Radi yaua Ng'ombe 10 jamii yapata hofu



Na Israel Mwaisaka, Nkasi

NGO'MBE 10 wamekufa papo hapo baada ya kupigwa na radi Jana katika Kijiji cha Mwenge kata ya Kate wilayani Nkasi wakiwa marishoni.

Akizungumzia tukio hilo afisa Mtendaji wa kata ya Kate Deus William Njugu amesema kuwa Ng'ombe hao walipigwa na radi Jana majira ya saa 9 alasiri wakiwa marishoni na wakati radi hiyo inapiga palikua na Ng'ombe 15 na wote walindondoka chini lakini baada ya muda Ng'ombe 5 walisimama na kuondoka huku 10 wakipoteza maisha.

Amesema kuwa katika Ng'ombe hao waliokufa 5 ni madume na 5 ni majike na kuwa Ng'ombe hao wote ni Mali ya Steven Slanda mkazi wa Kijiji hicho cha Mwenge.



Afisa Mtendaji huyo wa kata amefafanua kuwa Ng'ombe hao wote Baada ya kufa kwa radi hiyo walianza kujaa matumbo,huku kijana aliyekua akiwachunga Ng'ombe hao akiwa salama.

Awali mwenyekiti wa Kijiji hicho cha Mwenge Charles Kafumu alikiri kutokea kwa tukio Hilo na kuwa matukio ya radi ya mara kwa mara ambayo yamekua yakitokea katika Kijiji hicho kusababisha madhara ikiwemo vifo imekuwa vikiwaweka njia Panda na hawajui Nini cha kufanya juu ya Hilo .

Amedai kuwa karibia Kila mwaka inapofika msimu wa mvua za masika ni lazima radi ipige na kusababisha madhara kwa jamii kama hayo ya kuuliwa kwa mifugo na hata binadamu au vyote kwa pamoja.

Afisa mifugo wa kata ya Kate Leticia Kahabi amesema kuwa kimsingi Ng'ombe hao hawatakiwi kuliwa kwani wana madhara ya kiafya na inabidi wafukiwe na asiwepo mtu mwenye uwezo wa kuweza kuipata nyama hiyo na kuitumia kama kitoweo.

Alidai kuwa kwa mujibu wa sheria na kanuni za kiafya hairuhusiwi kula nyama ya mnyama ambaye hajachinjwa hivyo na kuwa mnyama akiuliwa na radi nyama yake Ina kuwa chembe chembe ya umeme wa radi ambao madhara yake uwa ni makubwa Sana kwa mtu anayekwenda kuitumia nyama hiyo kama kitoweo.

Diwani wa kata hiyo Dismas Msangawale amewataka wakazi wa Kate kuwa watulivu katika kipindi kama hiki linapotokea tukio la namna hiyo na kuacha kabisa kuhusisha matukio ya namna hiyo na Imani za kishirikina.

Na aliwataka Wananchi kuzingatia kanuni za kiafya kwa kufuata maelekezo ya Wataalamu juu ya kula nyama ya Ng'ombe hao waliopigwa na radi ikiwa ni pamoja na kutojaribu kufukua mizoga ya Ng'ombe hao kwa njia za kificho kwa lengo la kujipatia kitoweo kwani watakua wanajihatarisha wao kiafya.

Comments

Post a Comment

Popular posts from this blog

KAEGELE NA KAZUKAMWE WAIBUKA KIDEDEA KURA ZA MAONI CCM WILAYANI NKASI

Image
Na Israel Mwaisaka, Nkasi ‎ ‎Salum Kazukamwe na Moses Kaegele wameshinda katika Kura za maoni za kuwania Ubunge katika Majimbo mawili ya Nkasi Kaskazini na kusini yanayounda wilaya Nkasi ‎ ‎Akitoa taarifa juu ya zoezi zima la upigaji wa Kura za maoni lililofanyika Jana katibu wa CCM wilaya Nkasi Anastazia Almasi amesema kuwa wilaya Nkasi inaundwa na Majimbo mawili ya Uchaguzi na makada 10 wa CCM walifanikiwa kuingia katika kinyang'anyiro hicho na wawili hao kupenya kuweza kupeperusha bendera ya CCM kwenye uchaguzi mkuu unaotarajia kufanyika Oktoba 29,2025.. ‎ ‎Amesema kuwa kwa upande wa Jimbo la Nkasi Kaskazini Salumu Kazukamwe ameshinda kwa kupata Kura 2956 akifuatiwa na John Sichilima aliyepata kura 1471, Jonas Kifunda 560, Thomas Kalunga kura 320 na wa mwisho Ni David Siame aliyeambulia 137. ‎ ‎Kwa upande wa Jimbo la Nkasi kusini Moses Kaegele ameshinda kwa kupata Kura 3028 akifuatiwa na Vicent Mbogo aliyepata 1,623, Evarist Christopher Mwanansao Kura 465,Desderius Mipata Ku...
Read more

DIWANI KATA YA KALA AFARIKI DUNIA KWA UGONJWA WA KIHARUSI

Image
Na Israel Mwaisaka,Nkasi ‎DIWANI wa kata ya kala Wilayani Nkasi Privatus Yoramu (CCM) amefariki Dunia baada ya kuugua kwa muda mfupi . ‎ ‎Kwa mujibu wa taarifa iliyotolewa jana na Mwenyekiti wa halmashauri ya Wilaya Nkasi Richard Maasai ni kuwa tukio hilo limetokea Juzi jumatano majira ya saa 12 jioni wakati akipatiwa matibabu katika hospitali ya mkoa Rukwa. ‎ ‎Amesema kuwa marehemu amefariki kutokana na ugonjwa wa kiharusi na ugonjwa huo aliupata kutokana na ugonjwa uliokuwa umempata wa shinikizo la juu la damu (Pressure) na kupelekea mishipa ya damu kupasuka na hatimaye kupata ugonjwa wa Kiharusi uliopelelea umauti wake. ‎ ‎Mwenyekiti huyo wa halmashauri amefafanua kuwa majuzi aliongoza kikao Cha kamati ya elimu na afya kama Mwenyekiti na akiwa katika kikao hicho alizidiwa na ugonjwa na kukimbizwa katika hospitali ya Wilaya Nkasi ambapo alipewa huduma ya awali na kukimbizwa katika hospitali ya mkoa kwa matibabu zaidi . ‎ ‎Na amedai kuwa mazishi ya Diwani huyo yatafanyika kesho jumam...
Read more

Mke wa Mchungaji wa kanisa la EAGT ajinyonga akihofia deni lake la fedha za kanisa

Image
Na Israel Mwaisaka,Nkasi ‎ ‎Mwanamke aliyefahamika kwa jina la Joyce Baton Mwasumbi mkazi wa Kijiji Cha Kanazi wilayani Nkasi amefariki dunia baada ya kujinyonga kwa kutumia kanga chumbani kwake. ‎ ‎Akizungumzia tukio hilo Mwenyekiti wa Kijiji Cha Kanazi Rudis Ulaya amesema kuwa tukio la Mwanamke huyo ambaye ni mke wa Mchungaji wa kanisa la EAGT kujinyonga limetokea leo Jumatano Disemba 24,2025 majira ya saa 2 asubuhi baada ya Mumewe ambaye ni mchungaji kwenda kanisani kupalilia pembeni mwa jengo la kanisa hilo. ‎ ‎Amesema kuwa wakati Mumewe ambaye ni Mchungaji akiendelea na jukumu lake kanisani mkewe aliutumia mwanya huo kujitundika kwa kutumia kitenge na muda mfupi Mumewe aliingia chumbani huko na kumkuta Mkewe akiwa amejitundika juu huku akitapatapa kufa ndipo alipochukua kisu na kukikata kitenge hicho kwa lengo la kuokoa uhai wake lakini muda mfupi alipoteza maisha ‎ ‎Mwenyekiti huyo wa Kijiji amefafanua kuwa baada ya yeye kumhoji Mume wa marehemu Mchungaji Ibrahimu Mwaipopo alid...
Read more