VIONGOZI WA DINI WAKERWA NA MANENO YA KUSUSIA UCHAGUZI


Na Israel Mwaisaka,Nkasi

JUMUIA ya Maridhiano na amani (JMAT) wilayani Nkasi mkoani Rukwa inayoundwa na viongozi wa dini mbalimbali wameitaka jamii kutosikiliza maneno mbalimbali yanayotolewa na baadhi ya watu juu ya kuzuia uchaguzi na kuwa maneno hayo yana madhara makubwa na badala yake watafute namna nzuri na sahihi ya kusuruhisha jambo hilo badala ya kuzuia uchaguzi usiwepo.

Akizungumza kwenye kikao chao cha kawaida Mwenyekiti wa jumuia hiyo Sheikh wa wilaya Nkasi Hadhiri Daruweshi amedai kuwa neno la “No reform no election) linaweza kuonekana ni neno dogo na kuwasihi viongozi wa dini katika maeneo yao kuhakikisha wanaijenga jamii wanayoizunguka na kuyakataa maneno hayo ambayo yanaweza kuleta mpasuko mkubwa katika taifa utakapofika wakati wakati wa uchaguzi.

Aliwataka wanaoeneza sumu ya kutofanyika kwa uchaguzi kutafuta namna iliyo njema kwa kukaa na serikali kuona namna ya kurekebisha yanayodaiwa ili ifikapo oktoba ya mwaka huu wa 2025,wananchi washirriki uchaguzi mkuu na kuweza kuwapata viongozi watakaowatumikia Wananchi kwa kipindi cha miaka mitano ijayo.

“nchi yetu inaongozwa kwa mujibu wa sheria na kanuni hivyo ni vizuri changamoto zikazungumzwa kisheria na namna ya kuzitatua lajkini kuibuka na kusema tutazuia uchaguzi siyo sawa na kuweza kuleta hatari ya machafuko kitu ambacho hatukitaki kitokee” alisema

Hivyo aliwaomba viongozi hao wa dini katika kipindi hiki kuelekea uchaguzi mkuu Oktoba ya mwaka huu kuhakikisha kwamba wanafanya maombi ya kuliombea taifa na viongozi wake kila wakati ili taifa liendelee na utengamano uliopo.

Katibu wa jumuia hiyo Mch,Fidelis Maheke kwa upande wake amesisitiza kuwa suluhisho la amani iliyopo sasa Nchini ni kuendelea kuliombea taifa kwa nguvu na kuwa uwezo huo kama viongozi wa dini wanao.

Pia amedai kuwa uwezo wa kuzuia mihemko ya vijana juu ya kufanya mambo yanayoweza kwenda kinyume na sheria kama vurugu na mengineyo ni rahisi kwao kuweza kuvizuia na kuwa wasipuuze kila jambo linaloonekana kwenda kinyume na maadili na wawe tayari kukemea mabaya kila yanapojitokeza.

Mdau wa maendeleo wilayani Nkasi Salum Kazukamwe aliitumia fursa hiyo kuwataka viongozi wa dini kuhakikisha suala la elimu linapewa kipaumbele katika jamii kwani silaha ya maendeleo katika jamii yopyote ni elimu.

Alidai wao kama viongozi wa dini jukumu hilo wanaliweza na kuwa hata katika nyumba za ibada kunapokuwa na wasomi wengi ni rahisi sana kwa makanisa na misikiti wanayoiongoza kupiga hatua kubwa za maendeleo.

“Elimu ndiyo silaha kubwa kwa kila mmjo hivyo ninyi kama viongozi wa dini mnaweza mkalisimamia hilo na kuweza kuleta matokeo chanya’’

Awali wakati akifungua kikao hicho mwakilishi wa mkuu wa wilaya Nkasi Kassim Mfangavo aliwataka viongozi hao kusimamia maadili kwa watu wanaowaongoza na kuitangaza amani tuliyonayo kwa nguvu huku wakieleza madhara yanayoweza kujitokeza pale amani inapoyumba.

Comments

Post a Comment

Popular posts from this blog

KAEGELE NA KAZUKAMWE WAIBUKA KIDEDEA KURA ZA MAONI CCM WILAYANI NKASI

Image
Na Israel Mwaisaka, Nkasi ‎ ‎Salum Kazukamwe na Moses Kaegele wameshinda katika Kura za maoni za kuwania Ubunge katika Majimbo mawili ya Nkasi Kaskazini na kusini yanayounda wilaya Nkasi ‎ ‎Akitoa taarifa juu ya zoezi zima la upigaji wa Kura za maoni lililofanyika Jana katibu wa CCM wilaya Nkasi Anastazia Almasi amesema kuwa wilaya Nkasi inaundwa na Majimbo mawili ya Uchaguzi na makada 10 wa CCM walifanikiwa kuingia katika kinyang'anyiro hicho na wawili hao kupenya kuweza kupeperusha bendera ya CCM kwenye uchaguzi mkuu unaotarajia kufanyika Oktoba 29,2025.. ‎ ‎Amesema kuwa kwa upande wa Jimbo la Nkasi Kaskazini Salumu Kazukamwe ameshinda kwa kupata Kura 2956 akifuatiwa na John Sichilima aliyepata kura 1471, Jonas Kifunda 560, Thomas Kalunga kura 320 na wa mwisho Ni David Siame aliyeambulia 137. ‎ ‎Kwa upande wa Jimbo la Nkasi kusini Moses Kaegele ameshinda kwa kupata Kura 3028 akifuatiwa na Vicent Mbogo aliyepata 1,623, Evarist Christopher Mwanansao Kura 465,Desderius Mipata Ku...
Read more

DIWANI KATA YA KALA AFARIKI DUNIA KWA UGONJWA WA KIHARUSI

Image
Na Israel Mwaisaka,Nkasi ‎DIWANI wa kata ya kala Wilayani Nkasi Privatus Yoramu (CCM) amefariki Dunia baada ya kuugua kwa muda mfupi . ‎ ‎Kwa mujibu wa taarifa iliyotolewa jana na Mwenyekiti wa halmashauri ya Wilaya Nkasi Richard Maasai ni kuwa tukio hilo limetokea Juzi jumatano majira ya saa 12 jioni wakati akipatiwa matibabu katika hospitali ya mkoa Rukwa. ‎ ‎Amesema kuwa marehemu amefariki kutokana na ugonjwa wa kiharusi na ugonjwa huo aliupata kutokana na ugonjwa uliokuwa umempata wa shinikizo la juu la damu (Pressure) na kupelekea mishipa ya damu kupasuka na hatimaye kupata ugonjwa wa Kiharusi uliopelelea umauti wake. ‎ ‎Mwenyekiti huyo wa halmashauri amefafanua kuwa majuzi aliongoza kikao Cha kamati ya elimu na afya kama Mwenyekiti na akiwa katika kikao hicho alizidiwa na ugonjwa na kukimbizwa katika hospitali ya Wilaya Nkasi ambapo alipewa huduma ya awali na kukimbizwa katika hospitali ya mkoa kwa matibabu zaidi . ‎ ‎Na amedai kuwa mazishi ya Diwani huyo yatafanyika kesho jumam...
Read more

Mke wa Mchungaji wa kanisa la EAGT ajinyonga akihofia deni lake la fedha za kanisa

Image
Na Israel Mwaisaka,Nkasi ‎ ‎Mwanamke aliyefahamika kwa jina la Joyce Baton Mwasumbi mkazi wa Kijiji Cha Kanazi wilayani Nkasi amefariki dunia baada ya kujinyonga kwa kutumia kanga chumbani kwake. ‎ ‎Akizungumzia tukio hilo Mwenyekiti wa Kijiji Cha Kanazi Rudis Ulaya amesema kuwa tukio la Mwanamke huyo ambaye ni mke wa Mchungaji wa kanisa la EAGT kujinyonga limetokea leo Jumatano Disemba 24,2025 majira ya saa 2 asubuhi baada ya Mumewe ambaye ni mchungaji kwenda kanisani kupalilia pembeni mwa jengo la kanisa hilo. ‎ ‎Amesema kuwa wakati Mumewe ambaye ni Mchungaji akiendelea na jukumu lake kanisani mkewe aliutumia mwanya huo kujitundika kwa kutumia kitenge na muda mfupi Mumewe aliingia chumbani huko na kumkuta Mkewe akiwa amejitundika juu huku akitapatapa kufa ndipo alipochukua kisu na kukikata kitenge hicho kwa lengo la kuokoa uhai wake lakini muda mfupi alipoteza maisha ‎ ‎Mwenyekiti huyo wa Kijiji amefafanua kuwa baada ya yeye kumhoji Mume wa marehemu Mchungaji Ibrahimu Mwaipopo alid...
Read more