Wapiga kura uchaguzi mkuu Nkasi watangaziwa rasmi siku ya kupiga kura

‎

Na Israel Mwaisaka,Nkasi
‎
‎Tume huru ya taifa ya Uchaguzi Jimbo la Nkasi Kaskazini na Nkasi kusini kwa mujibu wa kifungu Cha 69 (1)1 imetangaza rasmi Kuwa Oktoba 29,2025 Ni siku ya kupiga Kura kwa wale wote waliojiandikisha katika Daftari la kudumu la wapiga Kura.
‎
‎Akitoa tangazo hilo leo Oktoba 20,2025 Msimamizi wa Uchaguzi wa Jimbo la Nkasi Kaskazini na Nkasi kusini George Mwahinda amesema kuwa vituo vilivyotumika kuandikisha wapiga Kura ndivyo vitakavyotumika kupigia Kura.
‎
‎Amesema kuwa pamoja na tangazo hilo katika kila kituo cha kupigia Kura zimebandikwa taarifa mbalimbali ikiwemo karatasi ya mfano yenye majina na picha za kila mgombea pamoja na Nembo ya vyama vyao vya siasa kwa Uchaguzi wa Rais,Wabunge na Madiwani.
‎
‎Pia nitakuwepo na orodha ya majina ya Wapiga Kura walioandikishwa na tume huru ya taifa ya Uchaguzi ikiwa ni pamoja na orodha ya Wapiga kura walioruhusiwa kupiga Kura moja tu ya Rais


‎Mwahinda amefafanua kuwa vituo vyote vya kupigia Kura siku ya Uchaguzi vitafunguliwa saa 1:00 na kufungwa saa 10:00 za jioni na kwa upande wa vituo vya kupigia Kura vya Magereza vitafunguliwa saa 2:00 za asubuhi na kufungwa saa 9:00 alasiri.
‎
‎Hivyo katika kipindi hiki Wananchi wote wanatakiwa kupitia taarifa hizo zilizowekwa katika vituo Ili kuweza kutambua mapema vituo watakavyopigia Kura na kuona mfano wa karatasi ya Kura.
‎
‎Mwahinda ambaye ndiye Msimamizi wa Uchaguzi katika Majimbo yote mawili amesema kuwa katika Majimbo yote mawili wanatarajia watakaopiga Kura ni 214,219 ambapo Nkasi Kaskazini Ni 125,078 na kusini Ni 8,9141
‎
‎

Comments

Post a Comment

Popular posts from this blog

KAEGELE NA KAZUKAMWE WAIBUKA KIDEDEA KURA ZA MAONI CCM WILAYANI NKASI

Image
Na Israel Mwaisaka, Nkasi ‎ ‎Salum Kazukamwe na Moses Kaegele wameshinda katika Kura za maoni za kuwania Ubunge katika Majimbo mawili ya Nkasi Kaskazini na kusini yanayounda wilaya Nkasi ‎ ‎Akitoa taarifa juu ya zoezi zima la upigaji wa Kura za maoni lililofanyika Jana katibu wa CCM wilaya Nkasi Anastazia Almasi amesema kuwa wilaya Nkasi inaundwa na Majimbo mawili ya Uchaguzi na makada 10 wa CCM walifanikiwa kuingia katika kinyang'anyiro hicho na wawili hao kupenya kuweza kupeperusha bendera ya CCM kwenye uchaguzi mkuu unaotarajia kufanyika Oktoba 29,2025.. ‎ ‎Amesema kuwa kwa upande wa Jimbo la Nkasi Kaskazini Salumu Kazukamwe ameshinda kwa kupata Kura 2956 akifuatiwa na John Sichilima aliyepata kura 1471, Jonas Kifunda 560, Thomas Kalunga kura 320 na wa mwisho Ni David Siame aliyeambulia 137. ‎ ‎Kwa upande wa Jimbo la Nkasi kusini Moses Kaegele ameshinda kwa kupata Kura 3028 akifuatiwa na Vicent Mbogo aliyepata 1,623, Evarist Christopher Mwanansao Kura 465,Desderius Mipata Ku...
Read more

DIWANI KATA YA KALA AFARIKI DUNIA KWA UGONJWA WA KIHARUSI

Image
Na Israel Mwaisaka,Nkasi ‎DIWANI wa kata ya kala Wilayani Nkasi Privatus Yoramu (CCM) amefariki Dunia baada ya kuugua kwa muda mfupi . ‎ ‎Kwa mujibu wa taarifa iliyotolewa jana na Mwenyekiti wa halmashauri ya Wilaya Nkasi Richard Maasai ni kuwa tukio hilo limetokea Juzi jumatano majira ya saa 12 jioni wakati akipatiwa matibabu katika hospitali ya mkoa Rukwa. ‎ ‎Amesema kuwa marehemu amefariki kutokana na ugonjwa wa kiharusi na ugonjwa huo aliupata kutokana na ugonjwa uliokuwa umempata wa shinikizo la juu la damu (Pressure) na kupelekea mishipa ya damu kupasuka na hatimaye kupata ugonjwa wa Kiharusi uliopelelea umauti wake. ‎ ‎Mwenyekiti huyo wa halmashauri amefafanua kuwa majuzi aliongoza kikao Cha kamati ya elimu na afya kama Mwenyekiti na akiwa katika kikao hicho alizidiwa na ugonjwa na kukimbizwa katika hospitali ya Wilaya Nkasi ambapo alipewa huduma ya awali na kukimbizwa katika hospitali ya mkoa kwa matibabu zaidi . ‎ ‎Na amedai kuwa mazishi ya Diwani huyo yatafanyika kesho jumam...
Read more

Mke wa Mchungaji wa kanisa la EAGT ajinyonga akihofia deni lake la fedha za kanisa

Image
Na Israel Mwaisaka,Nkasi ‎ ‎Mwanamke aliyefahamika kwa jina la Joyce Baton Mwasumbi mkazi wa Kijiji Cha Kanazi wilayani Nkasi amefariki dunia baada ya kujinyonga kwa kutumia kanga chumbani kwake. ‎ ‎Akizungumzia tukio hilo Mwenyekiti wa Kijiji Cha Kanazi Rudis Ulaya amesema kuwa tukio la Mwanamke huyo ambaye ni mke wa Mchungaji wa kanisa la EAGT kujinyonga limetokea leo Jumatano Disemba 24,2025 majira ya saa 2 asubuhi baada ya Mumewe ambaye ni mchungaji kwenda kanisani kupalilia pembeni mwa jengo la kanisa hilo. ‎ ‎Amesema kuwa wakati Mumewe ambaye ni Mchungaji akiendelea na jukumu lake kanisani mkewe aliutumia mwanya huo kujitundika kwa kutumia kitenge na muda mfupi Mumewe aliingia chumbani huko na kumkuta Mkewe akiwa amejitundika juu huku akitapatapa kufa ndipo alipochukua kisu na kukikata kitenge hicho kwa lengo la kuokoa uhai wake lakini muda mfupi alipoteza maisha ‎ ‎Mwenyekiti huyo wa Kijiji amefafanua kuwa baada ya yeye kumhoji Mume wa marehemu Mchungaji Ibrahimu Mwaipopo alid...
Read more