Naibu katibu mkuu avutiwa na kasi ya Wakandarasi Wanawake-Songwe



Na Ibrahim Yassin, Songwe

Naibu Katibu Mkuu Wizara ya Ujenzi, Dk. Charles Msonde, amepongeza kasi na ubora wa ujenzi wa barabara unaotekelezwa na wakandarasi wanawake wazawa mkoani Songwe, akisema wameanza vizuri na wanaonyesha uwezo mkubwa katika utekelezaji wa miradi ya serikali.

Dk. Msonde alitoa pongezi hizo leo, Oktoba 15, 2025, wakati wa ziara yake ya kukagua miradi ya ujenzi wa barabara na madaraja katika wilaya za Ileje na Mbozi.


Akiwa wilayani Ileje, alikagua Daraja la Sange, linalojengwa kwa gharama ya Shilingi Bilioni 7.942, ambapo ujenzi unaendelea kwa kasi nzuri.
Baada ya kukagua, Dk. Msonde aliagiza wakandarasi kuongeza kasi ya ujenzi, ikiwemo kufanya kazi usiku na mchana ili miradi ikamilike kwa wakati.

Akizungumza katika ziara hiyo, Dk. Msonde alisema ameridhishwa na matumizi ya fedha za serikali, akibainisha kuwa fedha zimetumika ipasavyo na miradi inaonyesha tija kwa wananchi.


Katika wilaya ya Mbozi, alikagua ujenzi wa Barabara ya Ruanda–Nyimbili–Hasamba–Izyila–Itumba, yenye urefu wa kilomita 79.67 kwa kiwango cha lami, pamoja na sehemu za barabara ya Ruanda–Idiwili kuanzia kilomita 2 hadi 21.
Amesema barabara hizo ni sehemu ya mikakati ya serikali ya kuharakisha maendeleo vijijini na kuimarisha miundombinu ya usafiri na uchumi.

> “Nimeridhishwa na kazi inayoendelea. Wakandarasi wanawake wameonyesha mfano bora wa ujenzi wa barabara zenye viwango. Serikali itaendelea kuwaunga mkono,” alisema Dk. Msonde.


Kwa upande wake, Rais wa Chama cha Wakandarasi Wanawake Tanzania (TAWOMA), Bi. Judith Odunga, alisema watahakikisha wanakamilisha miradi hiyo kwa wakati na kwa ubora unaotakiwa.

> “Tunaomba serikali ituongezee fedha ili tuweze kuendana na kasi ya ujenzi wa barabara hizi muhimu,” alisema Bi. Odunga.

Dk. Msonde alimalizia kwa kusema serikali itaendelea kuwezesha wakandarasi wanawake ili kuongeza ushiriki wao katika miradi mikubwa ya ujenzi nchini, ambapo awali walipewa miradi ya Shilingi Bilioni 10, lakini sasa wanatarajiwa kufikia hadi Bilioni 50 kutokana na uwezo waliouonyesha.


Comments

Post a Comment

Popular posts from this blog

KAEGELE NA KAZUKAMWE WAIBUKA KIDEDEA KURA ZA MAONI CCM WILAYANI NKASI

Image
Na Israel Mwaisaka, Nkasi ‎ ‎Salum Kazukamwe na Moses Kaegele wameshinda katika Kura za maoni za kuwania Ubunge katika Majimbo mawili ya Nkasi Kaskazini na kusini yanayounda wilaya Nkasi ‎ ‎Akitoa taarifa juu ya zoezi zima la upigaji wa Kura za maoni lililofanyika Jana katibu wa CCM wilaya Nkasi Anastazia Almasi amesema kuwa wilaya Nkasi inaundwa na Majimbo mawili ya Uchaguzi na makada 10 wa CCM walifanikiwa kuingia katika kinyang'anyiro hicho na wawili hao kupenya kuweza kupeperusha bendera ya CCM kwenye uchaguzi mkuu unaotarajia kufanyika Oktoba 29,2025.. ‎ ‎Amesema kuwa kwa upande wa Jimbo la Nkasi Kaskazini Salumu Kazukamwe ameshinda kwa kupata Kura 2956 akifuatiwa na John Sichilima aliyepata kura 1471, Jonas Kifunda 560, Thomas Kalunga kura 320 na wa mwisho Ni David Siame aliyeambulia 137. ‎ ‎Kwa upande wa Jimbo la Nkasi kusini Moses Kaegele ameshinda kwa kupata Kura 3028 akifuatiwa na Vicent Mbogo aliyepata 1,623, Evarist Christopher Mwanansao Kura 465,Desderius Mipata Ku...
Read more

DIWANI KATA YA KALA AFARIKI DUNIA KWA UGONJWA WA KIHARUSI

Image
Na Israel Mwaisaka,Nkasi ‎DIWANI wa kata ya kala Wilayani Nkasi Privatus Yoramu (CCM) amefariki Dunia baada ya kuugua kwa muda mfupi . ‎ ‎Kwa mujibu wa taarifa iliyotolewa jana na Mwenyekiti wa halmashauri ya Wilaya Nkasi Richard Maasai ni kuwa tukio hilo limetokea Juzi jumatano majira ya saa 12 jioni wakati akipatiwa matibabu katika hospitali ya mkoa Rukwa. ‎ ‎Amesema kuwa marehemu amefariki kutokana na ugonjwa wa kiharusi na ugonjwa huo aliupata kutokana na ugonjwa uliokuwa umempata wa shinikizo la juu la damu (Pressure) na kupelekea mishipa ya damu kupasuka na hatimaye kupata ugonjwa wa Kiharusi uliopelelea umauti wake. ‎ ‎Mwenyekiti huyo wa halmashauri amefafanua kuwa majuzi aliongoza kikao Cha kamati ya elimu na afya kama Mwenyekiti na akiwa katika kikao hicho alizidiwa na ugonjwa na kukimbizwa katika hospitali ya Wilaya Nkasi ambapo alipewa huduma ya awali na kukimbizwa katika hospitali ya mkoa kwa matibabu zaidi . ‎ ‎Na amedai kuwa mazishi ya Diwani huyo yatafanyika kesho jumam...
Read more

Mke wa Mchungaji wa kanisa la EAGT ajinyonga akihofia deni lake la fedha za kanisa

Image
Na Israel Mwaisaka,Nkasi ‎ ‎Mwanamke aliyefahamika kwa jina la Joyce Baton Mwasumbi mkazi wa Kijiji Cha Kanazi wilayani Nkasi amefariki dunia baada ya kujinyonga kwa kutumia kanga chumbani kwake. ‎ ‎Akizungumzia tukio hilo Mwenyekiti wa Kijiji Cha Kanazi Rudis Ulaya amesema kuwa tukio la Mwanamke huyo ambaye ni mke wa Mchungaji wa kanisa la EAGT kujinyonga limetokea leo Jumatano Disemba 24,2025 majira ya saa 2 asubuhi baada ya Mumewe ambaye ni mchungaji kwenda kanisani kupalilia pembeni mwa jengo la kanisa hilo. ‎ ‎Amesema kuwa wakati Mumewe ambaye ni Mchungaji akiendelea na jukumu lake kanisani mkewe aliutumia mwanya huo kujitundika kwa kutumia kitenge na muda mfupi Mumewe aliingia chumbani huko na kumkuta Mkewe akiwa amejitundika juu huku akitapatapa kufa ndipo alipochukua kisu na kukikata kitenge hicho kwa lengo la kuokoa uhai wake lakini muda mfupi alipoteza maisha ‎ ‎Mwenyekiti huyo wa Kijiji amefafanua kuwa baada ya yeye kumhoji Mume wa marehemu Mchungaji Ibrahimu Mwaipopo alid...
Read more