Polisi Rukwa wazindua kampeni ya "Tuwaambie kabla hawajaharibiwa" ili kuleta chachu ya mabadiliko katika jamii na kupambana na vitendo vya ukatili



Na Israel Mwaisaka,Rukwa

JESHI la Polisi mkoani Rukwa Jana limezindua kampeni ya "Tuwaambie kabla hawajaharibiwa " yenye lengo la kuwalinda vijana dhidi ya changamoto mbalimbali zinazoweza kuathiri fikra na tabia zao.

Uzinduzi huo uliofanyika wilayani Nkasi na mkuu wa wilaya Peter Lijualikali kuwa mgeni rasmi ulienda sambamba na kutoka elimu katika mada mbalimbali ikiwemo ya ukatili wa kijinsia,Dawati la jinsia na Watoto maana na kazi zake,Uzalendo na tunu ya taifa,ukatili wa kijinsia Kwa njia ya mtandao ikiwa ni pamoja na rushwa ya ngono..

Akitoa taarifa juu ya mpango huo kamanda wa Polisi mkoani Rukwa ( SACP) Shadrack Masija alisema kuwa mpango huo umelenga kuwa msingi wa kuzuia vitendo vya ukatili na unyanyasaji katika jamii ya Tanzania .

Alisema kuwa kampeni hii imelenga zaidi kuwasaidia Wanafunzi waliopo shule za Sekondari,vyuo vya kati na vyuo vikuu ili kuwa na uwezo wa kukabiliana na changamoto zinazowakumba pale wanapoanza masomo yao na ukichukulia kwamba katika umri huo ukutana na mabadiliko mbalimbali ya kimwili na kuwa kampeni hiyo itasaidia kuweza kupunguza mihemko ya vijana na kuwa salama .



Alidai kuwa kampeni hiyo Kwa kiasi kikubwa inalenga kuwa msingi wa kuzuia vitendo vya ukatili na unyanyasaji ikiwa ni pamoja na kuwajenga kiakili na kitabia Ili waweze kuepuka athari mbaya za mazungira wanayokutana nayo.

Akizindua rasmi kampeni hiyo mkuu wa wilaya Nkasi Peter Lijualikali alisisitiza umuhimu wa kushirikiana na Jeshi la Polisi kupitia kamisheni ya Polisi jamii na Dawati la jinsia na Watoto huku akiwataka Wanafunzi na Wazazi kuunga mkono jitihada hizi Ili kuweza kuyafikia malengo yaliyowekwa katika kampeni hiyo ya kuhakikisha vijana wote wanakua salama.

Alisema kuwa serikali imekuwa katika jitihada mbalimbali za kuwalinda vijana na Watoto Kwa kutunga Sheria Kali na mambo mengine mengi na kuwa kampeni hii ya Polisi ya " Waambie kabla hawajaharibiwa" inakwenda kuongeza Chachu ya mapambano hayo na kutaka Kila mmoja serikali katika nafasi yake kuunga mkono jitihada hizo Ili kuweza kukabiliana na vitendo vya ukatili katika jamii yetu.



Awali mkuu wa Dawati la jinsia na Watoto mrakibu msaidizi wa Polisi (ACP) Faustina Mwakapangala alisema kuwa kampeni hiyo "Tuwaambie kabla Hawajaharibiwa"inatarajia kuwa na Chachu ya mabadiliko katika jamii Kwa kuwajenga Wanafunzi na vijana ujasiri wa kukabiliana na changamoto zinazowakabili huku ililenga kuleta matokeo chanya Kwa vizazi vijavyo.

Alidai kuwa kampeni hii kitaifa ilizunduliwa mkoani Njombe Agosti 29,2024 na wao wanaungana na Jeshi Hilo kitaifa kwa uzinduzi wa kampeni hii mkoani Rukwa ni Moja ya mikakati ya kuwalinda vijana na kuepuka vitendo vya ukatili vinavyowazunguka kulingana na umri wao wenye mihemuko mingi



Aidha mkuu wa Dawati la jinsia na Watoto wilaya Nkasi Mkaguzi msaidizi wa Polisi Atupele Mwakaliku pamoja na afisa wa Polisi jamii mkoa Rukwa kamishina msaidizi wa Polisi Zacharia Bura walidai kuwa mahudhurio makubwa ya Watu kwenye uzinduzi wa kampeni hiyo ni ishara ya mapokeo mazuri na kuwa jamii itatoa ushirikiano wa kutosha na kuwepo Kwa uhakika wa kukabiliana na vitendo vya ukatili na kuwepo Kwa maadili mema Kwa vijana .



Walisema kuwa vita hiyo ni kubwa lakini itakua nyepesi kama Kila mmoja katika nafasi yake atawajibika ipasavyo hasa Kwa kuondoa ukimya Kwa vijana na kuwaanbia ukweli vitu wasivyostahili kuvifanya katika umri wao Bali wasubiri wakati na Kwa kufanya hivyo kutawafanya vijana kuwa salama na kuzifikia ndoto walizonazo katika maisha yao.

Comments

Post a Comment

Popular posts from this blog

KAEGELE NA KAZUKAMWE WAIBUKA KIDEDEA KURA ZA MAONI CCM WILAYANI NKASI

Image
Na Israel Mwaisaka, Nkasi ‎ ‎Salum Kazukamwe na Moses Kaegele wameshinda katika Kura za maoni za kuwania Ubunge katika Majimbo mawili ya Nkasi Kaskazini na kusini yanayounda wilaya Nkasi ‎ ‎Akitoa taarifa juu ya zoezi zima la upigaji wa Kura za maoni lililofanyika Jana katibu wa CCM wilaya Nkasi Anastazia Almasi amesema kuwa wilaya Nkasi inaundwa na Majimbo mawili ya Uchaguzi na makada 10 wa CCM walifanikiwa kuingia katika kinyang'anyiro hicho na wawili hao kupenya kuweza kupeperusha bendera ya CCM kwenye uchaguzi mkuu unaotarajia kufanyika Oktoba 29,2025.. ‎ ‎Amesema kuwa kwa upande wa Jimbo la Nkasi Kaskazini Salumu Kazukamwe ameshinda kwa kupata Kura 2956 akifuatiwa na John Sichilima aliyepata kura 1471, Jonas Kifunda 560, Thomas Kalunga kura 320 na wa mwisho Ni David Siame aliyeambulia 137. ‎ ‎Kwa upande wa Jimbo la Nkasi kusini Moses Kaegele ameshinda kwa kupata Kura 3028 akifuatiwa na Vicent Mbogo aliyepata 1,623, Evarist Christopher Mwanansao Kura 465,Desderius Mipata Ku...
Read more

DIWANI KATA YA KALA AFARIKI DUNIA KWA UGONJWA WA KIHARUSI

Image
Na Israel Mwaisaka,Nkasi ‎DIWANI wa kata ya kala Wilayani Nkasi Privatus Yoramu (CCM) amefariki Dunia baada ya kuugua kwa muda mfupi . ‎ ‎Kwa mujibu wa taarifa iliyotolewa jana na Mwenyekiti wa halmashauri ya Wilaya Nkasi Richard Maasai ni kuwa tukio hilo limetokea Juzi jumatano majira ya saa 12 jioni wakati akipatiwa matibabu katika hospitali ya mkoa Rukwa. ‎ ‎Amesema kuwa marehemu amefariki kutokana na ugonjwa wa kiharusi na ugonjwa huo aliupata kutokana na ugonjwa uliokuwa umempata wa shinikizo la juu la damu (Pressure) na kupelekea mishipa ya damu kupasuka na hatimaye kupata ugonjwa wa Kiharusi uliopelelea umauti wake. ‎ ‎Mwenyekiti huyo wa halmashauri amefafanua kuwa majuzi aliongoza kikao Cha kamati ya elimu na afya kama Mwenyekiti na akiwa katika kikao hicho alizidiwa na ugonjwa na kukimbizwa katika hospitali ya Wilaya Nkasi ambapo alipewa huduma ya awali na kukimbizwa katika hospitali ya mkoa kwa matibabu zaidi . ‎ ‎Na amedai kuwa mazishi ya Diwani huyo yatafanyika kesho jumam...
Read more

Mke wa Mchungaji wa kanisa la EAGT ajinyonga akihofia deni lake la fedha za kanisa

Image
Na Israel Mwaisaka,Nkasi ‎ ‎Mwanamke aliyefahamika kwa jina la Joyce Baton Mwasumbi mkazi wa Kijiji Cha Kanazi wilayani Nkasi amefariki dunia baada ya kujinyonga kwa kutumia kanga chumbani kwake. ‎ ‎Akizungumzia tukio hilo Mwenyekiti wa Kijiji Cha Kanazi Rudis Ulaya amesema kuwa tukio la Mwanamke huyo ambaye ni mke wa Mchungaji wa kanisa la EAGT kujinyonga limetokea leo Jumatano Disemba 24,2025 majira ya saa 2 asubuhi baada ya Mumewe ambaye ni mchungaji kwenda kanisani kupalilia pembeni mwa jengo la kanisa hilo. ‎ ‎Amesema kuwa wakati Mumewe ambaye ni Mchungaji akiendelea na jukumu lake kanisani mkewe aliutumia mwanya huo kujitundika kwa kutumia kitenge na muda mfupi Mumewe aliingia chumbani huko na kumkuta Mkewe akiwa amejitundika juu huku akitapatapa kufa ndipo alipochukua kisu na kukikata kitenge hicho kwa lengo la kuokoa uhai wake lakini muda mfupi alipoteza maisha ‎ ‎Mwenyekiti huyo wa Kijiji amefafanua kuwa baada ya yeye kumhoji Mume wa marehemu Mchungaji Ibrahimu Mwaipopo alid...
Read more