DIWANI MWASHITETE AYATAJA MABILIONI YA RAIS DKT,SAMIA YALIVYOING’ARISHA KATA YAKE

MAKALA


‘’Wanaomsema vibaya Rais Dkt,Samia wakapimwe akili,amegusa kila sekta kujenga miradi,imeturahisishia kupunguza hoja kwa wananchi wakati wa kuomba kura’’.

Na Ibrahim Yassin,Songwe

DIWANI wa kata ya Harungu wilayani Mbozi mkoani Songwe Maarifa Mwashitete,amemsifu Rais Dkt,Samia Suluhu kwa kujenga miradi iliyogusa jamii katika idara zote huku akiwaponda wanaomsema vibaya Rais akidai kuwa wakapimwe akili.

Mwashitete aliyedumu nafasi hiyo kwa mihura miwili ambapo miaka mitano iliyopita alikuwa diwani kupitia chama cha demokrasia na maendeleo (CHADEMA) ambapo pia alikuwa mwenyekiti wa vijana mkoani humo,alipohamia CCM aliukwaa tena udiwani.




Alisema kata yake ina vijiji 6,vitongoji 31 ikiwa na wakazi zaidi ya 30,000 ambao awamu zilizopita walikuwa wakikabiliwa na changamoto nyingi zilizopatiwa majibu katika awamu ya sita,kwa kujengewa miradi sekta zote.

Alisema katika utawala wake wa miaka mitano chini ya Rais Samia kata yake imenufaika zaidi kwa kuletewa mabilioni ya fedha kujenga miradi ambapo kwenye miradi yake alipokea Bilioni 3.91katika kipindi cha miaka 5.

Alisema mbali na fedha hizo,pia katika sekta ya umeme kata hiyo ilipatiwa Bilioni 1.340 ambapo vijiji vyote vimepatiwa umeme na wananchi wameanza kukuza uchumi wao kwa kuweka vitega uchumi mbalimbali zikiwemo mashine za kusaga nafaka.

Mbali na fedha hizo pia katika sekta ya miundombinu,kata hiyo ilipokea Tsh,Milioni 500 zilizopelekea barabara zote kujengwa kwa kiwango cha vumbi na changarawe na kuifanya kata hiyo kufunguka na wakulima kupitisha mazao yao kiurahisi.

Alisema barabara ya Harungu kwenda Hambangala yenye kilometa 9.2 ilikuwa haipitiki,lakini awamu ya sita imejengwa na inapitika masaa yote wananchi,hasa wakulima na wagonjwa waliokuwa wakitaabika sasa watembea kifua mbele.


Aliongeza kuwa katika fedha Bilioni 3.91 zilisaidia kujenga miradi ya elimu afya,Maji na kuboresha miundombinu chakavu ikiwemo kujenga kituo cha afya cha kisasa kinachotoa huduma masaa 24 kilichowapunguzia watu kutembea umbali wa kilometa 20 kwenda Vwawa.

Alisema mbali na kujengewa kituo hicho pia kata yake vijiji vyote vimejengewa zahanati hali ilifuwarahisishia wananchi kupata tiba ambapo awali wengi walikuwa wakienda kwa waganga wa tiba za jadi kutibiwa.

Mchungaji Mwashitete,alisema katika sekta ya elimu kila kijiji kimejengewa shule za msingi na katika kata hiyo wameweza kujenga shule za sekondari 3 wakivuka lengo la serikali la kuwa na sekondari moja kila kata.

Aliongeza kuwa Katika sekondari ya Harungu iliyoanzishwa mwaka 1975 awamu zilizopita ilikuwa hoi lakini awamu hii ya sita imeboreshwa na kujengewa madarasa mapya likiwemo darasa la Maabara likiwa na vifaa vyote.

‘’Nina kila sababu ya kujipongeza mimi,kuwapongeza viongozi wangu wa wilaya na mkoa akiwemo Rais Dkt,Samia kwa kazi kubwa iliyofanyika kwenye kata yangu,kitendo cha kila kijiji kuwa na shule na kata kuwa na shule 3 za sekondari sio kitu kidogo,’’alisema.

Hata hivyo Mwashitete,aliwajia juu baadhi ya watu wanaowasema vibaya viongozi wakuu wan chi hii,akisema wakapimwe akili,kwani katika awamu zote toka nchi ianzishwe hakuna awamu iliyofanya kazi kubwa kama awamu ya sita.

Katibu kata wa ccm Jummanne Mwafywefwe alisema ilani ya chama chake imetekelezwa kwa vitendo,hivyo aliwaomba wananchi waendelee kuiamini ccm kutokana na kazi kubwa ya ujenzi wa miradi iliyoifanya.

Affect Panja katibu wa siasa na malezi wa kata hiyo,ataendelea kuwale vizuri viongozi wake wa kata hiyo ili waendelee kuwatumikia wananchi kwani wamepunguza hoja za kujieleza kwa wananchi,Rais Samia amewabeba wanatembea kifua mbele.



Jumamosi Mwaenga mwenyekiti wa wazazi wa kata hiyo,alisema mwaka 2020 sekta zote zilikuwa na changamoto,lakini 2025 kila sekta imejengwa na kuboreshwa.

Alisema mwaka huu kituo cha afya cha kisasa kimejengwa,kila kijiji kina zahanati na shule wamefikia hatua ya kuvuka lengo kwa kujenga sekondari 3 katika kata moja huku vyoo vya kisasa na miundombinu ikiboreshwa.



Comments

Post a Comment

Popular posts from this blog

KAEGELE NA KAZUKAMWE WAIBUKA KIDEDEA KURA ZA MAONI CCM WILAYANI NKASI

Image
Na Israel Mwaisaka, Nkasi ‎ ‎Salum Kazukamwe na Moses Kaegele wameshinda katika Kura za maoni za kuwania Ubunge katika Majimbo mawili ya Nkasi Kaskazini na kusini yanayounda wilaya Nkasi ‎ ‎Akitoa taarifa juu ya zoezi zima la upigaji wa Kura za maoni lililofanyika Jana katibu wa CCM wilaya Nkasi Anastazia Almasi amesema kuwa wilaya Nkasi inaundwa na Majimbo mawili ya Uchaguzi na makada 10 wa CCM walifanikiwa kuingia katika kinyang'anyiro hicho na wawili hao kupenya kuweza kupeperusha bendera ya CCM kwenye uchaguzi mkuu unaotarajia kufanyika Oktoba 29,2025.. ‎ ‎Amesema kuwa kwa upande wa Jimbo la Nkasi Kaskazini Salumu Kazukamwe ameshinda kwa kupata Kura 2956 akifuatiwa na John Sichilima aliyepata kura 1471, Jonas Kifunda 560, Thomas Kalunga kura 320 na wa mwisho Ni David Siame aliyeambulia 137. ‎ ‎Kwa upande wa Jimbo la Nkasi kusini Moses Kaegele ameshinda kwa kupata Kura 3028 akifuatiwa na Vicent Mbogo aliyepata 1,623, Evarist Christopher Mwanansao Kura 465,Desderius Mipata Ku...
Read more

DIWANI KATA YA KALA AFARIKI DUNIA KWA UGONJWA WA KIHARUSI

Image
Na Israel Mwaisaka,Nkasi ‎DIWANI wa kata ya kala Wilayani Nkasi Privatus Yoramu (CCM) amefariki Dunia baada ya kuugua kwa muda mfupi . ‎ ‎Kwa mujibu wa taarifa iliyotolewa jana na Mwenyekiti wa halmashauri ya Wilaya Nkasi Richard Maasai ni kuwa tukio hilo limetokea Juzi jumatano majira ya saa 12 jioni wakati akipatiwa matibabu katika hospitali ya mkoa Rukwa. ‎ ‎Amesema kuwa marehemu amefariki kutokana na ugonjwa wa kiharusi na ugonjwa huo aliupata kutokana na ugonjwa uliokuwa umempata wa shinikizo la juu la damu (Pressure) na kupelekea mishipa ya damu kupasuka na hatimaye kupata ugonjwa wa Kiharusi uliopelelea umauti wake. ‎ ‎Mwenyekiti huyo wa halmashauri amefafanua kuwa majuzi aliongoza kikao Cha kamati ya elimu na afya kama Mwenyekiti na akiwa katika kikao hicho alizidiwa na ugonjwa na kukimbizwa katika hospitali ya Wilaya Nkasi ambapo alipewa huduma ya awali na kukimbizwa katika hospitali ya mkoa kwa matibabu zaidi . ‎ ‎Na amedai kuwa mazishi ya Diwani huyo yatafanyika kesho jumam...
Read more

Mke wa Mchungaji wa kanisa la EAGT ajinyonga akihofia deni lake la fedha za kanisa

Image
Na Israel Mwaisaka,Nkasi ‎ ‎Mwanamke aliyefahamika kwa jina la Joyce Baton Mwasumbi mkazi wa Kijiji Cha Kanazi wilayani Nkasi amefariki dunia baada ya kujinyonga kwa kutumia kanga chumbani kwake. ‎ ‎Akizungumzia tukio hilo Mwenyekiti wa Kijiji Cha Kanazi Rudis Ulaya amesema kuwa tukio la Mwanamke huyo ambaye ni mke wa Mchungaji wa kanisa la EAGT kujinyonga limetokea leo Jumatano Disemba 24,2025 majira ya saa 2 asubuhi baada ya Mumewe ambaye ni mchungaji kwenda kanisani kupalilia pembeni mwa jengo la kanisa hilo. ‎ ‎Amesema kuwa wakati Mumewe ambaye ni Mchungaji akiendelea na jukumu lake kanisani mkewe aliutumia mwanya huo kujitundika kwa kutumia kitenge na muda mfupi Mumewe aliingia chumbani huko na kumkuta Mkewe akiwa amejitundika juu huku akitapatapa kufa ndipo alipochukua kisu na kukikata kitenge hicho kwa lengo la kuokoa uhai wake lakini muda mfupi alipoteza maisha ‎ ‎Mwenyekiti huyo wa Kijiji amefafanua kuwa baada ya yeye kumhoji Mume wa marehemu Mchungaji Ibrahimu Mwaipopo alid...
Read more