MADEREVA WA VYOMBO VYA MOTO NA WAMILIKI WAPEWA SOMO UTII WA SHERIA NA KANUNI KWENYE VYOMBO VYA MOTO






WATAKIWA KUTOPANDISHA NAULI KUZIDISHA ABIRIA NYAKATI ZA SIKUKUU, WENYEWE WATAKA  SHERIA SHIRIKISHI.

Na Ibrahim Yassin,Songwe

IMEELEZWA kuwa vitendo vya kupandisha bei za nauli na kujaza abiria kupita kiasi katika magari yanayosafiri umbali mrefu umetajwa kuhatarisha usalama wa abiria uneopelekea uwepo wa ajali za mara kwa mara imebainika.

Imekuwa ni kawaida kwa madereva wa vyombo vya moto siku za sikukuu wakizitumia kama fursa za kujipatia kipato kikubwa kwa kuvunja sheria kwa kupandisha nauli na kujaza abiria kupita kiasi bila kujari kuwa wanaweza kusababisha maafa.

Miaka yote inapofika mwisho mwa mwaka katika sikukuu za Chrismas na mwaka mpya tumeshuhudia uwepo wa ajali za mara kwa mara zinazosababishwa na uzembe na tamaa ya madereva na makondakta.



Maeneo mengi ya stendi za mabasi yaendayo mikoani hujumazimekuwa zikifanyika baada ya wakatisha tiketi kupandisha nauli baada ya uwepo wa abiria wengi wanaoenga mapumzikoni na hata shule zinapo funga.

Mbali na hilo pia kumekuwa na uzembe wa wazi wazi unaofanywa na baadhi ya makondakta kwa kutowapa tiketi abiria huku baadhi ya madereva wakifanya kazi kwa mazoea kwa kutolipia Leseni pindi zinapoisha muda wake.

Kwa upande wa wamiliki wa vyombo vya moto pia  wamekuwa wakikosa elimu na matumizi sahihi ya ving’amuzi huku wakiendelea kuwalalamikia madereva wa magari yao pindi wanapoona gari linatozwa faini za mara kwa mara.

Kutokana na uwepo wa makosa hayo, Mamlaka ya udhibiti usafiri ardhini (LATRA) Kupitia kwa maafisawake wa kitengo cha sheia makao makuu wameanza kuoa semina elekezi kwa madereva wa vyombo vya mto na wamiliki ili kuondoa changamoto za ajali barabarani.

Maafisa hao,jana walikuwepo mkoani Songwe wakitokea mkoani Rukwa ambapo waliendesha semina elekezi kwa maafisa usafirishaji,madereva wa nyombo vya moto na wamiliki,mafunzo yalifanyika katika ukumbi wa jehsi la polisi mkoani  Songwe.

Mafunzo hayo yalishirikisha  jeshi la polisi usalama barabarani,Jeshi la zima moto,maafisa wa Latra mkoa na Taifa dhidi ya madereva na amiliki wa vyombo vyote vya moto yaani Magari,Pikipiki,na bajaji pamoja na maafisa usafirishaji.

Akifungua kikao hicho Meneja wa Mamlaka ya udhibiti usafiri ardhini (LATRA) mkoani Songwe,Joseph Bulongo alisema lengo la mafunzo hayo ni kukumbushana na kupeana kanuni 6 za sheria za uendeshaji vyombo vya moto.

Baada ya kufungua kikao hicho,Afisa sheria wa Latra kutoka makao makuu Matha Ngaga alisema baada ya kuona sheria nyingi zinakiukwa wameamua kupita kila mkoa nchini kukumbushana na kuelezea  uwepo wa kanuni sita.

Alisema kanuni hizi zitajulikana kama kanuni za uwezeshaji wa watoa huduma za usafirishaji za mamlaka udhibiti  usafiri ardhini za mwaka 2024.

Aliongeza kuwa kanuni hizi zitatumika pia kwa wawezeshaji wa huduma za za usafirishaji wa abiria na mizigo kupitia mfumo,usimamizi au kwa namna yeyote ya uwezeshaji.

Alisema mamlaka ya udhibiti usafiri ardhini iliyoanzishwa chini ya sheria ya mamlaka ya udhibiti usafiri ardhini,maana yake ni mtu au kampuni inayojitegemea ambayo inayotoa huduma kwaniaba ya mtoa huduma.



Pia aliwaeleza wajumbe hayo kuwa mtu atakayekusudia kutoa huduma ya uwezeshaji atapaswa kuomba kusajiliwa kwa mamlaka kwa kujaza fomu iliyoainishwa na mamlaka.

Alisema mtoa huduma atakaye sajiliwa katika kanuni hizi wezeshi ataweza kusaidia ukataji wa tiketi mtandaoni,kusaidia kufanya maombi katika mfumo wa leseni za mamlaka,ufungaji wa vifaa vya ufuatiliaji mwendo wa chombo,uwakala wa mabasi na ukusanyaji na usambazaji mizigo.

Baada ya kueleza hivyo wajumbe walianza kuhoji mapungufu yaliyopo,ambapo mwenyekiti wa waendesha bodaboda mkoani Songwe,Omary Mbuba,alisema anapongeza kwa elimu hiyo,pia aliomba ufafanuzi juu ya mawakala wa kukatisha Leseni kufanya msako mitaani.

Mbuba alisema imekuwa ni kawaida kwa mbia aliyepewa uwakala kuendesha msako mitaani na kukamata pikipiki au bajaji zisizokuwa na Leseni hali inayozua taharuki na kusababisha ajali kuhu mawakala hao wakivalia nguo zenye nembo za Latra.

Nae Elia Kibona mmiliki wa magari licha ya kupongeza uendeshaji wa mafunzo hayo aliwataka maafisa hao kupunguza gharama za faini huku akiwataka wamiliki wenzake kuona umuhimu wa kufunga ving’amuzi kwenye magari yao.

Naye  Sai Padwi dereva alisema mamlaka inatumia vigezo gani kuwatoza faini kati ya laki 5 hadi milioni 1 pindi wanapowakuta na makosa barabarani,huku akihoji kuwa faini hizo ni kubwa kuliko makusanyo wanayoyapata.

Elly Songuo Kaim katibu wa wamiliki wa kosta mkoa,alisema sheria nyingi zinazotungwa na Latra io shirikishi kwao,na pia mazingira ya barabara nyingi ni mbovu hivyo wanapata ukakasi wanapoambiwa watumie teckolojia zaidi.

Kwa upande wake mmiliki wa magari ya Maribwa mkoani humo,Thobias  Maribwa alisema magari ya kutoka tunduma kwenda Mbeya abiria wengi wanapandia njiani,lakini wamekuwa wakitozwa faini kwa madai kuwa hawajakata tiketi huku akiomba ufafanuzi wa jambo hilo.

Aliiongeza kuwa pia mfumo wa king’amuzi kinapoharibika dereva hana ujuzi alitaka kujua ni njia zipi zitumike kumtambulisha dereva kuwa king’amuzi ni kibovu ili ahepuke kutozwa faini.

Akizungumzia suala la faini kwa dereva anayeendesha mwendo mkubwa Anthon Sabasaba mkaguzi wa usalama barabarani kutoka ofisi ya  wilaya ya  Mbozi,alisema wamekuwa wakifanya ukaguzi mara kwa mara na kugundua makosa yanayojirudia rudia.

Alisema kwa dereva atakayeendesha mwendo kuanzia spidi 86 hadi 99 kisheria anatozwa faini na atakayeendesha spidi 100 na kuendelea adhabu yake ni kunyang’anywa Leseni na kwamba faini hizo zimewekwa ili madereva waongeze umakini barabarani.

Nae  meneja wa Latra mkoani Songwe Joseph Bulongo alisema lalamiko lililotolewa la ulipishwaji wa faini kuanzia laki 5 hadi Milioni 1 kuwa haijawahi kulipishwa na kuwa faini zinazolipishwa ni za kawaida na huwa mmiliki wa chombo anapatiwa taarifa la kosa lenyewe.

Alisema pia ni muhimu kwa mmiliki wa chombo kufunga king’amuzi kwani atatambua gari lake lilipo au limesafiri mara ngapi akiwa nyumbani, nahata dereva anapotozwa faini mmiliki atatambua kosa lililotokea akiwa nyumbani.

Aliongeza kuwa kwa mmiliki anayetaka  kufunga king’amuzi na kupewa leseni anatakiwa kufika ofisini kupewa utaratibu atajaza fomu na kuelezwa namna ya kulifuatilia gari lake popote litakapokuwa.

Irene Sawe afisa sheria mkoa kutoka mamlaka ya udhibiti usafiri ardhini (LATRA) alisema ni muhimu madereva na makondakta kufuata sheria na kanuni zilizowekwa ili kuhepuka kutozwa faini kila wakati.

Martha Ngaga afisa sheria kutoka Latra makao makuu yaliyopo jijini Dodoma pamoja na mambo mengine alisema ni kosa kwa mtu ama kikundi kilichopewa uwakala wa kukatisha Leseni za vyombo vya moto kusanya msako wa kukamata chombo chochote.

Alisema wakala aliyepewa tenda anatakiwa akae ofisini kwake kukatisha Leseni na si kuzunguka mitaani kukamata pikipiki au bajaji na kutoza faini huku wakivalia ngua zenye nembo za Latra akidai hilo ni kosa kisheria.

Pia aliwataka madereva kuwa makini na kuacha kuwapatia magari yao yaendeshwe na madereva vishoka wasio kuwa na Leseni siku za juma mosi na juma pili hali hiyo inaweza sababisha ajali na uvunjifu wa kanuni zilizowekwa.


Comments

Post a Comment

Popular posts from this blog

KAEGELE NA KAZUKAMWE WAIBUKA KIDEDEA KURA ZA MAONI CCM WILAYANI NKASI

Image
Na Israel Mwaisaka, Nkasi ‎ ‎Salum Kazukamwe na Moses Kaegele wameshinda katika Kura za maoni za kuwania Ubunge katika Majimbo mawili ya Nkasi Kaskazini na kusini yanayounda wilaya Nkasi ‎ ‎Akitoa taarifa juu ya zoezi zima la upigaji wa Kura za maoni lililofanyika Jana katibu wa CCM wilaya Nkasi Anastazia Almasi amesema kuwa wilaya Nkasi inaundwa na Majimbo mawili ya Uchaguzi na makada 10 wa CCM walifanikiwa kuingia katika kinyang'anyiro hicho na wawili hao kupenya kuweza kupeperusha bendera ya CCM kwenye uchaguzi mkuu unaotarajia kufanyika Oktoba 29,2025.. ‎ ‎Amesema kuwa kwa upande wa Jimbo la Nkasi Kaskazini Salumu Kazukamwe ameshinda kwa kupata Kura 2956 akifuatiwa na John Sichilima aliyepata kura 1471, Jonas Kifunda 560, Thomas Kalunga kura 320 na wa mwisho Ni David Siame aliyeambulia 137. ‎ ‎Kwa upande wa Jimbo la Nkasi kusini Moses Kaegele ameshinda kwa kupata Kura 3028 akifuatiwa na Vicent Mbogo aliyepata 1,623, Evarist Christopher Mwanansao Kura 465,Desderius Mipata Ku...
Read more

DIWANI KATA YA KALA AFARIKI DUNIA KWA UGONJWA WA KIHARUSI

Image
Na Israel Mwaisaka,Nkasi ‎DIWANI wa kata ya kala Wilayani Nkasi Privatus Yoramu (CCM) amefariki Dunia baada ya kuugua kwa muda mfupi . ‎ ‎Kwa mujibu wa taarifa iliyotolewa jana na Mwenyekiti wa halmashauri ya Wilaya Nkasi Richard Maasai ni kuwa tukio hilo limetokea Juzi jumatano majira ya saa 12 jioni wakati akipatiwa matibabu katika hospitali ya mkoa Rukwa. ‎ ‎Amesema kuwa marehemu amefariki kutokana na ugonjwa wa kiharusi na ugonjwa huo aliupata kutokana na ugonjwa uliokuwa umempata wa shinikizo la juu la damu (Pressure) na kupelekea mishipa ya damu kupasuka na hatimaye kupata ugonjwa wa Kiharusi uliopelelea umauti wake. ‎ ‎Mwenyekiti huyo wa halmashauri amefafanua kuwa majuzi aliongoza kikao Cha kamati ya elimu na afya kama Mwenyekiti na akiwa katika kikao hicho alizidiwa na ugonjwa na kukimbizwa katika hospitali ya Wilaya Nkasi ambapo alipewa huduma ya awali na kukimbizwa katika hospitali ya mkoa kwa matibabu zaidi . ‎ ‎Na amedai kuwa mazishi ya Diwani huyo yatafanyika kesho jumam...
Read more

Mke wa Mchungaji wa kanisa la EAGT ajinyonga akihofia deni lake la fedha za kanisa

Image
Na Israel Mwaisaka,Nkasi ‎ ‎Mwanamke aliyefahamika kwa jina la Joyce Baton Mwasumbi mkazi wa Kijiji Cha Kanazi wilayani Nkasi amefariki dunia baada ya kujinyonga kwa kutumia kanga chumbani kwake. ‎ ‎Akizungumzia tukio hilo Mwenyekiti wa Kijiji Cha Kanazi Rudis Ulaya amesema kuwa tukio la Mwanamke huyo ambaye ni mke wa Mchungaji wa kanisa la EAGT kujinyonga limetokea leo Jumatano Disemba 24,2025 majira ya saa 2 asubuhi baada ya Mumewe ambaye ni mchungaji kwenda kanisani kupalilia pembeni mwa jengo la kanisa hilo. ‎ ‎Amesema kuwa wakati Mumewe ambaye ni Mchungaji akiendelea na jukumu lake kanisani mkewe aliutumia mwanya huo kujitundika kwa kutumia kitenge na muda mfupi Mumewe aliingia chumbani huko na kumkuta Mkewe akiwa amejitundika juu huku akitapatapa kufa ndipo alipochukua kisu na kukikata kitenge hicho kwa lengo la kuokoa uhai wake lakini muda mfupi alipoteza maisha ‎ ‎Mwenyekiti huyo wa Kijiji amefafanua kuwa baada ya yeye kumhoji Mume wa marehemu Mchungaji Ibrahimu Mwaipopo alid...
Read more