KATIBU MKUU UMOJA WA SHULE ZA SEKONDARI NCHINI ACHUKUA FOMU YA UBUNGE.





''Kugombea ni haki ya kila mtanzania,hivyo nimetia nia ya ubunge kuomba ridhaa kwa chama,nina malengo makubwa ya kuipaisha Mbozi kiuchumi,kuweka mikakati endelevu kwenye zao la Kahawa''

Na Ibrahim Yassin, Songwe

Katibu mkuu wa Umoja wa wakuu wa Shule za Sekondari Tanzania Bara na kada lia lia wa Chama Cha Mapinduzi (CCM) Frank Ndile amechukua fomu ya kuomba kuteuliwa na Chama hicho kugombea nafasi ya ubunge Jimbo la Mbozi Mkoani Songwe.

Ndile leo June 29,2025 amefika katika ofisi za chama hicho zilizopo wilaya ni Mbozi Mji wa Vwawa mkoani hapa na kukabidhiwa fomu na katibu wa chama hicho wilaya ya Mbozi Julius Mbwiga.

Ndile ambaye pia ni meneja wa shule za sekondari Kanan amesema amewiwa kuchukua fomu kugombea ubunge Jimbo la Mbozi kwa lengo la kuwatumikia wananchi ikiwepo kutatua chagamoto zilizopo.

katibu wa ccm wilayani Mbozi yenye majimbo mawili Julius Mbwaga akimkabidhi fomu ya kugombea Frank Ndile aliyevaa kofia.katika ofisi za ccm wilayani humo.
Alizitaja changamoto mbalimbali ikiwemo kuboresha  miundombinu ya barabara ili kurahisish usafirishaji wa mazao yanayotikana na kilimo ambacho wananchi wake ndiyo kiinua mgongo chao.

Aliongeza kuwa zao kuu la biashara wilayani Mbozi ni zao la Kahawa hivyo ili wakulima wanufaike wanatakiwa watengenezewe miundombinu rafiki ya barabara,maji,soko la uhakika na utoaji wa elimu kwa vijana ili wavutiwe kulima zao hilo.

''Mimi ni mzaliwa wa wilaya hii ninafahamu changamoto zilizopo,nikipewa ridhaa ya kuwa mbunge wananchi hawatajuta,nitahakikisha ninagusa kila sekta muhimu ili wananchi wainuke kiuchumi''amesema Ndile.

Hata hivyo Ndile mbali na kueleza mikakati yake ya kuwatumikia wananch i,alimpongeza Rais Dkt,Samia Suluhu kwa kujenga miradi midogo na miku bwa inayogusa jamii akiamini kuwa awamu ijayo ataing'arisha zaidi Nchi.

''Ndugu wanahabari,Rais Samia ni mmoja wa marais aliyeingia kwenye historia kubwa duniani kwa uchapaji kazi wake na kuifanya Tanzania kuwa ni ya mfano Afrika kwa jinsi ilivyo na maendeleo''amesema Ndile.



Kasi ya watia nia katika jimbo la Mbozi na Vwawa inazidi kuongezekwa kwani kwa siku mbili pekee jimbo la mbozi watia nia zaidi ya 10 wamechu kua fomu huku jimbo la Vwawa wakifikia zaidi ya 8,idadi kamili itapatikana baada ya chama kukamilisha mchakato.

Comments

Post a Comment

Popular posts from this blog

KAEGELE NA KAZUKAMWE WAIBUKA KIDEDEA KURA ZA MAONI CCM WILAYANI NKASI

Image
Na Israel Mwaisaka, Nkasi ‎ ‎Salum Kazukamwe na Moses Kaegele wameshinda katika Kura za maoni za kuwania Ubunge katika Majimbo mawili ya Nkasi Kaskazini na kusini yanayounda wilaya Nkasi ‎ ‎Akitoa taarifa juu ya zoezi zima la upigaji wa Kura za maoni lililofanyika Jana katibu wa CCM wilaya Nkasi Anastazia Almasi amesema kuwa wilaya Nkasi inaundwa na Majimbo mawili ya Uchaguzi na makada 10 wa CCM walifanikiwa kuingia katika kinyang'anyiro hicho na wawili hao kupenya kuweza kupeperusha bendera ya CCM kwenye uchaguzi mkuu unaotarajia kufanyika Oktoba 29,2025.. ‎ ‎Amesema kuwa kwa upande wa Jimbo la Nkasi Kaskazini Salumu Kazukamwe ameshinda kwa kupata Kura 2956 akifuatiwa na John Sichilima aliyepata kura 1471, Jonas Kifunda 560, Thomas Kalunga kura 320 na wa mwisho Ni David Siame aliyeambulia 137. ‎ ‎Kwa upande wa Jimbo la Nkasi kusini Moses Kaegele ameshinda kwa kupata Kura 3028 akifuatiwa na Vicent Mbogo aliyepata 1,623, Evarist Christopher Mwanansao Kura 465,Desderius Mipata Ku...
Read more

DIWANI KATA YA KALA AFARIKI DUNIA KWA UGONJWA WA KIHARUSI

Image
Na Israel Mwaisaka,Nkasi ‎DIWANI wa kata ya kala Wilayani Nkasi Privatus Yoramu (CCM) amefariki Dunia baada ya kuugua kwa muda mfupi . ‎ ‎Kwa mujibu wa taarifa iliyotolewa jana na Mwenyekiti wa halmashauri ya Wilaya Nkasi Richard Maasai ni kuwa tukio hilo limetokea Juzi jumatano majira ya saa 12 jioni wakati akipatiwa matibabu katika hospitali ya mkoa Rukwa. ‎ ‎Amesema kuwa marehemu amefariki kutokana na ugonjwa wa kiharusi na ugonjwa huo aliupata kutokana na ugonjwa uliokuwa umempata wa shinikizo la juu la damu (Pressure) na kupelekea mishipa ya damu kupasuka na hatimaye kupata ugonjwa wa Kiharusi uliopelelea umauti wake. ‎ ‎Mwenyekiti huyo wa halmashauri amefafanua kuwa majuzi aliongoza kikao Cha kamati ya elimu na afya kama Mwenyekiti na akiwa katika kikao hicho alizidiwa na ugonjwa na kukimbizwa katika hospitali ya Wilaya Nkasi ambapo alipewa huduma ya awali na kukimbizwa katika hospitali ya mkoa kwa matibabu zaidi . ‎ ‎Na amedai kuwa mazishi ya Diwani huyo yatafanyika kesho jumam...
Read more

Mke wa Mchungaji wa kanisa la EAGT ajinyonga akihofia deni lake la fedha za kanisa

Image
Na Israel Mwaisaka,Nkasi ‎ ‎Mwanamke aliyefahamika kwa jina la Joyce Baton Mwasumbi mkazi wa Kijiji Cha Kanazi wilayani Nkasi amefariki dunia baada ya kujinyonga kwa kutumia kanga chumbani kwake. ‎ ‎Akizungumzia tukio hilo Mwenyekiti wa Kijiji Cha Kanazi Rudis Ulaya amesema kuwa tukio la Mwanamke huyo ambaye ni mke wa Mchungaji wa kanisa la EAGT kujinyonga limetokea leo Jumatano Disemba 24,2025 majira ya saa 2 asubuhi baada ya Mumewe ambaye ni mchungaji kwenda kanisani kupalilia pembeni mwa jengo la kanisa hilo. ‎ ‎Amesema kuwa wakati Mumewe ambaye ni Mchungaji akiendelea na jukumu lake kanisani mkewe aliutumia mwanya huo kujitundika kwa kutumia kitenge na muda mfupi Mumewe aliingia chumbani huko na kumkuta Mkewe akiwa amejitundika juu huku akitapatapa kufa ndipo alipochukua kisu na kukikata kitenge hicho kwa lengo la kuokoa uhai wake lakini muda mfupi alipoteza maisha ‎ ‎Mwenyekiti huyo wa Kijiji amefafanua kuwa baada ya yeye kumhoji Mume wa marehemu Mchungaji Ibrahimu Mwaipopo alid...
Read more