Maafisa ugani Nkasi watakiwa kutoa elimu ya kilimo kwa Wakulima wakati huu wa masika


Na Asha Hassan,Nkasi

Afisa kilimo, Mifugo na Uvuvi (W) Nkasi, Mkoani Rukwa Dkt.John S. Tlatlaa amewataka Maafisa Ugani wilayani humo kuendelea Kutoa elimu ya kilimo cha Ufuta na Mbaazi kwa wakaazi wa mwambao wa Ziwa Tanganyika na kata zingine zilizofanyiwa utafiti kwa ajili ya kilimo cha mazao hayo.

Akizungumza katika kikao kazi cha maandalizi ya msimu wa kilimo kwa mwaka 2025/2026, kilichofanyika katika ukumbi wa Halmashauri ya (W) Nkasi Novemba 20, 2025, Dkt. Tlatlaa amesema kuwa Halmashauri imekusudia kuendeleza zao la Ufuta na Mbaazi kutokana na fursa za masoko ya mtandao uliopo.

"Kama tulivyoahidi kwamba kutakuwa na mashamba darasa kadhaa kama 39 kwa maeneo yote ya kata za mwambao amabayo yataanzishwa kwa mwaka huu katika mazao ya Ufuta kwa hiyo wale Maafisa kilimo wa hizo kata katika maeneo yenu mnapokutana kwenye vikao hata vile vya Kijiji basi muendelee Kutoa elimu ya watu kulima zao la Ufuta lakini pia waandae mashamba ya Ufuta "
Aidha amewaomba Maafisa kilimo hao kumsaidia Mkurugenzi kukusanya mapato kupitia wafanya biashara wanaokwenda na Malori kwenye maeneo yao kuhakikisha wanalipa tozo zinazotakiwa kwa kulipa ushuru huku akiwaeleza kuwa wasisite kuyakagua Malori hayo pamoja na kutoa taarifa kwa watendaji endapo watabaini kama Malori hayo hayajalipa ushuru ili Halmashauri ifikie malengo yake ya kufikisha huduma kwenye jamii.

Sambamba na hayo amewataka Maafisa hao wa kilimo kwenda kuyafanyia kazi yale yote waliyoyajadili kupitia kikao kazi hicho ili kufikia malengo yaliyokusudiwa

Mkuu wa sehemu ya kilimo Emmanuel Gamasa amesisitiza kuwa Maafisa kilimo wote waongeze kasi ya usajili wa wakulima kwenye mfumo wa pembejeo za ruzuku pamoja na kuwashauri wakulima kwenye maeneo yao kutumia kanuni bora za kilimo.

Comments

Post a Comment

Popular posts from this blog

KAEGELE NA KAZUKAMWE WAIBUKA KIDEDEA KURA ZA MAONI CCM WILAYANI NKASI

Image
Na Israel Mwaisaka, Nkasi ‎ ‎Salum Kazukamwe na Moses Kaegele wameshinda katika Kura za maoni za kuwania Ubunge katika Majimbo mawili ya Nkasi Kaskazini na kusini yanayounda wilaya Nkasi ‎ ‎Akitoa taarifa juu ya zoezi zima la upigaji wa Kura za maoni lililofanyika Jana katibu wa CCM wilaya Nkasi Anastazia Almasi amesema kuwa wilaya Nkasi inaundwa na Majimbo mawili ya Uchaguzi na makada 10 wa CCM walifanikiwa kuingia katika kinyang'anyiro hicho na wawili hao kupenya kuweza kupeperusha bendera ya CCM kwenye uchaguzi mkuu unaotarajia kufanyika Oktoba 29,2025.. ‎ ‎Amesema kuwa kwa upande wa Jimbo la Nkasi Kaskazini Salumu Kazukamwe ameshinda kwa kupata Kura 2956 akifuatiwa na John Sichilima aliyepata kura 1471, Jonas Kifunda 560, Thomas Kalunga kura 320 na wa mwisho Ni David Siame aliyeambulia 137. ‎ ‎Kwa upande wa Jimbo la Nkasi kusini Moses Kaegele ameshinda kwa kupata Kura 3028 akifuatiwa na Vicent Mbogo aliyepata 1,623, Evarist Christopher Mwanansao Kura 465,Desderius Mipata Ku...
Read more

DIWANI KATA YA KALA AFARIKI DUNIA KWA UGONJWA WA KIHARUSI

Image
Na Israel Mwaisaka,Nkasi ‎DIWANI wa kata ya kala Wilayani Nkasi Privatus Yoramu (CCM) amefariki Dunia baada ya kuugua kwa muda mfupi . ‎ ‎Kwa mujibu wa taarifa iliyotolewa jana na Mwenyekiti wa halmashauri ya Wilaya Nkasi Richard Maasai ni kuwa tukio hilo limetokea Juzi jumatano majira ya saa 12 jioni wakati akipatiwa matibabu katika hospitali ya mkoa Rukwa. ‎ ‎Amesema kuwa marehemu amefariki kutokana na ugonjwa wa kiharusi na ugonjwa huo aliupata kutokana na ugonjwa uliokuwa umempata wa shinikizo la juu la damu (Pressure) na kupelekea mishipa ya damu kupasuka na hatimaye kupata ugonjwa wa Kiharusi uliopelelea umauti wake. ‎ ‎Mwenyekiti huyo wa halmashauri amefafanua kuwa majuzi aliongoza kikao Cha kamati ya elimu na afya kama Mwenyekiti na akiwa katika kikao hicho alizidiwa na ugonjwa na kukimbizwa katika hospitali ya Wilaya Nkasi ambapo alipewa huduma ya awali na kukimbizwa katika hospitali ya mkoa kwa matibabu zaidi . ‎ ‎Na amedai kuwa mazishi ya Diwani huyo yatafanyika kesho jumam...
Read more

Mke wa Mchungaji wa kanisa la EAGT ajinyonga akihofia deni lake la fedha za kanisa

Image
Na Israel Mwaisaka,Nkasi ‎ ‎Mwanamke aliyefahamika kwa jina la Joyce Baton Mwasumbi mkazi wa Kijiji Cha Kanazi wilayani Nkasi amefariki dunia baada ya kujinyonga kwa kutumia kanga chumbani kwake. ‎ ‎Akizungumzia tukio hilo Mwenyekiti wa Kijiji Cha Kanazi Rudis Ulaya amesema kuwa tukio la Mwanamke huyo ambaye ni mke wa Mchungaji wa kanisa la EAGT kujinyonga limetokea leo Jumatano Disemba 24,2025 majira ya saa 2 asubuhi baada ya Mumewe ambaye ni mchungaji kwenda kanisani kupalilia pembeni mwa jengo la kanisa hilo. ‎ ‎Amesema kuwa wakati Mumewe ambaye ni Mchungaji akiendelea na jukumu lake kanisani mkewe aliutumia mwanya huo kujitundika kwa kutumia kitenge na muda mfupi Mumewe aliingia chumbani huko na kumkuta Mkewe akiwa amejitundika juu huku akitapatapa kufa ndipo alipochukua kisu na kukikata kitenge hicho kwa lengo la kuokoa uhai wake lakini muda mfupi alipoteza maisha ‎ ‎Mwenyekiti huyo wa Kijiji amefafanua kuwa baada ya yeye kumhoji Mume wa marehemu Mchungaji Ibrahimu Mwaipopo alid...
Read more