WATUMISHI WA MAKAO MAKUU OFISI YA MKURUGENZI WAPATIWA ELIMU YA MAGONJWA YA AFYA YA AKILI.


Na Asha Hassan,Nkasi

Magonjwa ya afya ya akili ni miongoni mwa magonjwa yanayosababisha msongo wa mawazo kwa watumishi walio wengi, na kusababisha majukumu yao kutoyatekeleza vizuri.

Ili kuhakikisha tatizo hilo linadhibitiwa kwa Watumishi, Ofisi ya Mkurugenzi Mtendaji wa Halmashauri ya wilaya ya Nkasi Mkoani Rukwa Leo Novemba 24,2025 kwakushirikiana na Mtaalamu wa afya ya akili wilayani humo wameandaa mafunzo kwa watumishi wa Halmashauri hiyo ili kukabiliana na tatizo hilo.

Akizungumza katika mafunzo hayo Mratibu wa Magonjwa yasiyoyakuambukiza (W) Nkasi Richard Kauzeni amesema kuwa lengo la mafunzo hayo kwa watumishi nikuwaelimisha ili waweze kujua changamoto na athari  za msongo wa mawazo zinatokana na Nini na namna ya kukabiliana nazo mahala pa kazi.

Aidha ameongeza kuwa kwa sasa Watumishi wengi wanakabiliwa na tatizo hilo mahala pa kazi, hivyo mafunzo hayo yatawasaidia kutatua tatizo la msongo wa mawazo.

Sambamba na hayo ameeleza kuwa changamoto ya msongo wa mawazo kwa watumishi inapelekea kukosa morali ya kazi hivyo kuwa na utendaji mbovu wa kazi na taasisi kupata hasara lakini pia uzalishaji pamoja na utoaji huduma unakuwa sio rafiki au haukidhi matakwa ya wananchi na kusababisha Serikali kunyooshewa kidole.


Hata hivyo amesema yapo mambo kadhaa yanayopelekea kwa watumishi kupata msongo wa mawazo ikiwemo wengi wao kuwa na mahitaji makubwa ya kupata vitu vingi kwa wakati mmoja kupita vipato vyao.

Kwa upande wake kaimu Afisa Utumishi Emmanuel Shombe kupitia mafunzo hayo amewataka Watumishi kutotegemea mishahara pekee, badala yake wawe na vyanzo vingine vya mapato ili kuepukana na mikopo isiyoyalazima ambayo hupelekea msongo wa mawazo kwa watumishi.

Shombe amesema ili kuendelea kupeana elimu, zaidi kutakuwa na mwendelezo wa mafunzo ya aina hiyo pamoja na mafunzo ya matumizi sahihi ya pesa.

Nao baadhi ya watumishi walioshiriki mafunzo hayo Bw. Renatus Danda pamoja na Abdul Mtani wamesema mafunzo hayo yamewajenga kwa asilimia kubwa kwani wamepata uelewa mkubwa na watayafanyia kazi pamoja na kuwasaidia watu wengine.


Comments

Post a Comment

Popular posts from this blog

KAEGELE NA KAZUKAMWE WAIBUKA KIDEDEA KURA ZA MAONI CCM WILAYANI NKASI

Image
Na Israel Mwaisaka, Nkasi ‎ ‎Salum Kazukamwe na Moses Kaegele wameshinda katika Kura za maoni za kuwania Ubunge katika Majimbo mawili ya Nkasi Kaskazini na kusini yanayounda wilaya Nkasi ‎ ‎Akitoa taarifa juu ya zoezi zima la upigaji wa Kura za maoni lililofanyika Jana katibu wa CCM wilaya Nkasi Anastazia Almasi amesema kuwa wilaya Nkasi inaundwa na Majimbo mawili ya Uchaguzi na makada 10 wa CCM walifanikiwa kuingia katika kinyang'anyiro hicho na wawili hao kupenya kuweza kupeperusha bendera ya CCM kwenye uchaguzi mkuu unaotarajia kufanyika Oktoba 29,2025.. ‎ ‎Amesema kuwa kwa upande wa Jimbo la Nkasi Kaskazini Salumu Kazukamwe ameshinda kwa kupata Kura 2956 akifuatiwa na John Sichilima aliyepata kura 1471, Jonas Kifunda 560, Thomas Kalunga kura 320 na wa mwisho Ni David Siame aliyeambulia 137. ‎ ‎Kwa upande wa Jimbo la Nkasi kusini Moses Kaegele ameshinda kwa kupata Kura 3028 akifuatiwa na Vicent Mbogo aliyepata 1,623, Evarist Christopher Mwanansao Kura 465,Desderius Mipata Ku...
Read more

DIWANI KATA YA KALA AFARIKI DUNIA KWA UGONJWA WA KIHARUSI

Image
Na Israel Mwaisaka,Nkasi ‎DIWANI wa kata ya kala Wilayani Nkasi Privatus Yoramu (CCM) amefariki Dunia baada ya kuugua kwa muda mfupi . ‎ ‎Kwa mujibu wa taarifa iliyotolewa jana na Mwenyekiti wa halmashauri ya Wilaya Nkasi Richard Maasai ni kuwa tukio hilo limetokea Juzi jumatano majira ya saa 12 jioni wakati akipatiwa matibabu katika hospitali ya mkoa Rukwa. ‎ ‎Amesema kuwa marehemu amefariki kutokana na ugonjwa wa kiharusi na ugonjwa huo aliupata kutokana na ugonjwa uliokuwa umempata wa shinikizo la juu la damu (Pressure) na kupelekea mishipa ya damu kupasuka na hatimaye kupata ugonjwa wa Kiharusi uliopelelea umauti wake. ‎ ‎Mwenyekiti huyo wa halmashauri amefafanua kuwa majuzi aliongoza kikao Cha kamati ya elimu na afya kama Mwenyekiti na akiwa katika kikao hicho alizidiwa na ugonjwa na kukimbizwa katika hospitali ya Wilaya Nkasi ambapo alipewa huduma ya awali na kukimbizwa katika hospitali ya mkoa kwa matibabu zaidi . ‎ ‎Na amedai kuwa mazishi ya Diwani huyo yatafanyika kesho jumam...
Read more

Mke wa Mchungaji wa kanisa la EAGT ajinyonga akihofia deni lake la fedha za kanisa

Image
Na Israel Mwaisaka,Nkasi ‎ ‎Mwanamke aliyefahamika kwa jina la Joyce Baton Mwasumbi mkazi wa Kijiji Cha Kanazi wilayani Nkasi amefariki dunia baada ya kujinyonga kwa kutumia kanga chumbani kwake. ‎ ‎Akizungumzia tukio hilo Mwenyekiti wa Kijiji Cha Kanazi Rudis Ulaya amesema kuwa tukio la Mwanamke huyo ambaye ni mke wa Mchungaji wa kanisa la EAGT kujinyonga limetokea leo Jumatano Disemba 24,2025 majira ya saa 2 asubuhi baada ya Mumewe ambaye ni mchungaji kwenda kanisani kupalilia pembeni mwa jengo la kanisa hilo. ‎ ‎Amesema kuwa wakati Mumewe ambaye ni Mchungaji akiendelea na jukumu lake kanisani mkewe aliutumia mwanya huo kujitundika kwa kutumia kitenge na muda mfupi Mumewe aliingia chumbani huko na kumkuta Mkewe akiwa amejitundika juu huku akitapatapa kufa ndipo alipochukua kisu na kukikata kitenge hicho kwa lengo la kuokoa uhai wake lakini muda mfupi alipoteza maisha ‎ ‎Mwenyekiti huyo wa Kijiji amefafanua kuwa baada ya yeye kumhoji Mume wa marehemu Mchungaji Ibrahimu Mwaipopo alid...
Read more