Uwazi wa mapato na matumizi ya kijiji chawa kichocheo kwa Wananchi kushiriki shughuli za maendeleo



Mwenyekiti wa kijiji cha Swahila Legius Choma

Na Israel Mwaisaka, Rukwa

Wananchi wa Kijiji cha Swahila kata ya Mkwamba wilayani Nkasi wameridhishwa na uwazi unaofanya na viongozi wao wa Kijiji katika kuweka wazi mapato na matumizi kitu kinachowafanya wao kujitokeza katika shughuli mbalimbali za maendeleo ya kijiji.

Wakizungumza na Majira Wananchi hao walisesema kuwa hivi sasa wanajenga shule mpya ya msingi shikizi kwa njia ya kujitolea ikiwa ni pamoja na kuongeza ukubwa wa jengo la zahanati ya kijiji hicho na kuwa tayari kutoa michango mbalimbali ya kufanikisha shughuli hizo na kuwa michango yote wanayoitoa matokeo yake wanayaona na uwazi uliopo unawafanya kuendelea kujitolea kufanya kazi za maendeleo.

Sophia Kambaulaya,Edigar Minazi na Judithi Kipeta kwa niaba ya Wananchi hao wamedai kuwa katika siku za hivi karibuni wameguswa na utaratibu wa kujitolea kwenye shughuli za maendeleo kutokana na uwazi uliopo wa viongozi wao na kuwa hivi sasa uongozi wa Kijiji umekuwa ukiwasomea mapato na matumizi Kila wakati na kazi inayofanyika inaonekana.

Walisema kuwa kwa utaratibu huu ambao haukuwepo hapo nyuma umewatia nguvu kubwa ya kushiriki katika shughuliza maendeleo na kuwa hari hiyo utasaidia wao kujiletea maendeleo kwa haraka.

Mwenyekiti wa kijiji hicho Legius Choma amekiri kuwepo kwa Kasi ya Wananchi kujitokeza kwenye shughuli za maendeleo imekua kubwa na kuwa Siri kubwa ni uwazi tu wa michango wanayoitoa ikiwa ni pamoja na kazi inayofanyika kuonekana.

Alisema kuwa wao kama viongozi wa Kijiji waligundua kuwa kutokuwepo kwa uwazi wa michango umekuwa kikwazo kwa muda mrefu kwa Wananchi kujitokeza kwenye shughuli za maendeleo na kuwa sasa Kila kitu kinachofanyika kinafanyika kwa uwazi na shirikishi kwa Kila jambo na kuwa Hilo limeleta mvuto mkubwa wa Wananchi kujitokeza kwenye shughuli za maendeleo bila ya kusukumwa.

Pia amempongeza Rais wa jamuhuri ya muungano wa Tanzania Dkt Samia Suluhu Hassan kwa namna alivyopeleka fedha za maendeleo katika maeneo mbalimbali na kuwa Hilo nalo limeamsha hari ya Watu kushikamana na kuamua kujitoa kushiriki shughuli za maendeleo

Comments

Post a Comment

Popular posts from this blog

KAEGELE NA KAZUKAMWE WAIBUKA KIDEDEA KURA ZA MAONI CCM WILAYANI NKASI

Image
Na Israel Mwaisaka, Nkasi ‎ ‎Salum Kazukamwe na Moses Kaegele wameshinda katika Kura za maoni za kuwania Ubunge katika Majimbo mawili ya Nkasi Kaskazini na kusini yanayounda wilaya Nkasi ‎ ‎Akitoa taarifa juu ya zoezi zima la upigaji wa Kura za maoni lililofanyika Jana katibu wa CCM wilaya Nkasi Anastazia Almasi amesema kuwa wilaya Nkasi inaundwa na Majimbo mawili ya Uchaguzi na makada 10 wa CCM walifanikiwa kuingia katika kinyang'anyiro hicho na wawili hao kupenya kuweza kupeperusha bendera ya CCM kwenye uchaguzi mkuu unaotarajia kufanyika Oktoba 29,2025.. ‎ ‎Amesema kuwa kwa upande wa Jimbo la Nkasi Kaskazini Salumu Kazukamwe ameshinda kwa kupata Kura 2956 akifuatiwa na John Sichilima aliyepata kura 1471, Jonas Kifunda 560, Thomas Kalunga kura 320 na wa mwisho Ni David Siame aliyeambulia 137. ‎ ‎Kwa upande wa Jimbo la Nkasi kusini Moses Kaegele ameshinda kwa kupata Kura 3028 akifuatiwa na Vicent Mbogo aliyepata 1,623, Evarist Christopher Mwanansao Kura 465,Desderius Mipata Ku...
Read more

DIWANI KATA YA KALA AFARIKI DUNIA KWA UGONJWA WA KIHARUSI

Image
Na Israel Mwaisaka,Nkasi ‎DIWANI wa kata ya kala Wilayani Nkasi Privatus Yoramu (CCM) amefariki Dunia baada ya kuugua kwa muda mfupi . ‎ ‎Kwa mujibu wa taarifa iliyotolewa jana na Mwenyekiti wa halmashauri ya Wilaya Nkasi Richard Maasai ni kuwa tukio hilo limetokea Juzi jumatano majira ya saa 12 jioni wakati akipatiwa matibabu katika hospitali ya mkoa Rukwa. ‎ ‎Amesema kuwa marehemu amefariki kutokana na ugonjwa wa kiharusi na ugonjwa huo aliupata kutokana na ugonjwa uliokuwa umempata wa shinikizo la juu la damu (Pressure) na kupelekea mishipa ya damu kupasuka na hatimaye kupata ugonjwa wa Kiharusi uliopelelea umauti wake. ‎ ‎Mwenyekiti huyo wa halmashauri amefafanua kuwa majuzi aliongoza kikao Cha kamati ya elimu na afya kama Mwenyekiti na akiwa katika kikao hicho alizidiwa na ugonjwa na kukimbizwa katika hospitali ya Wilaya Nkasi ambapo alipewa huduma ya awali na kukimbizwa katika hospitali ya mkoa kwa matibabu zaidi . ‎ ‎Na amedai kuwa mazishi ya Diwani huyo yatafanyika kesho jumam...
Read more

Mke wa Mchungaji wa kanisa la EAGT ajinyonga akihofia deni lake la fedha za kanisa

Image
Na Israel Mwaisaka,Nkasi ‎ ‎Mwanamke aliyefahamika kwa jina la Joyce Baton Mwasumbi mkazi wa Kijiji Cha Kanazi wilayani Nkasi amefariki dunia baada ya kujinyonga kwa kutumia kanga chumbani kwake. ‎ ‎Akizungumzia tukio hilo Mwenyekiti wa Kijiji Cha Kanazi Rudis Ulaya amesema kuwa tukio la Mwanamke huyo ambaye ni mke wa Mchungaji wa kanisa la EAGT kujinyonga limetokea leo Jumatano Disemba 24,2025 majira ya saa 2 asubuhi baada ya Mumewe ambaye ni mchungaji kwenda kanisani kupalilia pembeni mwa jengo la kanisa hilo. ‎ ‎Amesema kuwa wakati Mumewe ambaye ni Mchungaji akiendelea na jukumu lake kanisani mkewe aliutumia mwanya huo kujitundika kwa kutumia kitenge na muda mfupi Mumewe aliingia chumbani huko na kumkuta Mkewe akiwa amejitundika juu huku akitapatapa kufa ndipo alipochukua kisu na kukikata kitenge hicho kwa lengo la kuokoa uhai wake lakini muda mfupi alipoteza maisha ‎ ‎Mwenyekiti huyo wa Kijiji amefafanua kuwa baada ya yeye kumhoji Mume wa marehemu Mchungaji Ibrahimu Mwaipopo alid...
Read more