alipochukua kisu na kukikata kitenge hicho kwa lengo la kuokoa uhai wake lakini muda mfupi alipoteza maisha ‎ ‎Mwenyekiti huyo wa Kijiji amefafanua kuwa baada ya yeye kumhoji Mume wa marehemu Mchungaji Ibrahimu Mwaipopo alid...
Read more