WASIMAMIZI WA UCHAGUZI NGAZI YA JIMBO WAMETAKIWA KUFUATA KANUNI NA MAELEKEZO YA TUME KUEPUSHA MALALAMIKO NA MIGOGORO



Na Israel Mwaisaka,Rukwa

WASIMAMIZI  wa uchaguzi kutoka ngazi ya mikoa na majimbo ya Rukwa na Katavi wameaswa kusoma katiba,sheria,kanuni.taratibu na miongozo mingine ili iwawezeshe kutekeleza vyema majukumu yao yatakayowezesha kufanikisha uchaguzi mkuu unaotarajia kufanyika Oktoba,2025.

Hayo yamesemwa na mjumbe wa tume huru ya taifa ya Uchaguzi  (INEC) Magdalena Rwebangira alipokuwa akifungua mafunzo kwa waratibu wa uchaguzi,wasimamizi wa uchaguzi na wasimamizi wasaidizi wa uchaguzi ndani ya jimbo yakiwa na lengo la kuwawezesha kuwajibika kwa weredi mkubwa katika mchakato mzima wa uchaguzi.


Alisema kuwa anatambua kuwa zoezi zima kuelekea uchaguzi mkuu ni mchakato mkubwa ,hivyo ni muhimu kufuata katiba,sheria,kanuni na miongozo ikiwa ni pamoja na kuvishirikisha vyama vyote vya siasa vyenye usajiri  kamili katika hatua zote kwa kuzingatia matakwa ya kikatiba,sheria,kanunu na taratibu zilizowekwa.

Amedai kuwa ni muhimu kwa Wasimamizi hao kujiepusha kuwa sehemu ya chanzo cha migogoro,Malalamiko kutoka kwa vyama vya siasa ikiwa ni pamoja na Wadau wa uchaguzi  na kuhakikisha wadau wote wa uchaguzi wanashirikishwa ipasavyo katika hatua mbalimbali kama ambavyo tume imekua ikitoa miongozo  mbalimbali ya kufanikisha uchaguzi mkuu kwa mwaka huu wa 2025.

Awali  mkurugenzi msaidizi idara ya usimamizi wa uchaguzi saida Hillary  alidai kuwa mafunzo hayo ambayo yanaendelea katika maeneo mbalimbali nchini yamelenga kuwajengea uwezo wasimamizi hao wa uchaguzi katika kuwajengea uwezo wa kutekeleza majukumu yao kama wanavyoelekezwa katika vifungu mbalimbali vya kisheria wanavyoelekezwa na tume huru ya taifa ya uchaguzi.


Hivyo aliwasisitiza kuhakikisha kuwa wanautumia ujuzi  na uzoefu walionao katika mambo mbalimbali na hata katika eneo hilo la uchaguzi katika kuona mchakato mzima wa uchaguzi unakwenda sawa na kuwa tume haitamvumilia mtendaji yeyote atakayezalisha kero na malalamiko yatakayopelekea kuyumbisha jukumu hilol la uchaguzi.

Wasimamizi hao pamoja na watendaji wote wanaohusika na uchaguzi wamekula kiapo cha kutunza siri na kujitoa uanachama  wa vyama vya siasa mbele ya Hakimu mkazi Mwandamizi  wa wilaya ya sumbawanga Lilian Moses Ndelwa

 



Comments

Post a Comment

Popular posts from this blog

KAEGELE NA KAZUKAMWE WAIBUKA KIDEDEA KURA ZA MAONI CCM WILAYANI NKASI

Image
Na Israel Mwaisaka, Nkasi ‎ ‎Salum Kazukamwe na Moses Kaegele wameshinda katika Kura za maoni za kuwania Ubunge katika Majimbo mawili ya Nkasi Kaskazini na kusini yanayounda wilaya Nkasi ‎ ‎Akitoa taarifa juu ya zoezi zima la upigaji wa Kura za maoni lililofanyika Jana katibu wa CCM wilaya Nkasi Anastazia Almasi amesema kuwa wilaya Nkasi inaundwa na Majimbo mawili ya Uchaguzi na makada 10 wa CCM walifanikiwa kuingia katika kinyang'anyiro hicho na wawili hao kupenya kuweza kupeperusha bendera ya CCM kwenye uchaguzi mkuu unaotarajia kufanyika Oktoba 29,2025.. ‎ ‎Amesema kuwa kwa upande wa Jimbo la Nkasi Kaskazini Salumu Kazukamwe ameshinda kwa kupata Kura 2956 akifuatiwa na John Sichilima aliyepata kura 1471, Jonas Kifunda 560, Thomas Kalunga kura 320 na wa mwisho Ni David Siame aliyeambulia 137. ‎ ‎Kwa upande wa Jimbo la Nkasi kusini Moses Kaegele ameshinda kwa kupata Kura 3028 akifuatiwa na Vicent Mbogo aliyepata 1,623, Evarist Christopher Mwanansao Kura 465,Desderius Mipata Ku...
Read more

DIWANI KATA YA KALA AFARIKI DUNIA KWA UGONJWA WA KIHARUSI

Image
Na Israel Mwaisaka,Nkasi ‎DIWANI wa kata ya kala Wilayani Nkasi Privatus Yoramu (CCM) amefariki Dunia baada ya kuugua kwa muda mfupi . ‎ ‎Kwa mujibu wa taarifa iliyotolewa jana na Mwenyekiti wa halmashauri ya Wilaya Nkasi Richard Maasai ni kuwa tukio hilo limetokea Juzi jumatano majira ya saa 12 jioni wakati akipatiwa matibabu katika hospitali ya mkoa Rukwa. ‎ ‎Amesema kuwa marehemu amefariki kutokana na ugonjwa wa kiharusi na ugonjwa huo aliupata kutokana na ugonjwa uliokuwa umempata wa shinikizo la juu la damu (Pressure) na kupelekea mishipa ya damu kupasuka na hatimaye kupata ugonjwa wa Kiharusi uliopelelea umauti wake. ‎ ‎Mwenyekiti huyo wa halmashauri amefafanua kuwa majuzi aliongoza kikao Cha kamati ya elimu na afya kama Mwenyekiti na akiwa katika kikao hicho alizidiwa na ugonjwa na kukimbizwa katika hospitali ya Wilaya Nkasi ambapo alipewa huduma ya awali na kukimbizwa katika hospitali ya mkoa kwa matibabu zaidi . ‎ ‎Na amedai kuwa mazishi ya Diwani huyo yatafanyika kesho jumam...
Read more

Mke wa Mchungaji wa kanisa la EAGT ajinyonga akihofia deni lake la fedha za kanisa

Image
Na Israel Mwaisaka,Nkasi ‎ ‎Mwanamke aliyefahamika kwa jina la Joyce Baton Mwasumbi mkazi wa Kijiji Cha Kanazi wilayani Nkasi amefariki dunia baada ya kujinyonga kwa kutumia kanga chumbani kwake. ‎ ‎Akizungumzia tukio hilo Mwenyekiti wa Kijiji Cha Kanazi Rudis Ulaya amesema kuwa tukio la Mwanamke huyo ambaye ni mke wa Mchungaji wa kanisa la EAGT kujinyonga limetokea leo Jumatano Disemba 24,2025 majira ya saa 2 asubuhi baada ya Mumewe ambaye ni mchungaji kwenda kanisani kupalilia pembeni mwa jengo la kanisa hilo. ‎ ‎Amesema kuwa wakati Mumewe ambaye ni Mchungaji akiendelea na jukumu lake kanisani mkewe aliutumia mwanya huo kujitundika kwa kutumia kitenge na muda mfupi Mumewe aliingia chumbani huko na kumkuta Mkewe akiwa amejitundika juu huku akitapatapa kufa ndipo alipochukua kisu na kukikata kitenge hicho kwa lengo la kuokoa uhai wake lakini muda mfupi alipoteza maisha ‎ ‎Mwenyekiti huyo wa Kijiji amefafanua kuwa baada ya yeye kumhoji Mume wa marehemu Mchungaji Ibrahimu Mwaipopo alid...
Read more