MADEREVA NA WAMILIKI WA PIKIPIKI NA BAJAJI WAHOJI SABABU YA WALIPISHA LESENI KUKAMATA NA KUTOZA FAINI VYOMBO VYAO.



Na Ibrahim Yassin,Songwe

MARUFUKU yatangazwa kwa wanaochukua tenda za kulipisha Leseni za bajaji na pikipiki kufanya msako wa kuwakamata wasiolipa Leseni na kuwatoza fedha zinazodaiwa kuwa ni Rushwa ikidaiwa hakuna sharia inayowaruhusu kufanya hivyo.

Marufuku hiyo imetolewa hivi karibuni katika semina elekezi iliyotolewa na maafisa wa sharia wa Mamlaka ya udhibiti wa usafiri ardhini (LATRA) katika ukumbi wa jeshi la polisi uliopo mkoani Songwe ukihudhuriwa na wamiliki wa vyombo vya moto, madereva.makondakta na jeshi la polisi usalama barabarani.

Katika kikao hicho mwenyekiti wa waendesha bodaboda mkoani Songwe Omary Mbuba ,amesema wanapongeza elimu iliyotolewa ya usalama barabarani lakini wanataka kujua sababu ya waliopewa tenda za kukamata pikipiki zisizo na Leseni na kusababisha ajali.

Amesema waliopewa tenda za uwakala wa kukatisha Leseni wamekuwa wakivaa sale zenye nembo za LATRA na kukimbizana na waendesha pikipiki na bajali kufanya ukaguzi na kusababisha ajali hali ya kuwa sharia haiwaruhusu na hakuna hatua za kisheria zinazochukuliwa dhidi yao.

‘’Ndugu muwezeshaji,kila kijiwe cha boda boda kina viongozi wake,kama mmewapa mamlaka hayo ni bora ngetueleza ili kukwepa migongano iliyopo,kwani watu hao wamekuwa wakikusanya fedha zisozo katika mpangilio na kusababisha taharuki’’amesema.

Akijibu hoja hizo mbele ya kikao,Afisa wa sharia kutoka mamlaka ya udhibiti wa usafiri ardhini kutoka makao makuu Dodoma,Martha Ngaga,amesema hakuna sharia inayoruhusu mbia wa kukatisha Leseni kuendesha msako.

Amesema mkataba wake na Latra ni kukatisha Leseni tena awe kwenye ofisi yake inayotambuliwa na sio kuzunguka mitaani kufanya msako,na pia amesema kosa lingine ni kutumia nembo ya Latra kuzunguka mitaani kukusanya fedha huku akipiga marufuku mfumo huo.

Katika semina hiyo,Irene Sawe afisa sharia wa mamlaka ya udhibiti wa usafiri ardhini (LATRA) mkoani Songwe,amesema serikali imeweka wazi mipango mizuri na ndiyo maana wamekuwa wakiwafikia pale walipo kuwakumbusha madereva na wamiliki wa vyombo vya moto kuzijua sharia.


Comments

Post a Comment

Popular posts from this blog

KAEGELE NA KAZUKAMWE WAIBUKA KIDEDEA KURA ZA MAONI CCM WILAYANI NKASI

Image
Na Israel Mwaisaka, Nkasi ‎ ‎Salum Kazukamwe na Moses Kaegele wameshinda katika Kura za maoni za kuwania Ubunge katika Majimbo mawili ya Nkasi Kaskazini na kusini yanayounda wilaya Nkasi ‎ ‎Akitoa taarifa juu ya zoezi zima la upigaji wa Kura za maoni lililofanyika Jana katibu wa CCM wilaya Nkasi Anastazia Almasi amesema kuwa wilaya Nkasi inaundwa na Majimbo mawili ya Uchaguzi na makada 10 wa CCM walifanikiwa kuingia katika kinyang'anyiro hicho na wawili hao kupenya kuweza kupeperusha bendera ya CCM kwenye uchaguzi mkuu unaotarajia kufanyika Oktoba 29,2025.. ‎ ‎Amesema kuwa kwa upande wa Jimbo la Nkasi Kaskazini Salumu Kazukamwe ameshinda kwa kupata Kura 2956 akifuatiwa na John Sichilima aliyepata kura 1471, Jonas Kifunda 560, Thomas Kalunga kura 320 na wa mwisho Ni David Siame aliyeambulia 137. ‎ ‎Kwa upande wa Jimbo la Nkasi kusini Moses Kaegele ameshinda kwa kupata Kura 3028 akifuatiwa na Vicent Mbogo aliyepata 1,623, Evarist Christopher Mwanansao Kura 465,Desderius Mipata Ku...
Read more

DIWANI KATA YA KALA AFARIKI DUNIA KWA UGONJWA WA KIHARUSI

Image
Na Israel Mwaisaka,Nkasi ‎DIWANI wa kata ya kala Wilayani Nkasi Privatus Yoramu (CCM) amefariki Dunia baada ya kuugua kwa muda mfupi . ‎ ‎Kwa mujibu wa taarifa iliyotolewa jana na Mwenyekiti wa halmashauri ya Wilaya Nkasi Richard Maasai ni kuwa tukio hilo limetokea Juzi jumatano majira ya saa 12 jioni wakati akipatiwa matibabu katika hospitali ya mkoa Rukwa. ‎ ‎Amesema kuwa marehemu amefariki kutokana na ugonjwa wa kiharusi na ugonjwa huo aliupata kutokana na ugonjwa uliokuwa umempata wa shinikizo la juu la damu (Pressure) na kupelekea mishipa ya damu kupasuka na hatimaye kupata ugonjwa wa Kiharusi uliopelelea umauti wake. ‎ ‎Mwenyekiti huyo wa halmashauri amefafanua kuwa majuzi aliongoza kikao Cha kamati ya elimu na afya kama Mwenyekiti na akiwa katika kikao hicho alizidiwa na ugonjwa na kukimbizwa katika hospitali ya Wilaya Nkasi ambapo alipewa huduma ya awali na kukimbizwa katika hospitali ya mkoa kwa matibabu zaidi . ‎ ‎Na amedai kuwa mazishi ya Diwani huyo yatafanyika kesho jumam...
Read more

Mke wa Mchungaji wa kanisa la EAGT ajinyonga akihofia deni lake la fedha za kanisa

Image
Na Israel Mwaisaka,Nkasi ‎ ‎Mwanamke aliyefahamika kwa jina la Joyce Baton Mwasumbi mkazi wa Kijiji Cha Kanazi wilayani Nkasi amefariki dunia baada ya kujinyonga kwa kutumia kanga chumbani kwake. ‎ ‎Akizungumzia tukio hilo Mwenyekiti wa Kijiji Cha Kanazi Rudis Ulaya amesema kuwa tukio la Mwanamke huyo ambaye ni mke wa Mchungaji wa kanisa la EAGT kujinyonga limetokea leo Jumatano Disemba 24,2025 majira ya saa 2 asubuhi baada ya Mumewe ambaye ni mchungaji kwenda kanisani kupalilia pembeni mwa jengo la kanisa hilo. ‎ ‎Amesema kuwa wakati Mumewe ambaye ni Mchungaji akiendelea na jukumu lake kanisani mkewe aliutumia mwanya huo kujitundika kwa kutumia kitenge na muda mfupi Mumewe aliingia chumbani huko na kumkuta Mkewe akiwa amejitundika juu huku akitapatapa kufa ndipo alipochukua kisu na kukikata kitenge hicho kwa lengo la kuokoa uhai wake lakini muda mfupi alipoteza maisha ‎ ‎Mwenyekiti huyo wa Kijiji amefafanua kuwa baada ya yeye kumhoji Mume wa marehemu Mchungaji Ibrahimu Mwaipopo alid...
Read more