CCM Songwe wazungumzia mikakati ya uchaguzi,yawapoga pini wanaopitapita majimboni


‘’wabunge waliopo madarakani waache woga,hata wao wakati wanasaka ubunge walipita majimboni,kama walishindwa kutimiza ahadi wajiandae kuwa na hoja nyingi za kujibu kwa wananchi’’.

Na Ibrahimu Yassin,Songwe

CHAMA cha mapinduzi (CCM) mkoani Songwe kimeeleza mikakati iliyojiwekea kufuatia uchaguzi mkuu ujao huku kikiwapiga pini makada wanaodaiwa kupita majimboni na kwenye kata kujitangaza ili kujiwekea mikakati mizuri ya ushindi.

Akizungumza jana na waandishi wa habari,Katibu wa Siasa itikadi na mafunzo mkoani Songwe,Mwl, Yusuph Rajabu alisema mkoa umejiandaa vizuri kuhakikisha katika uchaguzi ujao hakuna kata wala jimbo watakalo lipoteza huku akisisitiza wanaccm kufuata sheria zilizopo kuhepuka migogoro.

Alisema ikiwa ccm inajipanga ili kuyalinda majimbo na kata zote wamepata taarifa za baadhi ya wagombea kupita pita kwenye majimbo na katakabla ya muda huku wengune wakitoa fedha na wengine wakidiliki kuwapa mabarozi laki 3 ili waachie nafasi zao na kupatikana mabarozi na wajumbe watakaokuwa upande wao.

Alisema kanuni ya itifaki ya ccm hairuhusi mambo hayo,na kwamba atakaye bainika atakatwa jina lake bila kujali yeye ni nani kwani mchakato wa utoaji fomu utaanza Juni 28/2025 utakuwa mchakato wa siku 5 na majina matatu ndiyo yatakayopitishwa.

Alisema chama kimeongeza idadi ya wajumbe zaidi ya 13.000 kutoka wajumbe 4.000 hivyo atashangaa kama kuna mgombea ataweza kuwahonga wajumbe wote hao’’ccm iliona ili ipate wabunge na madiwani wazuri bila kutoa hongo imeongeza idadi ya wajumbe.

‘’Ccm inajivunia mafanikio yake kupitia ilani yake kutekelezwa kwa vitendo katika kila idara na kujenga imani kwa wapiga kura wake,tunapinga vikali rushwa na uvunjifu wa kanuni zilizowekwa,natoa onyo kwa watakaopita na kufanya kampeni kabla ya muda majina yao hayatarudi’’.

Hata hivyo,baada ya kumalizika kwa kikao hicho cha waandishi wa habari,baadhi ya wanaccm ambao hawakutaka majina yao yaandikwe walisema baadhi ya wabunge wamekuwa na hofu ya kutorudi bungeni ndiyo maana wamekuwa wakilalamika pale wanapohisi wapinzani wao wanapita majimboni.

Walisema hata wao wakati wanasaka ubunge walipita kabla ya muda na wabunge waliokuwepo wakati huo hawakuweza kulalamika,na kuwa hawaoni sbabu ya wao kuwa na hofu,kama walishindwa kutekeleza ahadi kwenye majimbo yao wajiandae kuwa na hoja nyingi za kujibu kwa wapiga kura.

Walisema CCM kupitia kwa mwenyekiti wake ambaye ni Rais wa Jamhuri wa muungano wa Tanzania Dkt,Samia Suluhu amefanya kazi kubwa ya kujenga miradi mikubwa na midogo katika kila idara na ametimiza ahadi alizoahidi kwa wapiga kura wakati wakifanya kampeni yeye na mtangulizi wake Hayati Dkt,John Magufuli.



Walisema kutokana na Rais kutimiza ahadi na kujenga miradi inayogusa jamii,wabunge wengi na madiwani nchini walioshindwa kutimiza ahadi zao kwa wananchi wamekuwa wakidandia miradi iliyotekelezwa na Rais wakijisema wao ndiyo wameitekeleza hali ya kuwa wao hakuna walichokifanya.

‘’Ndugu mwanahabari,ubunge ni taasisi,Mbunge anaweza kutafuta fedha kwa wahisani kujenga miradi ama kutatua changamoto jimboni mwake,pia kupitia mshahara wa Milioni 18 anazopokea anaweza kujenga japo visima 5 vijijini akitumia sehemu ya mshahara wake na si kusubiri fedha za serikali pekee’’walisema


Comments

Post a Comment

Popular posts from this blog

KAEGELE NA KAZUKAMWE WAIBUKA KIDEDEA KURA ZA MAONI CCM WILAYANI NKASI

Image
Na Israel Mwaisaka, Nkasi ‎ ‎Salum Kazukamwe na Moses Kaegele wameshinda katika Kura za maoni za kuwania Ubunge katika Majimbo mawili ya Nkasi Kaskazini na kusini yanayounda wilaya Nkasi ‎ ‎Akitoa taarifa juu ya zoezi zima la upigaji wa Kura za maoni lililofanyika Jana katibu wa CCM wilaya Nkasi Anastazia Almasi amesema kuwa wilaya Nkasi inaundwa na Majimbo mawili ya Uchaguzi na makada 10 wa CCM walifanikiwa kuingia katika kinyang'anyiro hicho na wawili hao kupenya kuweza kupeperusha bendera ya CCM kwenye uchaguzi mkuu unaotarajia kufanyika Oktoba 29,2025.. ‎ ‎Amesema kuwa kwa upande wa Jimbo la Nkasi Kaskazini Salumu Kazukamwe ameshinda kwa kupata Kura 2956 akifuatiwa na John Sichilima aliyepata kura 1471, Jonas Kifunda 560, Thomas Kalunga kura 320 na wa mwisho Ni David Siame aliyeambulia 137. ‎ ‎Kwa upande wa Jimbo la Nkasi kusini Moses Kaegele ameshinda kwa kupata Kura 3028 akifuatiwa na Vicent Mbogo aliyepata 1,623, Evarist Christopher Mwanansao Kura 465,Desderius Mipata Ku...
Read more

DIWANI KATA YA KALA AFARIKI DUNIA KWA UGONJWA WA KIHARUSI

Image
Na Israel Mwaisaka,Nkasi ‎DIWANI wa kata ya kala Wilayani Nkasi Privatus Yoramu (CCM) amefariki Dunia baada ya kuugua kwa muda mfupi . ‎ ‎Kwa mujibu wa taarifa iliyotolewa jana na Mwenyekiti wa halmashauri ya Wilaya Nkasi Richard Maasai ni kuwa tukio hilo limetokea Juzi jumatano majira ya saa 12 jioni wakati akipatiwa matibabu katika hospitali ya mkoa Rukwa. ‎ ‎Amesema kuwa marehemu amefariki kutokana na ugonjwa wa kiharusi na ugonjwa huo aliupata kutokana na ugonjwa uliokuwa umempata wa shinikizo la juu la damu (Pressure) na kupelekea mishipa ya damu kupasuka na hatimaye kupata ugonjwa wa Kiharusi uliopelelea umauti wake. ‎ ‎Mwenyekiti huyo wa halmashauri amefafanua kuwa majuzi aliongoza kikao Cha kamati ya elimu na afya kama Mwenyekiti na akiwa katika kikao hicho alizidiwa na ugonjwa na kukimbizwa katika hospitali ya Wilaya Nkasi ambapo alipewa huduma ya awali na kukimbizwa katika hospitali ya mkoa kwa matibabu zaidi . ‎ ‎Na amedai kuwa mazishi ya Diwani huyo yatafanyika kesho jumam...
Read more

Mke wa Mchungaji wa kanisa la EAGT ajinyonga akihofia deni lake la fedha za kanisa

Image
Na Israel Mwaisaka,Nkasi ‎ ‎Mwanamke aliyefahamika kwa jina la Joyce Baton Mwasumbi mkazi wa Kijiji Cha Kanazi wilayani Nkasi amefariki dunia baada ya kujinyonga kwa kutumia kanga chumbani kwake. ‎ ‎Akizungumzia tukio hilo Mwenyekiti wa Kijiji Cha Kanazi Rudis Ulaya amesema kuwa tukio la Mwanamke huyo ambaye ni mke wa Mchungaji wa kanisa la EAGT kujinyonga limetokea leo Jumatano Disemba 24,2025 majira ya saa 2 asubuhi baada ya Mumewe ambaye ni mchungaji kwenda kanisani kupalilia pembeni mwa jengo la kanisa hilo. ‎ ‎Amesema kuwa wakati Mumewe ambaye ni Mchungaji akiendelea na jukumu lake kanisani mkewe aliutumia mwanya huo kujitundika kwa kutumia kitenge na muda mfupi Mumewe aliingia chumbani huko na kumkuta Mkewe akiwa amejitundika juu huku akitapatapa kufa ndipo alipochukua kisu na kukikata kitenge hicho kwa lengo la kuokoa uhai wake lakini muda mfupi alipoteza maisha ‎ ‎Mwenyekiti huyo wa Kijiji amefafanua kuwa baada ya yeye kumhoji Mume wa marehemu Mchungaji Ibrahimu Mwaipopo alid...
Read more