WAANDIKISHAJI WAPIGA KURA WATAKIWA KUFANYA KAZI YAO KWA UWELEDI ILI KUFANIKISHA JUKUMU HILO LA KITAIFA




Na Israel Mwaisaka,Nkasi

WASHIRIKI wa mafunzo ya uboreshaji wa daftari la kudumu la wapiga kura awamu ya pili wametakiwa kufanya kazi yao kwa ueledi mkubwa ili kuweza kufanikisha jukumu hilo la msingi la kitaifa na kuhakikisha wale wote wenye sifa wanajiandikisha katika daftari hilo.
Wito huo umetolewa jana na afisa mwandikishaji  wa wilaya Nkasi  Ladislaus Mzelela  alipokuwa akifunga mafunzo ya  siku moja  kwa maafisa Waandikishaji wasaidizi na waendesha vifaa  ambapo amedai kuwa jukumu lao ni kubwa hivyo uweledi pekee utapelekea kufanikisha kazi hiyo kwa ufanisi.




Alisema kuwa mafunzo hayo  waliyoyapata kwa njia ya nadharia na vitendo yalijikita katika ujazaji fomu mbalimbali zitakazotumika vituoni  fomu za kiapo cha kutunza siri na kujitoa uanachama katika chama cha siasa ikiwa ni pamoja na namna ya kuandikisha wapiga kura wapya,wanaorekebisha au kuboresha taarifa zao ikiwa ni pamoja na wale wanaoondolewa au kufutwa kwenye daftari la kudumu la mpiga kura.

Hivyo amewataka kutambua  uzito na umuhimu wa zoezi hilo la kitaifa na kwa kuwa wameelewa mafunzo hayo kwa kina hivyo elimu na ujuzi walioupata ikawasaidie kutekeleza jukumu hilo la msingi katika kuhakikisha wale wote wenye sifa stahiki wanapata nafasi ya kuandikishwa katika daftari la kudumu la mpiga kura.




Mzelela  amewataka waandikishaji hao kutambua kuwa wanalo jukumu na madaraka makubwa katika vituo vyao vya kuandikisha  na kuwa kazi ikienda mrama uadilifu wao utatiliwa mashaka na athari zake zitatikisa taifa.

Pia amewataka Wananchi kujitokeza kwenda kujiandikisha kwenye daftari hilo kuanzia Mei 1,2025  zoezi ambalo litadumu kwa muda wa siku saba.

afisa uchaguzi wilaya Nkasi Atufigwege Mwakitega kwa upande wake aliwataka  maofisa hao waandikishaji kuhakikisha wanavitunza vyema   vifaa watakavyokabidhiwa kwa ajiri ya kazi hiyo na kuwa kazi hiyo ili iweze kuleta tija inategemea vifaa hivyo kwa maana hiyo kuna sababu za kuvitunza vifaa hivyop kwa umakini mkubwa.

Na aliwataka waandikishaji katika vituo watakavyopelekwa kuhakikisha kwamba wanakua na tabia njema na busara kitu ambacho kitahakisi kazi njema waliyotumwa na tume huru ya taifa ya uchaguzi na kuwaomba kutojihusisha na vitendo vya ulevi katika kipindi chote cha siku 7 watakapokuwa wakitekeleza jukumu hilo kubwa na la msingi.



Washiriki wa mafunzo hayo waliahidi kwenda kuifanya kazi hiyo kwa weredi mkubwa na kuwa kila walichojifunza watakifanya kwa vitendo ili kila mmoja mwenye haki ya kuandikishwa anaandikishwa kwa mujibu wa sheria

Mwisho

Comments

Post a Comment

Popular posts from this blog

KAEGELE NA KAZUKAMWE WAIBUKA KIDEDEA KURA ZA MAONI CCM WILAYANI NKASI

Image
Na Israel Mwaisaka, Nkasi ‎ ‎Salum Kazukamwe na Moses Kaegele wameshinda katika Kura za maoni za kuwania Ubunge katika Majimbo mawili ya Nkasi Kaskazini na kusini yanayounda wilaya Nkasi ‎ ‎Akitoa taarifa juu ya zoezi zima la upigaji wa Kura za maoni lililofanyika Jana katibu wa CCM wilaya Nkasi Anastazia Almasi amesema kuwa wilaya Nkasi inaundwa na Majimbo mawili ya Uchaguzi na makada 10 wa CCM walifanikiwa kuingia katika kinyang'anyiro hicho na wawili hao kupenya kuweza kupeperusha bendera ya CCM kwenye uchaguzi mkuu unaotarajia kufanyika Oktoba 29,2025.. ‎ ‎Amesema kuwa kwa upande wa Jimbo la Nkasi Kaskazini Salumu Kazukamwe ameshinda kwa kupata Kura 2956 akifuatiwa na John Sichilima aliyepata kura 1471, Jonas Kifunda 560, Thomas Kalunga kura 320 na wa mwisho Ni David Siame aliyeambulia 137. ‎ ‎Kwa upande wa Jimbo la Nkasi kusini Moses Kaegele ameshinda kwa kupata Kura 3028 akifuatiwa na Vicent Mbogo aliyepata 1,623, Evarist Christopher Mwanansao Kura 465,Desderius Mipata Ku...
Read more

DIWANI KATA YA KALA AFARIKI DUNIA KWA UGONJWA WA KIHARUSI

Image
Na Israel Mwaisaka,Nkasi ‎DIWANI wa kata ya kala Wilayani Nkasi Privatus Yoramu (CCM) amefariki Dunia baada ya kuugua kwa muda mfupi . ‎ ‎Kwa mujibu wa taarifa iliyotolewa jana na Mwenyekiti wa halmashauri ya Wilaya Nkasi Richard Maasai ni kuwa tukio hilo limetokea Juzi jumatano majira ya saa 12 jioni wakati akipatiwa matibabu katika hospitali ya mkoa Rukwa. ‎ ‎Amesema kuwa marehemu amefariki kutokana na ugonjwa wa kiharusi na ugonjwa huo aliupata kutokana na ugonjwa uliokuwa umempata wa shinikizo la juu la damu (Pressure) na kupelekea mishipa ya damu kupasuka na hatimaye kupata ugonjwa wa Kiharusi uliopelelea umauti wake. ‎ ‎Mwenyekiti huyo wa halmashauri amefafanua kuwa majuzi aliongoza kikao Cha kamati ya elimu na afya kama Mwenyekiti na akiwa katika kikao hicho alizidiwa na ugonjwa na kukimbizwa katika hospitali ya Wilaya Nkasi ambapo alipewa huduma ya awali na kukimbizwa katika hospitali ya mkoa kwa matibabu zaidi . ‎ ‎Na amedai kuwa mazishi ya Diwani huyo yatafanyika kesho jumam...
Read more

Mke wa Mchungaji wa kanisa la EAGT ajinyonga akihofia deni lake la fedha za kanisa

Image
Na Israel Mwaisaka,Nkasi ‎ ‎Mwanamke aliyefahamika kwa jina la Joyce Baton Mwasumbi mkazi wa Kijiji Cha Kanazi wilayani Nkasi amefariki dunia baada ya kujinyonga kwa kutumia kanga chumbani kwake. ‎ ‎Akizungumzia tukio hilo Mwenyekiti wa Kijiji Cha Kanazi Rudis Ulaya amesema kuwa tukio la Mwanamke huyo ambaye ni mke wa Mchungaji wa kanisa la EAGT kujinyonga limetokea leo Jumatano Disemba 24,2025 majira ya saa 2 asubuhi baada ya Mumewe ambaye ni mchungaji kwenda kanisani kupalilia pembeni mwa jengo la kanisa hilo. ‎ ‎Amesema kuwa wakati Mumewe ambaye ni Mchungaji akiendelea na jukumu lake kanisani mkewe aliutumia mwanya huo kujitundika kwa kutumia kitenge na muda mfupi Mumewe aliingia chumbani huko na kumkuta Mkewe akiwa amejitundika juu huku akitapatapa kufa ndipo alipochukua kisu na kukikata kitenge hicho kwa lengo la kuokoa uhai wake lakini muda mfupi alipoteza maisha ‎ ‎Mwenyekiti huyo wa Kijiji amefafanua kuwa baada ya yeye kumhoji Mume wa marehemu Mchungaji Ibrahimu Mwaipopo alid...
Read more