Makada 26 wa CCM wilaya Nkasi waliochukua fomu za kuwania Ubunge wamefanikiwa kuzirejesha



Na Israel Mwaisaka,Nkasi

Makada 26 wa Chama Cha Mapinduzi (CCM) wilayani Nkasi waliochukua fomu za kuwania Ubunge Katika majimbo yote ya wilaya Nkasi wamefanikiwa kurejesha fomu.

Akizungumza na Waandishi wa Habari jana  ofisini kwake katibu wa CCM wilaya Nkasi Anastazia Almasi amesema kuwa Toka mchakato wa uchukuaji fomu uanze June 28,2025 na kumalizika Leo Julai 2,2025 Wanachama wa CCM wapatao 26 waliochukua na fomu na kuwa wote waliochukua wamefanikiwa kuzirejesha fomu hizo.



Amesema kuwa wilaya Nkasi inaundwa na majimbo mawili ya uchaguzi ambayo ni Nkasi kusini na Nkasi Kaskazini ambapo Katika Jimbo la Nkasi kusini waliochukua fomu walikuwa 12 na Nkasi Kaskazini 14 na kuwa hadi zoezi Hilo linapofungwa Leo Julai 2,2025 makada wote walizochukua fomu hizo wamefanikiwa kuzirejesha.

Amewataja makada hao waliochukua na kuzirejesha fomu katika Jimbo la Nkasi kusini kuwa ni Moses Kaegele, Desderius Mipata, Godfrey Stima Kalembe, Christopher Evarist Mwanansao,Selis Ndasi,Joseph Evod Walingozi, Audats Salvatory Kisato,Paul Vincent Mbogo,Revania Credo Misonje,Lameck Kostantino Nkana,John Joseph Chota na Alphonce Albert Stima.


Kwa upande wa jimbo la Nkasi kaskazini ni David Ndilo Siame,Bazilio Kapunda Mbwilo,Keissy Salum Sood Aljabri,John Joseph Sichilima,Jastus Ernest Shauri,Pascal Francis Mwakatenya,Thomas Leopod Kalunga, Boniface MwanduLugwisha,Jonas Leando Kifunda,Saadan Seif Nassoro Shibiby,Ally Mohammed Kessy,Lameck Peter Kafungawazi ,Salumu Kazukamwe na Isaya Robert Kapela.



Katibu huyo wa CCM amefafanua kuwa baada ya zoezi Hilo la uchukuaji na urejeshaji wa fomu kukamilika Leo ni kuwa sasa michakato mingine itaendelea ya uchujaji wa majina kupitia vikao mbalimbali vya chama kwa mujibu wa katiba na kanuni zilizowekwa na chama hicho.

Amedai kuwa kwa mujibu wa ratiba Julai 4 kamati za siasa za kata zitakaa kujadili waombaji wa nafasi za Udiwani,Tarehe 5 Kamati ya utekekezaji ya wilaya itajadili majina ya Udiwani wa viti maalumu na Tarehe 6 Kamati ya siasa ya wilaya itajadili majina ya Udiwani ngazi ya kata, Madiwani viti maalumu na Wagombea Ubunge ngazi ya jimbo.



Amesema kuwa baada ya vikao mbalimbali vya kisheria ngazi ya wilaya kukamilisha mchakato wa uchujaji wa majina katika ngazi zote za Udiwani na Ubunge watayapeleka majina hayo mkoani ambapo vikao vya mkoa vitaanza kuketi Tarehe 8 ya mwezi huu.





Comments

Post a Comment

Popular posts from this blog

KAEGELE NA KAZUKAMWE WAIBUKA KIDEDEA KURA ZA MAONI CCM WILAYANI NKASI

Image
Na Israel Mwaisaka, Nkasi ‎ ‎Salum Kazukamwe na Moses Kaegele wameshinda katika Kura za maoni za kuwania Ubunge katika Majimbo mawili ya Nkasi Kaskazini na kusini yanayounda wilaya Nkasi ‎ ‎Akitoa taarifa juu ya zoezi zima la upigaji wa Kura za maoni lililofanyika Jana katibu wa CCM wilaya Nkasi Anastazia Almasi amesema kuwa wilaya Nkasi inaundwa na Majimbo mawili ya Uchaguzi na makada 10 wa CCM walifanikiwa kuingia katika kinyang'anyiro hicho na wawili hao kupenya kuweza kupeperusha bendera ya CCM kwenye uchaguzi mkuu unaotarajia kufanyika Oktoba 29,2025.. ‎ ‎Amesema kuwa kwa upande wa Jimbo la Nkasi Kaskazini Salumu Kazukamwe ameshinda kwa kupata Kura 2956 akifuatiwa na John Sichilima aliyepata kura 1471, Jonas Kifunda 560, Thomas Kalunga kura 320 na wa mwisho Ni David Siame aliyeambulia 137. ‎ ‎Kwa upande wa Jimbo la Nkasi kusini Moses Kaegele ameshinda kwa kupata Kura 3028 akifuatiwa na Vicent Mbogo aliyepata 1,623, Evarist Christopher Mwanansao Kura 465,Desderius Mipata Ku...
Read more

DIWANI KATA YA KALA AFARIKI DUNIA KWA UGONJWA WA KIHARUSI

Image
Na Israel Mwaisaka,Nkasi ‎DIWANI wa kata ya kala Wilayani Nkasi Privatus Yoramu (CCM) amefariki Dunia baada ya kuugua kwa muda mfupi . ‎ ‎Kwa mujibu wa taarifa iliyotolewa jana na Mwenyekiti wa halmashauri ya Wilaya Nkasi Richard Maasai ni kuwa tukio hilo limetokea Juzi jumatano majira ya saa 12 jioni wakati akipatiwa matibabu katika hospitali ya mkoa Rukwa. ‎ ‎Amesema kuwa marehemu amefariki kutokana na ugonjwa wa kiharusi na ugonjwa huo aliupata kutokana na ugonjwa uliokuwa umempata wa shinikizo la juu la damu (Pressure) na kupelekea mishipa ya damu kupasuka na hatimaye kupata ugonjwa wa Kiharusi uliopelelea umauti wake. ‎ ‎Mwenyekiti huyo wa halmashauri amefafanua kuwa majuzi aliongoza kikao Cha kamati ya elimu na afya kama Mwenyekiti na akiwa katika kikao hicho alizidiwa na ugonjwa na kukimbizwa katika hospitali ya Wilaya Nkasi ambapo alipewa huduma ya awali na kukimbizwa katika hospitali ya mkoa kwa matibabu zaidi . ‎ ‎Na amedai kuwa mazishi ya Diwani huyo yatafanyika kesho jumam...
Read more

Mke wa Mchungaji wa kanisa la EAGT ajinyonga akihofia deni lake la fedha za kanisa

Image
Na Israel Mwaisaka,Nkasi ‎ ‎Mwanamke aliyefahamika kwa jina la Joyce Baton Mwasumbi mkazi wa Kijiji Cha Kanazi wilayani Nkasi amefariki dunia baada ya kujinyonga kwa kutumia kanga chumbani kwake. ‎ ‎Akizungumzia tukio hilo Mwenyekiti wa Kijiji Cha Kanazi Rudis Ulaya amesema kuwa tukio la Mwanamke huyo ambaye ni mke wa Mchungaji wa kanisa la EAGT kujinyonga limetokea leo Jumatano Disemba 24,2025 majira ya saa 2 asubuhi baada ya Mumewe ambaye ni mchungaji kwenda kanisani kupalilia pembeni mwa jengo la kanisa hilo. ‎ ‎Amesema kuwa wakati Mumewe ambaye ni Mchungaji akiendelea na jukumu lake kanisani mkewe aliutumia mwanya huo kujitundika kwa kutumia kitenge na muda mfupi Mumewe aliingia chumbani huko na kumkuta Mkewe akiwa amejitundika juu huku akitapatapa kufa ndipo alipochukua kisu na kukikata kitenge hicho kwa lengo la kuokoa uhai wake lakini muda mfupi alipoteza maisha ‎ ‎Mwenyekiti huyo wa Kijiji amefafanua kuwa baada ya yeye kumhoji Mume wa marehemu Mchungaji Ibrahimu Mwaipopo alid...
Read more