DC NKASI-ATAKA UBORESHAJI WA BWAWA LA MFILI KWENDA SAMBAMBA NA UHIFADHI WA PORI LA MFILI AMBACHO NI CHANZO KIKUU CHA MAJI


Na Israel Mwaisaka,Rukwa

Mkuu wa wilaya Nkasi Peter Lijualikali amesema kuwa jitihada zinazofanyika sasa za kuhifadhi Bwawa la Mfili kama chanzo kikuu cha maji katika mji wa Namanyere kiendane na kuutunza msitu wa Mfili ambacho ndicho chanzo kikuu cha maji katika Bwawa hilo.

Hayo ameyasema jana kwenye mkutano wa wadau kwa ajiri ya utambulisho wa Uhifadhi wa Bwawa la mfili ambapo ameitaka bodi ya bonde la ziwa Tanganyika kwamba inapofikilia kulitunza Bwawa la Mfili pia wawe na mkakati wa kuulinda msitu wa mfili ambacho ndicho kiwezeshi kikubwa cha maji katika Bwawa hilo.

Pia amewataka viongozi wa vijiji na vitongoji wanaouzunguka msitu huo wa Mfili kuwa mstari wa mbele katika kuielimisha jamii juu ya umuhimu wa msitu wa Mfili katika kusitawisha Bwawa la Mfili kama chanzo kukubwa cha maji katika mji wa Namanyere.

Alidai kuwa vuiongozi wa vijiji,vitongoji na kata moja kati ya jukumu lao la msingi ni kulinda hifadhi ya mazingira katika maeneo yao na kuhakikisha wale wote wanaovamia vyanzo vya maji wanadhibitiwa mapema badala ya kusubili wavamizi wanaingia ndani ya hifadhi na kujijenga kitu ambacho serikali inapata shida kuwaondoa katika maeneo hayo.

“siyo jambo jema kuanza kuwaondoa Watu kwa njia ya oparesheni wakati viongozi wa vijiji na kata mngeweza kulidhibiti tatizo hilo kwa wakati mambo hayo hayawezi kutokea” alisema

Mwenyekiti wa halmashauri ya wilaya Nkasi Pankrasi Maliyatabu kwa upande wake alidai kuwa suala la uhifadhi wa mazingira na kulinda chanzo cha maji cha Mfili kinahitaji utashi mkubwa wa kisiasa kutoka kwa viongozi wa kisiasa na kuwa wajitahidi kusema ukweli kwa Wananchi wao juu ya umuhimu wa kuhifadhi chanzo cha maji.

Alisema kuwa suala la uhifadhi wa mazingira halihitaji maneno ya kufurahisha bali ni kueleza ukweli na kila mmoja aweze kujua kwamba kutohifadhi vyema mazingira kutasababisha majanga na kupelekea tatizo la maji na kujikuta katika hari mbaya .

Kaimu mkurugenzi wa bodi ya maji bonde la ziwa Tanganganyika Mhandisi Odemba Cornel amesema kuwa shughuli za kibinadamu kwenye chanzo chochote cha maji ni hatari na ndiyo chanzo kikuu cha kukausha maji kwenye Bwawa na kuwa sasa kila mmoja ana jukumu la kuhakikisha chanzo cha maji hakiingiliwi ili kulinda Bwawa la Mfili na Watu waendelee kupata maji msimu wote.

Washiriki wa mkutano huo wa Wadau kwa upande wao wamedai kuwa mijadala mbalimbali waliyoifanya katika mkutano huo imewajenga na kuwapa ufahamu namna ya kukabiliana na viwezeshi vya uharibifu wa mazingira vinavyoweza kupelekea maji kukauka na kuleta shida kubwa katika jamii.


Rehema Mwakibinga mwakilishi wa mamlaka ya maji mjini Namanyere (NAUWSA) amesema kuwa mkutano huo wa wadau una manufaa makubwa kwao na kuwa kuna matokeo makubwa wanayoyatarajia katika uhifadhi mkubwa wa Bwawa hilo la maji

Comments

Post a Comment

Popular posts from this blog

KAEGELE NA KAZUKAMWE WAIBUKA KIDEDEA KURA ZA MAONI CCM WILAYANI NKASI

Image
Na Israel Mwaisaka, Nkasi ‎ ‎Salum Kazukamwe na Moses Kaegele wameshinda katika Kura za maoni za kuwania Ubunge katika Majimbo mawili ya Nkasi Kaskazini na kusini yanayounda wilaya Nkasi ‎ ‎Akitoa taarifa juu ya zoezi zima la upigaji wa Kura za maoni lililofanyika Jana katibu wa CCM wilaya Nkasi Anastazia Almasi amesema kuwa wilaya Nkasi inaundwa na Majimbo mawili ya Uchaguzi na makada 10 wa CCM walifanikiwa kuingia katika kinyang'anyiro hicho na wawili hao kupenya kuweza kupeperusha bendera ya CCM kwenye uchaguzi mkuu unaotarajia kufanyika Oktoba 29,2025.. ‎ ‎Amesema kuwa kwa upande wa Jimbo la Nkasi Kaskazini Salumu Kazukamwe ameshinda kwa kupata Kura 2956 akifuatiwa na John Sichilima aliyepata kura 1471, Jonas Kifunda 560, Thomas Kalunga kura 320 na wa mwisho Ni David Siame aliyeambulia 137. ‎ ‎Kwa upande wa Jimbo la Nkasi kusini Moses Kaegele ameshinda kwa kupata Kura 3028 akifuatiwa na Vicent Mbogo aliyepata 1,623, Evarist Christopher Mwanansao Kura 465,Desderius Mipata Ku...
Read more

DIWANI KATA YA KALA AFARIKI DUNIA KWA UGONJWA WA KIHARUSI

Image
Na Israel Mwaisaka,Nkasi ‎DIWANI wa kata ya kala Wilayani Nkasi Privatus Yoramu (CCM) amefariki Dunia baada ya kuugua kwa muda mfupi . ‎ ‎Kwa mujibu wa taarifa iliyotolewa jana na Mwenyekiti wa halmashauri ya Wilaya Nkasi Richard Maasai ni kuwa tukio hilo limetokea Juzi jumatano majira ya saa 12 jioni wakati akipatiwa matibabu katika hospitali ya mkoa Rukwa. ‎ ‎Amesema kuwa marehemu amefariki kutokana na ugonjwa wa kiharusi na ugonjwa huo aliupata kutokana na ugonjwa uliokuwa umempata wa shinikizo la juu la damu (Pressure) na kupelekea mishipa ya damu kupasuka na hatimaye kupata ugonjwa wa Kiharusi uliopelelea umauti wake. ‎ ‎Mwenyekiti huyo wa halmashauri amefafanua kuwa majuzi aliongoza kikao Cha kamati ya elimu na afya kama Mwenyekiti na akiwa katika kikao hicho alizidiwa na ugonjwa na kukimbizwa katika hospitali ya Wilaya Nkasi ambapo alipewa huduma ya awali na kukimbizwa katika hospitali ya mkoa kwa matibabu zaidi . ‎ ‎Na amedai kuwa mazishi ya Diwani huyo yatafanyika kesho jumam...
Read more

Mke wa Mchungaji wa kanisa la EAGT ajinyonga akihofia deni lake la fedha za kanisa

Image
Na Israel Mwaisaka,Nkasi ‎ ‎Mwanamke aliyefahamika kwa jina la Joyce Baton Mwasumbi mkazi wa Kijiji Cha Kanazi wilayani Nkasi amefariki dunia baada ya kujinyonga kwa kutumia kanga chumbani kwake. ‎ ‎Akizungumzia tukio hilo Mwenyekiti wa Kijiji Cha Kanazi Rudis Ulaya amesema kuwa tukio la Mwanamke huyo ambaye ni mke wa Mchungaji wa kanisa la EAGT kujinyonga limetokea leo Jumatano Disemba 24,2025 majira ya saa 2 asubuhi baada ya Mumewe ambaye ni mchungaji kwenda kanisani kupalilia pembeni mwa jengo la kanisa hilo. ‎ ‎Amesema kuwa wakati Mumewe ambaye ni Mchungaji akiendelea na jukumu lake kanisani mkewe aliutumia mwanya huo kujitundika kwa kutumia kitenge na muda mfupi Mumewe aliingia chumbani huko na kumkuta Mkewe akiwa amejitundika juu huku akitapatapa kufa ndipo alipochukua kisu na kukikata kitenge hicho kwa lengo la kuokoa uhai wake lakini muda mfupi alipoteza maisha ‎ ‎Mwenyekiti huyo wa Kijiji amefafanua kuwa baada ya yeye kumhoji Mume wa marehemu Mchungaji Ibrahimu Mwaipopo alid...
Read more