TANLAP- yawajengea uwezo Waandishi na Watangazaji kuhakikisha jamii inashiriki uchaguzi serikali za mitaa




Na Israel Mwaisaka,Dodoma

VYOMBO vya habari Nchini vinategemewa Kwa kiasi kikubwa katika kuuelimisha Umma na kutoa taarifa mbalimbali za uchaguzi wa serikali za mitaa ili kuhakikisha jamii inashiriki ipasavyo kwenye uchaguzi huo Ili kuweza kupata viongozi sahihi watakaowahudumia Wananchi katika ngazi ya serikali za mitaa.

Hayo yamesemwa na ofisa katika ofisi ya msemaji mkuu wa serikali Zamaradi Kawawa kwenye ufunguzi wa mafunzo Kwa Waandishi wa habari yaliyoandaliwa na shirika lisilokuwa la kiserikali TANLAP kwenye ukumbi wa African Dreams Jijini Dodoma yanayolenga kuwajengea uwezo Waandishi wa habari juu ya umuhimu wa Wananchi kushiriki kwenye uchaguzi wa serikali za mitaa unatarajia kufanyika Desemba 27,2024.

Amesema kuwa vyombo vya habari kama vitatimiza wajibu wao vyema vitaisaidia jamii kuhakikisha kuwa inashiriki katika Kila hatua ya uchaguzi huo na kuwa jamii yenyewe ikiuelewa vyema mchakato na umuhimu wa uchaguzi huo Kila mtu atashiriki ipasavyo.

Kawawa alidai kuwa wao kama serikali wameona namna ambavyo vyombo vya habari vilivyotoa hamasa ya Watu kujitokeza kujiandikisha kwenye daftari la mkazi ambalo litawawezesha kushiriki kwenye uchaguzi na kuwa nguvu hiyo iliyotumika ikiendelea itawafanya Watu kujitokeza siku ya kupiga kura.





Awali mkurugenzi wa TANLAP Christina Ruhinda alidai kuwa mafunzo haya yametanguliwa na mafunzo Kwa Wasaidizi wa kisheria wapatao 225 na kuwa lengo la mafunzo hayo ni kutaka kuona namna ambavyo Watu walijitokeza kujiandikisha ndivyo wajitokeze kupiga kura Kwa wingi.

Alidai kuwa Waandishi wa habari Kwa kushirikiana na Taasisi zisizokuwa za kiserikali zilizopewa vibali vya kutoa elimu wakijenga umoja itasaidia Kwa kiasi kikubwa jamii kupata uelewa mkubwa juu ya umuhimu wa ushiriki kwenye uchaguzi wa serikali za mitaa baada ya kupata uelewa wa kutosha.


Amefafanua kuwa mradi Huu umelenga kuwasaidia Watu wa makundi mbalimbali ya Wanawake,Vijana na Walemavu katika kuona kwamba Kila mmoja anashiriki ipasavyo kwenye uchaguzi huo wa Serikali za mitaa.

Katika mafunzo hayo Waandishi wa habari na Watangazaji walikumbushwa kanuni mbalimbali za uandishi na utangazaji na kubwa ni kuhakikisha kuwa Kila kinacholipotiwa kinachochea amani na utulivu.


Comments

Post a Comment

Popular posts from this blog

KAEGELE NA KAZUKAMWE WAIBUKA KIDEDEA KURA ZA MAONI CCM WILAYANI NKASI

Image
Na Israel Mwaisaka, Nkasi ‎ ‎Salum Kazukamwe na Moses Kaegele wameshinda katika Kura za maoni za kuwania Ubunge katika Majimbo mawili ya Nkasi Kaskazini na kusini yanayounda wilaya Nkasi ‎ ‎Akitoa taarifa juu ya zoezi zima la upigaji wa Kura za maoni lililofanyika Jana katibu wa CCM wilaya Nkasi Anastazia Almasi amesema kuwa wilaya Nkasi inaundwa na Majimbo mawili ya Uchaguzi na makada 10 wa CCM walifanikiwa kuingia katika kinyang'anyiro hicho na wawili hao kupenya kuweza kupeperusha bendera ya CCM kwenye uchaguzi mkuu unaotarajia kufanyika Oktoba 29,2025.. ‎ ‎Amesema kuwa kwa upande wa Jimbo la Nkasi Kaskazini Salumu Kazukamwe ameshinda kwa kupata Kura 2956 akifuatiwa na John Sichilima aliyepata kura 1471, Jonas Kifunda 560, Thomas Kalunga kura 320 na wa mwisho Ni David Siame aliyeambulia 137. ‎ ‎Kwa upande wa Jimbo la Nkasi kusini Moses Kaegele ameshinda kwa kupata Kura 3028 akifuatiwa na Vicent Mbogo aliyepata 1,623, Evarist Christopher Mwanansao Kura 465,Desderius Mipata Ku...
Read more

DIWANI KATA YA KALA AFARIKI DUNIA KWA UGONJWA WA KIHARUSI

Image
Na Israel Mwaisaka,Nkasi ‎DIWANI wa kata ya kala Wilayani Nkasi Privatus Yoramu (CCM) amefariki Dunia baada ya kuugua kwa muda mfupi . ‎ ‎Kwa mujibu wa taarifa iliyotolewa jana na Mwenyekiti wa halmashauri ya Wilaya Nkasi Richard Maasai ni kuwa tukio hilo limetokea Juzi jumatano majira ya saa 12 jioni wakati akipatiwa matibabu katika hospitali ya mkoa Rukwa. ‎ ‎Amesema kuwa marehemu amefariki kutokana na ugonjwa wa kiharusi na ugonjwa huo aliupata kutokana na ugonjwa uliokuwa umempata wa shinikizo la juu la damu (Pressure) na kupelekea mishipa ya damu kupasuka na hatimaye kupata ugonjwa wa Kiharusi uliopelelea umauti wake. ‎ ‎Mwenyekiti huyo wa halmashauri amefafanua kuwa majuzi aliongoza kikao Cha kamati ya elimu na afya kama Mwenyekiti na akiwa katika kikao hicho alizidiwa na ugonjwa na kukimbizwa katika hospitali ya Wilaya Nkasi ambapo alipewa huduma ya awali na kukimbizwa katika hospitali ya mkoa kwa matibabu zaidi . ‎ ‎Na amedai kuwa mazishi ya Diwani huyo yatafanyika kesho jumam...
Read more

Mke wa Mchungaji wa kanisa la EAGT ajinyonga akihofia deni lake la fedha za kanisa

Image
Na Israel Mwaisaka,Nkasi ‎ ‎Mwanamke aliyefahamika kwa jina la Joyce Baton Mwasumbi mkazi wa Kijiji Cha Kanazi wilayani Nkasi amefariki dunia baada ya kujinyonga kwa kutumia kanga chumbani kwake. ‎ ‎Akizungumzia tukio hilo Mwenyekiti wa Kijiji Cha Kanazi Rudis Ulaya amesema kuwa tukio la Mwanamke huyo ambaye ni mke wa Mchungaji wa kanisa la EAGT kujinyonga limetokea leo Jumatano Disemba 24,2025 majira ya saa 2 asubuhi baada ya Mumewe ambaye ni mchungaji kwenda kanisani kupalilia pembeni mwa jengo la kanisa hilo. ‎ ‎Amesema kuwa wakati Mumewe ambaye ni Mchungaji akiendelea na jukumu lake kanisani mkewe aliutumia mwanya huo kujitundika kwa kutumia kitenge na muda mfupi Mumewe aliingia chumbani huko na kumkuta Mkewe akiwa amejitundika juu huku akitapatapa kufa ndipo alipochukua kisu na kukikata kitenge hicho kwa lengo la kuokoa uhai wake lakini muda mfupi alipoteza maisha ‎ ‎Mwenyekiti huyo wa Kijiji amefafanua kuwa baada ya yeye kumhoji Mume wa marehemu Mchungaji Ibrahimu Mwaipopo alid...
Read more