MAKINI TECHNOLOGY YAWASHIKA MKONO WATOTO WENYE MAHITAJI MAALUMU



Na Israel Mwaisaka, Nkasi

TAASISI ya Watu makini Technology ya mjini Sumbawanga mkoani Rukwa kwa kushirikiana na Wadau wengine wametoa msaada kwa Wanafunzi 61 wenye mahitaji maalumu kama sehemu ya matendo ya huruma wanapouanza mwaka mpya wa 2025.

Akizungumza wakati wa kukabidhi misaada hiyo kwa Watoto hao katika shule tatu za mjini Namanyere wilayani Nkasi mkurugenzi wa Watu makini Technology Obeid Theofil Kasiano amesema kuwa taasisi yake kwa kushirikiana na timu ya vijana Wajasiliamali wamechangishana Tshs,1,386,000 na kuwanunulia mahitaji muhimu ya shule kama Madaftari,Rula,Kalamu na Pencils.

Amesema kuwa wao kama sehemu ya jamii wanaguswa na changamoto mbalimbali ambazo watu wengine wanakumbana nazo na ndiyo maana walionelea na wao kuweza kuwashika mkono Watoto wenye mahitaji maalumu kwa kuchangishana kidogo kile ambacho Mungu ameweza kuwaajalia kuweza kuvipata.



Shule zilizonufaika na msaada huo ni shule ya msingi Majengo,Isunta na Nkomolo ambapo Walimu wakuu wa shule hizo wamekua msaada mkubwa Katika kuwaainisha Watoto hao ambao wamekua wanufaika wa misaada hiyo.

Kasiano amefafanua kuwa kwao jambo Hilo imekuwa ni utaratibu wao ambapo kwa mwaka juu ni mara ya Sita na kwa wilaya Nkasi ni la Nne na kuwa wataendelea kufanya hivyo huku wakifanya ushawishi mkubwa kwa Watu wengine kuendelea kujitoa kama wao katika kuwasaidia Watu wenye uhitaji.


Amefafanua kuwa kitendo hicho cha kuwafanya Watu kujenga utamaduni wa kufanya matendo ya huruma unasaidia jamii kujengeka Katika upendo kitu ambacho kitapelekea jamii kuishi kwa Amani na kuchukuliana

Comments

Post a Comment

Popular posts from this blog

KAEGELE NA KAZUKAMWE WAIBUKA KIDEDEA KURA ZA MAONI CCM WILAYANI NKASI

Image
Na Israel Mwaisaka, Nkasi ‎ ‎Salum Kazukamwe na Moses Kaegele wameshinda katika Kura za maoni za kuwania Ubunge katika Majimbo mawili ya Nkasi Kaskazini na kusini yanayounda wilaya Nkasi ‎ ‎Akitoa taarifa juu ya zoezi zima la upigaji wa Kura za maoni lililofanyika Jana katibu wa CCM wilaya Nkasi Anastazia Almasi amesema kuwa wilaya Nkasi inaundwa na Majimbo mawili ya Uchaguzi na makada 10 wa CCM walifanikiwa kuingia katika kinyang'anyiro hicho na wawili hao kupenya kuweza kupeperusha bendera ya CCM kwenye uchaguzi mkuu unaotarajia kufanyika Oktoba 29,2025.. ‎ ‎Amesema kuwa kwa upande wa Jimbo la Nkasi Kaskazini Salumu Kazukamwe ameshinda kwa kupata Kura 2956 akifuatiwa na John Sichilima aliyepata kura 1471, Jonas Kifunda 560, Thomas Kalunga kura 320 na wa mwisho Ni David Siame aliyeambulia 137. ‎ ‎Kwa upande wa Jimbo la Nkasi kusini Moses Kaegele ameshinda kwa kupata Kura 3028 akifuatiwa na Vicent Mbogo aliyepata 1,623, Evarist Christopher Mwanansao Kura 465,Desderius Mipata Ku...
Read more

DIWANI KATA YA KALA AFARIKI DUNIA KWA UGONJWA WA KIHARUSI

Image
Na Israel Mwaisaka,Nkasi ‎DIWANI wa kata ya kala Wilayani Nkasi Privatus Yoramu (CCM) amefariki Dunia baada ya kuugua kwa muda mfupi . ‎ ‎Kwa mujibu wa taarifa iliyotolewa jana na Mwenyekiti wa halmashauri ya Wilaya Nkasi Richard Maasai ni kuwa tukio hilo limetokea Juzi jumatano majira ya saa 12 jioni wakati akipatiwa matibabu katika hospitali ya mkoa Rukwa. ‎ ‎Amesema kuwa marehemu amefariki kutokana na ugonjwa wa kiharusi na ugonjwa huo aliupata kutokana na ugonjwa uliokuwa umempata wa shinikizo la juu la damu (Pressure) na kupelekea mishipa ya damu kupasuka na hatimaye kupata ugonjwa wa Kiharusi uliopelelea umauti wake. ‎ ‎Mwenyekiti huyo wa halmashauri amefafanua kuwa majuzi aliongoza kikao Cha kamati ya elimu na afya kama Mwenyekiti na akiwa katika kikao hicho alizidiwa na ugonjwa na kukimbizwa katika hospitali ya Wilaya Nkasi ambapo alipewa huduma ya awali na kukimbizwa katika hospitali ya mkoa kwa matibabu zaidi . ‎ ‎Na amedai kuwa mazishi ya Diwani huyo yatafanyika kesho jumam...
Read more

Mke wa Mchungaji wa kanisa la EAGT ajinyonga akihofia deni lake la fedha za kanisa

Image
Na Israel Mwaisaka,Nkasi ‎ ‎Mwanamke aliyefahamika kwa jina la Joyce Baton Mwasumbi mkazi wa Kijiji Cha Kanazi wilayani Nkasi amefariki dunia baada ya kujinyonga kwa kutumia kanga chumbani kwake. ‎ ‎Akizungumzia tukio hilo Mwenyekiti wa Kijiji Cha Kanazi Rudis Ulaya amesema kuwa tukio la Mwanamke huyo ambaye ni mke wa Mchungaji wa kanisa la EAGT kujinyonga limetokea leo Jumatano Disemba 24,2025 majira ya saa 2 asubuhi baada ya Mumewe ambaye ni mchungaji kwenda kanisani kupalilia pembeni mwa jengo la kanisa hilo. ‎ ‎Amesema kuwa wakati Mumewe ambaye ni Mchungaji akiendelea na jukumu lake kanisani mkewe aliutumia mwanya huo kujitundika kwa kutumia kitenge na muda mfupi Mumewe aliingia chumbani huko na kumkuta Mkewe akiwa amejitundika juu huku akitapatapa kufa ndipo alipochukua kisu na kukikata kitenge hicho kwa lengo la kuokoa uhai wake lakini muda mfupi alipoteza maisha ‎ ‎Mwenyekiti huyo wa Kijiji amefafanua kuwa baada ya yeye kumhoji Mume wa marehemu Mchungaji Ibrahimu Mwaipopo alid...
Read more