Waandishi wa habari wapewa mbinu ya kuutangaza urithi wa kiutamaduni ili ulete manufa kwa jamii




Na Israel Mwaisaka,Rukwa

WAANDISHI habari na wadau mkoani Rukwa wametakiwa kutumia kalamu zao katika kuuhamasisha urithi wa Utamaduni usioshikika Ili kuweza kutoa mchango Kwa taifa kulingana na tamaduni hizo.

Akitoa taarifa Kwa mkuu wa wilaya Sumbawanga Nyakie Chirukie kwenye ufunguzi wa Warsha ya siku mbili Kwa Waandishi wa habari mkurugenzi wa Taasisi ya TAMCODE Rose Ngunangwa amesema kuwa hivi Sasa Kuna tamaduni nyingi zenye manufaa Kwa jamii zimeachwa lakini kama zikiendelezwa na kurithishwa zinaweza kuleta Tija.

Alisema kuwa katika maeneo mbalimbali hasa katika mikoa ya Rukwa na Katavi yapo maeneo muhimu ambayo ni urithi wa kitamaduni usioshikika na kuwa maeneo hayo yakitambuliwa na kurithishwa tamaduni hizo zinaweza kuwa na mchango hata katika eneo la kiuchumi.



Ngunangwa alidai kuwa Bado Kuna fursa kubwa ya kiuchumi kwenye tamaduni zetu na ndiyo maana wao TAMCODE Kwa kushirikiana na Mradi wa UNESCO-Alwaleed Philanthropies wameamua kufanya uchechemuzi Kwa Waandishi wa habari Ili waweze kuwa msaada Kwa jamii katika kuzitangaza tamaduni zetu zenye urithi mkubwa.

Alifafanua kuwa Kuna shughuli nyingi za kitamamaduni ambazo jamii wanaweza kuzifanya na kuweza kujipatia kipato,hivyo ni muhimu sana Kwa tamaduni zenye manufaa kuendelezwa Ili jamii iendelee kupata manufaa ya Mila na tamaduni zetu ambazo Kwa Sasa zimepuuzwa.

Kwa upande wake mkuu wa wilaya ya Sumbawanga Nyakie Chirukie amewapongeza TAMCODE Kwa kushirikiana na UNESCO Kwa kuanzisha mchakato huo kwani ni kweli Kwa Sasa jamii yetu imejisahau kabisa katika kuzitumia tamaduni zetu ambazo Bado Zina manufaa makubwa.



Alisema kuwa Kuna vitu vingi vya kitamaduni ambavyo vimesahaulika kabisa na hata kufikia wakati jamii imesahau hata vyakula vya asili kitu ambacho ni hatari Kwa vizazi vijavyo.

Alisema mkoa wa Rukwa una vitu vingi ambavyo ni urithi wa kitamaduni tumeachiwa ikiwemo ugunduzi wa Herrium ambayo ni nyingi,ulinzi wa misitu yetu ambayo tunaweza kunufaika na biashara ya hewa ukaa na kuwataka Waandishi wa habari kuibeba ajenda hiyo Kwa uzito mkubwa Ili urithi wetu wa kitamaduni uweze kuendelea kutunufaisha.



Amedai kuwa mkoa wa Rukwa una Raslimali nyingi za kitamaduni ambazo ni urithi wetu ambazo hazijatangazwa vya kutosha na kuomba mafunzo haya yawe Chachu Kwa Wanahabari kuhakikisha wanatangaza vitu vyote ambavyo ni Raslimali yetu ya kitamaduni zijulikane kote Duniani na kuwa hiyo ndiyo njia pekee tunayoweza kunufaika na Raslimali hizo za kitamaduni.

Wanahabari Kwa upande wao wamesema kwamba wameibeba hiyo kama ajenda na kuomba Serikali kutoa ushirikiano wa kutosha katika utekelezaji wa jukumu Hilo muhimu na kuwa Wana Imani kuwa jambo Hilo litatekelezeka vizuri.



Nyagazi George na Baraka Lusajo wameishukuru TAMCODE Kwa kushirikiana na UNESCO Kwa mafunzo hayo na kuwa watakwenda kuwa Waalimu Kwa Waandishi wengine ambao hawajahapata mafunzo hayo na kuwa na ajenda Moja ya kuuhamasisha urithi wa Utamaduni usioshikika.

Mafunzo hayo yamewashirikisha Waandishi wa habari wa radio jamii zote za mkoa Rukwa,Magazeti,TV,Bloggers,Online Media na mitandao mbalimbali ya kijamii.



Comments

Post a Comment

Popular posts from this blog

KAEGELE NA KAZUKAMWE WAIBUKA KIDEDEA KURA ZA MAONI CCM WILAYANI NKASI

Image
Na Israel Mwaisaka, Nkasi ‎ ‎Salum Kazukamwe na Moses Kaegele wameshinda katika Kura za maoni za kuwania Ubunge katika Majimbo mawili ya Nkasi Kaskazini na kusini yanayounda wilaya Nkasi ‎ ‎Akitoa taarifa juu ya zoezi zima la upigaji wa Kura za maoni lililofanyika Jana katibu wa CCM wilaya Nkasi Anastazia Almasi amesema kuwa wilaya Nkasi inaundwa na Majimbo mawili ya Uchaguzi na makada 10 wa CCM walifanikiwa kuingia katika kinyang'anyiro hicho na wawili hao kupenya kuweza kupeperusha bendera ya CCM kwenye uchaguzi mkuu unaotarajia kufanyika Oktoba 29,2025.. ‎ ‎Amesema kuwa kwa upande wa Jimbo la Nkasi Kaskazini Salumu Kazukamwe ameshinda kwa kupata Kura 2956 akifuatiwa na John Sichilima aliyepata kura 1471, Jonas Kifunda 560, Thomas Kalunga kura 320 na wa mwisho Ni David Siame aliyeambulia 137. ‎ ‎Kwa upande wa Jimbo la Nkasi kusini Moses Kaegele ameshinda kwa kupata Kura 3028 akifuatiwa na Vicent Mbogo aliyepata 1,623, Evarist Christopher Mwanansao Kura 465,Desderius Mipata Ku...
Read more

DIWANI KATA YA KALA AFARIKI DUNIA KWA UGONJWA WA KIHARUSI

Image
Na Israel Mwaisaka,Nkasi ‎DIWANI wa kata ya kala Wilayani Nkasi Privatus Yoramu (CCM) amefariki Dunia baada ya kuugua kwa muda mfupi . ‎ ‎Kwa mujibu wa taarifa iliyotolewa jana na Mwenyekiti wa halmashauri ya Wilaya Nkasi Richard Maasai ni kuwa tukio hilo limetokea Juzi jumatano majira ya saa 12 jioni wakati akipatiwa matibabu katika hospitali ya mkoa Rukwa. ‎ ‎Amesema kuwa marehemu amefariki kutokana na ugonjwa wa kiharusi na ugonjwa huo aliupata kutokana na ugonjwa uliokuwa umempata wa shinikizo la juu la damu (Pressure) na kupelekea mishipa ya damu kupasuka na hatimaye kupata ugonjwa wa Kiharusi uliopelelea umauti wake. ‎ ‎Mwenyekiti huyo wa halmashauri amefafanua kuwa majuzi aliongoza kikao Cha kamati ya elimu na afya kama Mwenyekiti na akiwa katika kikao hicho alizidiwa na ugonjwa na kukimbizwa katika hospitali ya Wilaya Nkasi ambapo alipewa huduma ya awali na kukimbizwa katika hospitali ya mkoa kwa matibabu zaidi . ‎ ‎Na amedai kuwa mazishi ya Diwani huyo yatafanyika kesho jumam...
Read more

Mke wa Mchungaji wa kanisa la EAGT ajinyonga akihofia deni lake la fedha za kanisa

Image
Na Israel Mwaisaka,Nkasi ‎ ‎Mwanamke aliyefahamika kwa jina la Joyce Baton Mwasumbi mkazi wa Kijiji Cha Kanazi wilayani Nkasi amefariki dunia baada ya kujinyonga kwa kutumia kanga chumbani kwake. ‎ ‎Akizungumzia tukio hilo Mwenyekiti wa Kijiji Cha Kanazi Rudis Ulaya amesema kuwa tukio la Mwanamke huyo ambaye ni mke wa Mchungaji wa kanisa la EAGT kujinyonga limetokea leo Jumatano Disemba 24,2025 majira ya saa 2 asubuhi baada ya Mumewe ambaye ni mchungaji kwenda kanisani kupalilia pembeni mwa jengo la kanisa hilo. ‎ ‎Amesema kuwa wakati Mumewe ambaye ni Mchungaji akiendelea na jukumu lake kanisani mkewe aliutumia mwanya huo kujitundika kwa kutumia kitenge na muda mfupi Mumewe aliingia chumbani huko na kumkuta Mkewe akiwa amejitundika juu huku akitapatapa kufa ndipo alipochukua kisu na kukikata kitenge hicho kwa lengo la kuokoa uhai wake lakini muda mfupi alipoteza maisha ‎ ‎Mwenyekiti huyo wa Kijiji amefafanua kuwa baada ya yeye kumhoji Mume wa marehemu Mchungaji Ibrahimu Mwaipopo alid...
Read more