JINSI JESHI LA POLISI MBEYA LILIVYOJENGEWA UWEZO MASUALA YA HAKI ZA BINADAMU.




Na Ibrahim Yassin, Songwe.

MAAFISA Wakaguzi na Askari wa vyeo mbalimbali wa Jeshi la Polisi Mkoa wa Mbeya wamekumbushwa umuhimu wa kusimamia haki kipindi cha uchaguzi mkuu ili kudumisha amani na utulivu wa nchi.

Tanzania ni moja ya nchi yenye amani na utulivu hivyo ambyo ni tunu ya Taifa ,elimu iliyotolewa imewawapa mwanga zaidi maafisa hao kuzidi kuilinda amani iliyopo kwa kuzingatia haki za binadamu.

Rai hiyo imetolewa leo Septemba 22/2025 na Kamishna wa Tume ya Haki za Binadamu na Utawala Bora Amina Ally wakati wa mafunzo ya masuala ya haki za binadamu na wajibu wa Jeshi la Polisi katika uchagu zi mkuu utakaofanyika mwezi Oktoba mwaka huu.


Kamishna wa Tume Amina amesema kuwa, Tume ya haki za binadamu na Utawala Bora imepewa jukumu la kuhakikisha kila mwananchi ana haki ya kupiga kura katika hali ya amani na utulivu hivyo kwa kushirikiana na Jeshi la Polisi Tume ina uhakika haki hiyo itatekelezwa bila upendeleo wa uwepo wa matumizi ya nguvu kupita kiasi.

Naye, Kamanda wa Polisi Mkoa wa Mbeya Kamishna Msaidizi Mwandamizi wa Polisi (SACP) amesema kuwa mafunzo hayo yatajenga ufahamu mkubwa kwa Askari kuhusu masuala ya haki za binadamu hasa katika kipindi hiki cha kampeni za uchaguzi na uchaguzi wenyewe.


Aliongeza kuwa, Jeshi la Polisi Mkoa wa Mbeya lipo makini na litahakikisha linaimarisha ulinzi na usalama na kwa yeyote atakayekiuka sheria na taratibu atachukuliwa hatua kwa mujibu wa sheria.

Kwa upande wake Afisa Uchunguzi Mkuu wa Tume ya Haki za Binadamu na Utawala Bora ndugu Emmanuel Ndosi ameeleza kuwa Jeshi la Polisi linao wajibu wa kulinda haki na kuhakikisha haki inatekelezwa hasa kipindi hiki cha uchaguzi kwa kutimiza wajibu wao kwa ufanisi na weledi ili kupunguza malalamiko.


Tanzania ipo kwenye harakati ya kufanya uchaguzi mkuu mwezi Oktoba mwaka huu hivyo maafisa wa haki za binadamu wanaendelea kutoa semina kwa waandishi wa habari na jeshi la polisi namna ya kutekeleza majukumu yao kwa kufuata misingi ya haki. 



Comments

Post a Comment

Popular posts from this blog

KAEGELE NA KAZUKAMWE WAIBUKA KIDEDEA KURA ZA MAONI CCM WILAYANI NKASI

Image
Na Israel Mwaisaka, Nkasi ‎ ‎Salum Kazukamwe na Moses Kaegele wameshinda katika Kura za maoni za kuwania Ubunge katika Majimbo mawili ya Nkasi Kaskazini na kusini yanayounda wilaya Nkasi ‎ ‎Akitoa taarifa juu ya zoezi zima la upigaji wa Kura za maoni lililofanyika Jana katibu wa CCM wilaya Nkasi Anastazia Almasi amesema kuwa wilaya Nkasi inaundwa na Majimbo mawili ya Uchaguzi na makada 10 wa CCM walifanikiwa kuingia katika kinyang'anyiro hicho na wawili hao kupenya kuweza kupeperusha bendera ya CCM kwenye uchaguzi mkuu unaotarajia kufanyika Oktoba 29,2025.. ‎ ‎Amesema kuwa kwa upande wa Jimbo la Nkasi Kaskazini Salumu Kazukamwe ameshinda kwa kupata Kura 2956 akifuatiwa na John Sichilima aliyepata kura 1471, Jonas Kifunda 560, Thomas Kalunga kura 320 na wa mwisho Ni David Siame aliyeambulia 137. ‎ ‎Kwa upande wa Jimbo la Nkasi kusini Moses Kaegele ameshinda kwa kupata Kura 3028 akifuatiwa na Vicent Mbogo aliyepata 1,623, Evarist Christopher Mwanansao Kura 465,Desderius Mipata Ku...
Read more

DIWANI KATA YA KALA AFARIKI DUNIA KWA UGONJWA WA KIHARUSI

Image
Na Israel Mwaisaka,Nkasi ‎DIWANI wa kata ya kala Wilayani Nkasi Privatus Yoramu (CCM) amefariki Dunia baada ya kuugua kwa muda mfupi . ‎ ‎Kwa mujibu wa taarifa iliyotolewa jana na Mwenyekiti wa halmashauri ya Wilaya Nkasi Richard Maasai ni kuwa tukio hilo limetokea Juzi jumatano majira ya saa 12 jioni wakati akipatiwa matibabu katika hospitali ya mkoa Rukwa. ‎ ‎Amesema kuwa marehemu amefariki kutokana na ugonjwa wa kiharusi na ugonjwa huo aliupata kutokana na ugonjwa uliokuwa umempata wa shinikizo la juu la damu (Pressure) na kupelekea mishipa ya damu kupasuka na hatimaye kupata ugonjwa wa Kiharusi uliopelelea umauti wake. ‎ ‎Mwenyekiti huyo wa halmashauri amefafanua kuwa majuzi aliongoza kikao Cha kamati ya elimu na afya kama Mwenyekiti na akiwa katika kikao hicho alizidiwa na ugonjwa na kukimbizwa katika hospitali ya Wilaya Nkasi ambapo alipewa huduma ya awali na kukimbizwa katika hospitali ya mkoa kwa matibabu zaidi . ‎ ‎Na amedai kuwa mazishi ya Diwani huyo yatafanyika kesho jumam...
Read more

Mke wa Mchungaji wa kanisa la EAGT ajinyonga akihofia deni lake la fedha za kanisa

Image
Na Israel Mwaisaka,Nkasi ‎ ‎Mwanamke aliyefahamika kwa jina la Joyce Baton Mwasumbi mkazi wa Kijiji Cha Kanazi wilayani Nkasi amefariki dunia baada ya kujinyonga kwa kutumia kanga chumbani kwake. ‎ ‎Akizungumzia tukio hilo Mwenyekiti wa Kijiji Cha Kanazi Rudis Ulaya amesema kuwa tukio la Mwanamke huyo ambaye ni mke wa Mchungaji wa kanisa la EAGT kujinyonga limetokea leo Jumatano Disemba 24,2025 majira ya saa 2 asubuhi baada ya Mumewe ambaye ni mchungaji kwenda kanisani kupalilia pembeni mwa jengo la kanisa hilo. ‎ ‎Amesema kuwa wakati Mumewe ambaye ni Mchungaji akiendelea na jukumu lake kanisani mkewe aliutumia mwanya huo kujitundika kwa kutumia kitenge na muda mfupi Mumewe aliingia chumbani huko na kumkuta Mkewe akiwa amejitundika juu huku akitapatapa kufa ndipo alipochukua kisu na kukikata kitenge hicho kwa lengo la kuokoa uhai wake lakini muda mfupi alipoteza maisha ‎ ‎Mwenyekiti huyo wa Kijiji amefafanua kuwa baada ya yeye kumhoji Mume wa marehemu Mchungaji Ibrahimu Mwaipopo alid...
Read more