WANANCHI WAWAHARAKISHA WAKANDARASI WANAWAKE WAZAWA KUKAMILISHA MRADI KWA WAKATI.


Na Ibrahim Yassin,Songwe

WANANCHI katika vijiji vilivyopo wilaya ya Mbozi na Ileje mkoani Songwe,wamewaharakisha Wakanda rasi wanawake wazawa kukamilisha ujenzi wa barabara kwa wakati wakiwa na uchu wa kukuza uchumi kwenye sekta ya usafirishaji mazao.

Wamesema wamejipanga kuhakikisha wanaitumia barabara hiyo kukuza uchumi kwa kusafirisha bidhaa kutoka mashambani kwenda kwenye masoko yaliyopo nje ya mkoa wa Songwe wakitumia barabara hiyo hali iliyopelekea wawe na uchu wakitaka ujenzi ukamilike.


Serikali ya Tanzania ilitoa kiasi cha shilingi Bilioni 45 kujenga barabara ya Lami kilometa 20 kuanzia Ruanda hadi Idiwili ikiwa na lengo la kuondoa changamoto ya mindombinu ya barabara na kukuza uchumi kwa jamii.

Katika ujenzi huo makampuni manne ya wanawake wazawa walipewa tenday a ujenzi ambapo kila kampuni ilipewa kilometa 5 huku yakiungana kuongeza nguvu ya pamoja kujenga mradi huo ambapo wamejinasibu kukamilisha kabla ya muda uliowekwa.


Sehemu ya kwanza ya ujenzi ni Ruanda -Idiwili  ikijengwa na M/s ULM—HIGO-TANZHON INVESTMENT JV LIMITED, na sehemu ya pili inajengwa na M/s AB,Msengi-Hystem na Msetti Women Contractor Joint Venture.

Sehemu ya 3 ya  ujenzi inajengwa na M/s Ibra Contractors.Nail it Constructution limited and  Kimango Engineering Company na sehemu ya nne ya ujenzi inajengwa na M/s Judex Contractors, Cyfloa 2020 Compan limited, ML Smart  Compan Limited.

Ujenzi wa barabara hiyo ya Lami Ruanda Idiwili kwa kiwango cha Lami kilometa 20 ni moja ya mikakati ya serikali kuharakisha maendeleo ya kichumi na kijamii mkoani Songwe na maeneo jirani kwa kuboresha mtandao wa barabara ili kuongeza ufanisi sekta ya usafirishaji.

Safina Mtafya Mkazi wa njia panda Iyula amesema tayari wawekezaji ikiwmo wajasiliamali wameanza kufika kwenye vijiji hivyo kufungua biashara na kwamba endapo ujenzi utakamilika kwa wakati wanauhakika uchumi utakuwa kwa kasi.

Sanke Simfukwe mkazi wa Idiwili amesema katika vijiji hivyo wakulima wengi wataongeza thamani ya mazao yao kutokana na barabara hiyo kwani hata bidhaa kutoka nchi jirani ya Malawi zikiwemo Mbao kutoka Ileje zitapita katika barabara hiyo kwenda mikoani.

Rais wa wakandarasi wazawa nchini Judith Odunga amesema serikali ya Rais Dkt,Samia imewaamini na wao hawataiangusha watahakikisha wanakamilisha ujenzi huo kwa wakati na kwa viwango vya juu huku lengo lao ni kutaka kujenga miradi yenye thamani kubwa zaidi.

Comments

Post a Comment

Popular posts from this blog

KAEGELE NA KAZUKAMWE WAIBUKA KIDEDEA KURA ZA MAONI CCM WILAYANI NKASI

Image
Na Israel Mwaisaka, Nkasi ‎ ‎Salum Kazukamwe na Moses Kaegele wameshinda katika Kura za maoni za kuwania Ubunge katika Majimbo mawili ya Nkasi Kaskazini na kusini yanayounda wilaya Nkasi ‎ ‎Akitoa taarifa juu ya zoezi zima la upigaji wa Kura za maoni lililofanyika Jana katibu wa CCM wilaya Nkasi Anastazia Almasi amesema kuwa wilaya Nkasi inaundwa na Majimbo mawili ya Uchaguzi na makada 10 wa CCM walifanikiwa kuingia katika kinyang'anyiro hicho na wawili hao kupenya kuweza kupeperusha bendera ya CCM kwenye uchaguzi mkuu unaotarajia kufanyika Oktoba 29,2025.. ‎ ‎Amesema kuwa kwa upande wa Jimbo la Nkasi Kaskazini Salumu Kazukamwe ameshinda kwa kupata Kura 2956 akifuatiwa na John Sichilima aliyepata kura 1471, Jonas Kifunda 560, Thomas Kalunga kura 320 na wa mwisho Ni David Siame aliyeambulia 137. ‎ ‎Kwa upande wa Jimbo la Nkasi kusini Moses Kaegele ameshinda kwa kupata Kura 3028 akifuatiwa na Vicent Mbogo aliyepata 1,623, Evarist Christopher Mwanansao Kura 465,Desderius Mipata Ku...
Read more

DIWANI KATA YA KALA AFARIKI DUNIA KWA UGONJWA WA KIHARUSI

Image
Na Israel Mwaisaka,Nkasi ‎DIWANI wa kata ya kala Wilayani Nkasi Privatus Yoramu (CCM) amefariki Dunia baada ya kuugua kwa muda mfupi . ‎ ‎Kwa mujibu wa taarifa iliyotolewa jana na Mwenyekiti wa halmashauri ya Wilaya Nkasi Richard Maasai ni kuwa tukio hilo limetokea Juzi jumatano majira ya saa 12 jioni wakati akipatiwa matibabu katika hospitali ya mkoa Rukwa. ‎ ‎Amesema kuwa marehemu amefariki kutokana na ugonjwa wa kiharusi na ugonjwa huo aliupata kutokana na ugonjwa uliokuwa umempata wa shinikizo la juu la damu (Pressure) na kupelekea mishipa ya damu kupasuka na hatimaye kupata ugonjwa wa Kiharusi uliopelelea umauti wake. ‎ ‎Mwenyekiti huyo wa halmashauri amefafanua kuwa majuzi aliongoza kikao Cha kamati ya elimu na afya kama Mwenyekiti na akiwa katika kikao hicho alizidiwa na ugonjwa na kukimbizwa katika hospitali ya Wilaya Nkasi ambapo alipewa huduma ya awali na kukimbizwa katika hospitali ya mkoa kwa matibabu zaidi . ‎ ‎Na amedai kuwa mazishi ya Diwani huyo yatafanyika kesho jumam...
Read more

Mke wa Mchungaji wa kanisa la EAGT ajinyonga akihofia deni lake la fedha za kanisa

Image
Na Israel Mwaisaka,Nkasi ‎ ‎Mwanamke aliyefahamika kwa jina la Joyce Baton Mwasumbi mkazi wa Kijiji Cha Kanazi wilayani Nkasi amefariki dunia baada ya kujinyonga kwa kutumia kanga chumbani kwake. ‎ ‎Akizungumzia tukio hilo Mwenyekiti wa Kijiji Cha Kanazi Rudis Ulaya amesema kuwa tukio la Mwanamke huyo ambaye ni mke wa Mchungaji wa kanisa la EAGT kujinyonga limetokea leo Jumatano Disemba 24,2025 majira ya saa 2 asubuhi baada ya Mumewe ambaye ni mchungaji kwenda kanisani kupalilia pembeni mwa jengo la kanisa hilo. ‎ ‎Amesema kuwa wakati Mumewe ambaye ni Mchungaji akiendelea na jukumu lake kanisani mkewe aliutumia mwanya huo kujitundika kwa kutumia kitenge na muda mfupi Mumewe aliingia chumbani huko na kumkuta Mkewe akiwa amejitundika juu huku akitapatapa kufa ndipo alipochukua kisu na kukikata kitenge hicho kwa lengo la kuokoa uhai wake lakini muda mfupi alipoteza maisha ‎ ‎Mwenyekiti huyo wa Kijiji amefafanua kuwa baada ya yeye kumhoji Mume wa marehemu Mchungaji Ibrahimu Mwaipopo alid...
Read more