MSAADA WA KISHERIA WA MAMA SAMIA KUZINDULIWA RUKWA


Katibu tawala wa mkoa Rukwa Msalika Makungu

Na Israel Mwaisaka,Rukwa

SERIKALI mkoani Rukwa imetangaza kuzinduliwa kwa kampeni ya huduma ya msaada wa kisheria  ya MAMA Samia Leagel Aid itakayozinduliwa siku ya kesho Feb. 25 majira ya saa 2 asubuhi katika viwanja vya stendi ya mabasi ya Sokomatola ambapo wananchi watapata msaada wa kisheria kutokana na changamoto mbalimbali zinazo wakabiri.

Akizungumzia uzinduzi wa Kampeni hiyo, Katibu tawala mkoa wa Rukwa Msalika Makungu amesema kuwa lengo la kampeni ni kutoa msaada kwa waathirika wa vitendo mbalimbali ambao wengi wao hawana uwezo wa kufikia huduma za kisheria hivyo wanapaswa kujitokeza kwa wingi ili wakapate huduma hiyo.

Aidha amesema kuwa huduma za kisheria zitakazo tolewa kipindi chote cha Kampeni zitakuwa ni bure ambapo kampeni hiyo itafanyika kwa muda wa siku tisa katika halmashauri zote za mkoa na baadhi ya kata katika mkoa wa Rukwa.

Kwaupande wake Beatrice Mpembo ambaye ni Mkurugenzi msaidizi wa haki za binadamu kutoka wizara ya Katiba na sheria amesema kuwa kampeni hiyo itakuwa ni endelevu licha ya kwamba itafanyika ndani ya siku tisa na kuongeza kuwa mama Samia Suluhu Hassan ameamua kuzitafutia ufumbuzi changamoto za wananchi ambao wamekuwa hawana uwezo wa kupata huduma za kisheria kwa kuanzisha kampeni hiyo.

Amesema kuwa mkoa Rukwa utakua ni wa 22 kufikiwa na huduma hii ya msaada wa kisheria kwani Hadi sasa mikoa 21 imefikiwa huku alidai kuwa wao wameona jinsi uhitaji wa kisheria unavyotakiwa katika maeneo mbalimbali Nchini huku akiwataka Wananchi kuzitumia vyema siku hizo 9 katika kutatuliwa changamoto mbalimbali walizonazo za kisheria.

Na amefafanua kuwa Leo wao wamekua na kikao kazi na Watendaji wa mpango huo kutoka katika wilaya zote tatu za mkoa Rukwa na kesho February 25 zoezi Hilo litazinduliwa rasmi na kuanza kazi ya utetezi Katika mkoa Rukwa

Comments

Post a Comment

Popular posts from this blog

KAEGELE NA KAZUKAMWE WAIBUKA KIDEDEA KURA ZA MAONI CCM WILAYANI NKASI

Image
Na Israel Mwaisaka, Nkasi ‎ ‎Salum Kazukamwe na Moses Kaegele wameshinda katika Kura za maoni za kuwania Ubunge katika Majimbo mawili ya Nkasi Kaskazini na kusini yanayounda wilaya Nkasi ‎ ‎Akitoa taarifa juu ya zoezi zima la upigaji wa Kura za maoni lililofanyika Jana katibu wa CCM wilaya Nkasi Anastazia Almasi amesema kuwa wilaya Nkasi inaundwa na Majimbo mawili ya Uchaguzi na makada 10 wa CCM walifanikiwa kuingia katika kinyang'anyiro hicho na wawili hao kupenya kuweza kupeperusha bendera ya CCM kwenye uchaguzi mkuu unaotarajia kufanyika Oktoba 29,2025.. ‎ ‎Amesema kuwa kwa upande wa Jimbo la Nkasi Kaskazini Salumu Kazukamwe ameshinda kwa kupata Kura 2956 akifuatiwa na John Sichilima aliyepata kura 1471, Jonas Kifunda 560, Thomas Kalunga kura 320 na wa mwisho Ni David Siame aliyeambulia 137. ‎ ‎Kwa upande wa Jimbo la Nkasi kusini Moses Kaegele ameshinda kwa kupata Kura 3028 akifuatiwa na Vicent Mbogo aliyepata 1,623, Evarist Christopher Mwanansao Kura 465,Desderius Mipata Ku...
Read more

DIWANI KATA YA KALA AFARIKI DUNIA KWA UGONJWA WA KIHARUSI

Image
Na Israel Mwaisaka,Nkasi ‎DIWANI wa kata ya kala Wilayani Nkasi Privatus Yoramu (CCM) amefariki Dunia baada ya kuugua kwa muda mfupi . ‎ ‎Kwa mujibu wa taarifa iliyotolewa jana na Mwenyekiti wa halmashauri ya Wilaya Nkasi Richard Maasai ni kuwa tukio hilo limetokea Juzi jumatano majira ya saa 12 jioni wakati akipatiwa matibabu katika hospitali ya mkoa Rukwa. ‎ ‎Amesema kuwa marehemu amefariki kutokana na ugonjwa wa kiharusi na ugonjwa huo aliupata kutokana na ugonjwa uliokuwa umempata wa shinikizo la juu la damu (Pressure) na kupelekea mishipa ya damu kupasuka na hatimaye kupata ugonjwa wa Kiharusi uliopelelea umauti wake. ‎ ‎Mwenyekiti huyo wa halmashauri amefafanua kuwa majuzi aliongoza kikao Cha kamati ya elimu na afya kama Mwenyekiti na akiwa katika kikao hicho alizidiwa na ugonjwa na kukimbizwa katika hospitali ya Wilaya Nkasi ambapo alipewa huduma ya awali na kukimbizwa katika hospitali ya mkoa kwa matibabu zaidi . ‎ ‎Na amedai kuwa mazishi ya Diwani huyo yatafanyika kesho jumam...
Read more

Mke wa Mchungaji wa kanisa la EAGT ajinyonga akihofia deni lake la fedha za kanisa

Image
Na Israel Mwaisaka,Nkasi ‎ ‎Mwanamke aliyefahamika kwa jina la Joyce Baton Mwasumbi mkazi wa Kijiji Cha Kanazi wilayani Nkasi amefariki dunia baada ya kujinyonga kwa kutumia kanga chumbani kwake. ‎ ‎Akizungumzia tukio hilo Mwenyekiti wa Kijiji Cha Kanazi Rudis Ulaya amesema kuwa tukio la Mwanamke huyo ambaye ni mke wa Mchungaji wa kanisa la EAGT kujinyonga limetokea leo Jumatano Disemba 24,2025 majira ya saa 2 asubuhi baada ya Mumewe ambaye ni mchungaji kwenda kanisani kupalilia pembeni mwa jengo la kanisa hilo. ‎ ‎Amesema kuwa wakati Mumewe ambaye ni Mchungaji akiendelea na jukumu lake kanisani mkewe aliutumia mwanya huo kujitundika kwa kutumia kitenge na muda mfupi Mumewe aliingia chumbani huko na kumkuta Mkewe akiwa amejitundika juu huku akitapatapa kufa ndipo alipochukua kisu na kukikata kitenge hicho kwa lengo la kuokoa uhai wake lakini muda mfupi alipoteza maisha ‎ ‎Mwenyekiti huyo wa Kijiji amefafanua kuwa baada ya yeye kumhoji Mume wa marehemu Mchungaji Ibrahimu Mwaipopo alid...
Read more