"MTENGA WE ARE TOGETHER" KUNDI LA WALIOSOMA SHULE YA MSINGI MTENGA WACHANGIA MADAWATI 20

‎




Na Israel Mwaisaka, Nkasi
‎
‎Umoja wa Watu waliosoma katika shule ya msingi Mtenga wajulikanao " Mtenga we are together"wamechangishana na kutengeneza madawati 20 yenye thamani ya zaidi ya Mil.1.8 na kuyakabidhi shuleni hapo kama sehemu ya kupunguza tatizo la uhaba wa madawati katika shule hiyo.
‎
‎Akizungumza wakati wa kukabidhi madawati hayo jana Jumanne Januari 20,2026 mwakilishi wa umoja huo Alexander Romwad Kapele amesema kuwa wao kama Watu waliowai kusoma katika shule hiyo wametengeneza umoja wa kusaidiana katika shida na raha na wakaona ipo haja kwao kusaidia shule hiyo walau kwa madawati wenye uwezi nayo.

‎Amesema kuwa umoja huo wenye wanachama 40 waishio katika mikoa mbalimbali hapa Nchini walihafiki wazo hilo na kuamua kutengeneza madawati hayo 20 ili kuweza kupunguza tatizo la uhaba wa madawati katika shule hiyo ili Watoto waweze kusoma katika mazingira mazuri na salama.
‎
‎Akipokea madawati hayo mwalimu Mkuu wa shule hiyo Osiana Mgala ameushukuru umoja huo wa Watu waliosoma katika shule hiyo kwa kuikumbuka shule hiyo na kuweza kutoa msaada huo ambao anaamini utawasaidia Watoto wengi waliokuwa wakikaa chini .


‎Amedai kuwa shule hiyo yenye Wanafunzi 1,327 kwa Sasa Ina uhaba wa madawati 251 ambapo mahitaji ni 456 na yaliyopo ni 205 na kuwa bado wanauhitaji mkubwa wa madawati na kuwaomba Watu wengine wenye uwezo wa kusaidia waendelee kujitokeza kama walivyofanya kundi hilo la "Mtenga we are together"
‎
‎Mwalimu Mkuu huyo amedai kuwa madawati hayo yatapelekwa katika darasa la pili na madarasa mawili la kwanza na la pili ndiyo yenye uhaba mkubwa wa madawati na kuwa amependekeza darasa hilo la pili kupewa madawati hayo kwa sababu mwaka huu Wanafunzi wa darasa hilo ni watahiniwa.
‎

‎Mwenyekiti wa kamati ya shule hiyo Patrick Dominico ameushukuru umoja wa Mtenga we are together kwa wazo hilo la kusaidia shule hiyo madawati na kuwa wamesaidia kwa kiasi kikubwa kupunguza tatizo hilo la madawati na kuwaomba wadau hao wasichoke kusaidia kama hivyo pale watakapokuwa wanapata uwezo.
‎
‎Amedai kuwa shule hiyo bado Ina changamoto kubwa ya madawati na uchakavu wa baadhi ya majengo na kuwa inahitajika nguvu kubwa katika kurekebisha miundo mbinu hiyo,hivyo misaada
‎
‎Afisa elimu wa kata hiyo ya Mtenga Benedicto Msesa amedai kuwa jambo hilo lililofanywa na Mtenga we are together ni la kuigwa kwa Watu wote na kama mawazo hayo yataambukizwa kwa makundi mengine ya kijamii italeta faraja kubwa kwa jamii nzima ya kata ya Mtenga.

‎
‎Diwani wa kata hiyo Frank Helandogo na afisa mtendaji wa kata hiyo Adela Selemani wamedai kuwa wao wanayakaribisha makundi mengine ya kijamii kwa misaada kama hiyo na zaidi ya hapo kwa maendeleo ya jamii nzima ya Mtenga,Wilaya, mkoa na hata taifa kwa ujumla.
‎

Comments

Post a Comment

Popular posts from this blog

KAEGELE NA KAZUKAMWE WAIBUKA KIDEDEA KURA ZA MAONI CCM WILAYANI NKASI

Image
Na Israel Mwaisaka, Nkasi ‎ ‎Salum Kazukamwe na Moses Kaegele wameshinda katika Kura za maoni za kuwania Ubunge katika Majimbo mawili ya Nkasi Kaskazini na kusini yanayounda wilaya Nkasi ‎ ‎Akitoa taarifa juu ya zoezi zima la upigaji wa Kura za maoni lililofanyika Jana katibu wa CCM wilaya Nkasi Anastazia Almasi amesema kuwa wilaya Nkasi inaundwa na Majimbo mawili ya Uchaguzi na makada 10 wa CCM walifanikiwa kuingia katika kinyang'anyiro hicho na wawili hao kupenya kuweza kupeperusha bendera ya CCM kwenye uchaguzi mkuu unaotarajia kufanyika Oktoba 29,2025.. ‎ ‎Amesema kuwa kwa upande wa Jimbo la Nkasi Kaskazini Salumu Kazukamwe ameshinda kwa kupata Kura 2956 akifuatiwa na John Sichilima aliyepata kura 1471, Jonas Kifunda 560, Thomas Kalunga kura 320 na wa mwisho Ni David Siame aliyeambulia 137. ‎ ‎Kwa upande wa Jimbo la Nkasi kusini Moses Kaegele ameshinda kwa kupata Kura 3028 akifuatiwa na Vicent Mbogo aliyepata 1,623, Evarist Christopher Mwanansao Kura 465,Desderius Mipata Ku...
Read more

DIWANI KATA YA KALA AFARIKI DUNIA KWA UGONJWA WA KIHARUSI

Image
Na Israel Mwaisaka,Nkasi ‎DIWANI wa kata ya kala Wilayani Nkasi Privatus Yoramu (CCM) amefariki Dunia baada ya kuugua kwa muda mfupi . ‎ ‎Kwa mujibu wa taarifa iliyotolewa jana na Mwenyekiti wa halmashauri ya Wilaya Nkasi Richard Maasai ni kuwa tukio hilo limetokea Juzi jumatano majira ya saa 12 jioni wakati akipatiwa matibabu katika hospitali ya mkoa Rukwa. ‎ ‎Amesema kuwa marehemu amefariki kutokana na ugonjwa wa kiharusi na ugonjwa huo aliupata kutokana na ugonjwa uliokuwa umempata wa shinikizo la juu la damu (Pressure) na kupelekea mishipa ya damu kupasuka na hatimaye kupata ugonjwa wa Kiharusi uliopelelea umauti wake. ‎ ‎Mwenyekiti huyo wa halmashauri amefafanua kuwa majuzi aliongoza kikao Cha kamati ya elimu na afya kama Mwenyekiti na akiwa katika kikao hicho alizidiwa na ugonjwa na kukimbizwa katika hospitali ya Wilaya Nkasi ambapo alipewa huduma ya awali na kukimbizwa katika hospitali ya mkoa kwa matibabu zaidi . ‎ ‎Na amedai kuwa mazishi ya Diwani huyo yatafanyika kesho jumam...
Read more

Mke wa Mchungaji wa kanisa la EAGT ajinyonga akihofia deni lake la fedha za kanisa

Image
Na Israel Mwaisaka,Nkasi ‎ ‎Mwanamke aliyefahamika kwa jina la Joyce Baton Mwasumbi mkazi wa Kijiji Cha Kanazi wilayani Nkasi amefariki dunia baada ya kujinyonga kwa kutumia kanga chumbani kwake. ‎ ‎Akizungumzia tukio hilo Mwenyekiti wa Kijiji Cha Kanazi Rudis Ulaya amesema kuwa tukio la Mwanamke huyo ambaye ni mke wa Mchungaji wa kanisa la EAGT kujinyonga limetokea leo Jumatano Disemba 24,2025 majira ya saa 2 asubuhi baada ya Mumewe ambaye ni mchungaji kwenda kanisani kupalilia pembeni mwa jengo la kanisa hilo. ‎ ‎Amesema kuwa wakati Mumewe ambaye ni Mchungaji akiendelea na jukumu lake kanisani mkewe aliutumia mwanya huo kujitundika kwa kutumia kitenge na muda mfupi Mumewe aliingia chumbani huko na kumkuta Mkewe akiwa amejitundika juu huku akitapatapa kufa ndipo alipochukua kisu na kukikata kitenge hicho kwa lengo la kuokoa uhai wake lakini muda mfupi alipoteza maisha ‎ ‎Mwenyekiti huyo wa Kijiji amefafanua kuwa baada ya yeye kumhoji Mume wa marehemu Mchungaji Ibrahimu Mwaipopo alid...
Read more