BAADA YA KUNUFAIKA NA ZAO LA UFUTA SONGWE SASA KUANZA NA KILIMO CHA MBAAZI.




Na Ibrahim Yassin,Songwe

WANANCHI jamii ya wakulima wilayani Songwe mkoani hapa kuanza kunufaika na kilimo cha zao la mbaazi baada ya kupata Bilioni 31 kwenye zao la ufuta kupitia mfumo wa stakabadhi gharani huku halmashauri ikipata Bil,1 za ushuru.

Asilimia 75 ya wananchi wa Songwe wanaendesha maisha yao ya kila siku kwa kutegemea kilimo,ufugaji,uchimbaji madini na uvuvi,hivyo mpango wa serikali kupitia halmashauri hiyo kuwawezesha mbegu na pembejeo kumeongeza chachu ya kilimo chenye tija.

Ili kuendana na kasi ya serikali ya Rais Dkt,Samia ya kuwapaisha kimasha wananchi kupitia kilimo,hatimaye halmashauri ya Songwe ilienda kujifunza kilimo bora cha mbaazi huku ikijipanga kuongeza bajeti kwenye ununuzi wa mbegu na kuwagawia wakulima.

Afisa kilimo wilayani Songwe Iddy Ramadhani alisema sababu kubwa ya wakulima kupata fedha nyingi ni kutokana na Rais Dkt,Samia kuwawezesha mafunzo na vitendea kazi zikiwemo pikipiki maafisa kilimo ambao wameweza kuwatembelea wakulima na kuwapa ushauri.

Alisema mfumo wa stakabadhi ghalani umewawezesha wakulima kuuza mazao likiwemo zao la Ufuta kwa bei nzuri huku usalama wa fedha zao ukiimalika kwa kuwa wanaingiziwa kwenye akaunti zao za benki.



Mkurugenzi mtendaji wa halmashauri ya wilaya hiyo,Secilia Kavishe,alisema licha ya wilaya hiyo kuwa ni ya kimadini walianzisha mfumo wa stakabadhi ghalani na kuwawezesha wakulima kuwapa mbegu bure na hivi sasa baada ya kujifunza kilimo cha mom wanatarajia kuwapa mashamba na mbegu ili waanze kulima.

Aliongeza kuwa mwaka 2022/2023 walizalisha kilo 7,556,510 za ufuta ambapo mikopo ilitolewa zaidi ya Tsh,200,000,000 kutoka benki,katika mauzo hayo,halmashauri ilipata ushuru Tsh,792,291,513 huku wakipata Tsh, Bilioni.28.

Alisema msimu wa mwaka 2023/2024 uzalishaji ulikuwa kilo 8,361,797 mikopo yenye thamani ya Tsh,Bilioni 3.4 ilitolewa na benki,katika mauzo ya ufuta halmashauri ilikusanya ushuru Tsh,969,334,065,vyama vya ushirika (AMCOS) vilipata Tsh,585,334,065 na fedha ya wakulima ilikuwa Tsh,31,365,137,633.

Amesema katika msimu huu kuna mazao mengine likiwemo zao la mbaazi litaingizwa kwenye mfumo wa stakabadhi ghalani kwani walienda wilaya ya Babati na Hanang kujifunza,kwa sasa wapo kutoa elimu na watagawa mbegu na mashamba watu walime.



Mkuu wa wilaya hiyo,Solomon Itunda alisema wilaya ya Songwe kwa sasa imetulia vijana wamejikita kwenye uzalishaji mali ikiwemo kilimo huku halmashauri ikiwawezesha mbegu bora na kwamba mkakati uliopo ni kuhamasisha wakulima wengi kujiunga kwenye vyama vya ushirika.

Alisema kupitia mfumo wa stakabadhi gharani halmashauri ilipata ushuru wa Bilioni 1 wakulima Bilioni 31 na kuwa  hicho ni chanzo muhimu kinachotakiwa kutilia mkazo huku akifurahia ushirikiano mzuri uliopo baina yake na viongozi wengine.


Akizungumza kwaniaba ya wakulima wengine,Anastazia Kalinga mkazi wa kijiji cha Patamela alisema yeye ni mmoja wa wanufaika wa zao hilo na pia ameweza kupelekwa kujifunza kilimo bora na halma shauri mkoani Morogoro hivyo ombi lao kuu ni kuwahishiwa mbegu na pembejeo mapema.


Comments

Post a Comment

Popular posts from this blog

KAEGELE NA KAZUKAMWE WAIBUKA KIDEDEA KURA ZA MAONI CCM WILAYANI NKASI

Image
Na Israel Mwaisaka, Nkasi ‎ ‎Salum Kazukamwe na Moses Kaegele wameshinda katika Kura za maoni za kuwania Ubunge katika Majimbo mawili ya Nkasi Kaskazini na kusini yanayounda wilaya Nkasi ‎ ‎Akitoa taarifa juu ya zoezi zima la upigaji wa Kura za maoni lililofanyika Jana katibu wa CCM wilaya Nkasi Anastazia Almasi amesema kuwa wilaya Nkasi inaundwa na Majimbo mawili ya Uchaguzi na makada 10 wa CCM walifanikiwa kuingia katika kinyang'anyiro hicho na wawili hao kupenya kuweza kupeperusha bendera ya CCM kwenye uchaguzi mkuu unaotarajia kufanyika Oktoba 29,2025.. ‎ ‎Amesema kuwa kwa upande wa Jimbo la Nkasi Kaskazini Salumu Kazukamwe ameshinda kwa kupata Kura 2956 akifuatiwa na John Sichilima aliyepata kura 1471, Jonas Kifunda 560, Thomas Kalunga kura 320 na wa mwisho Ni David Siame aliyeambulia 137. ‎ ‎Kwa upande wa Jimbo la Nkasi kusini Moses Kaegele ameshinda kwa kupata Kura 3028 akifuatiwa na Vicent Mbogo aliyepata 1,623, Evarist Christopher Mwanansao Kura 465,Desderius Mipata Ku...
Read more

DIWANI KATA YA KALA AFARIKI DUNIA KWA UGONJWA WA KIHARUSI

Image
Na Israel Mwaisaka,Nkasi ‎DIWANI wa kata ya kala Wilayani Nkasi Privatus Yoramu (CCM) amefariki Dunia baada ya kuugua kwa muda mfupi . ‎ ‎Kwa mujibu wa taarifa iliyotolewa jana na Mwenyekiti wa halmashauri ya Wilaya Nkasi Richard Maasai ni kuwa tukio hilo limetokea Juzi jumatano majira ya saa 12 jioni wakati akipatiwa matibabu katika hospitali ya mkoa Rukwa. ‎ ‎Amesema kuwa marehemu amefariki kutokana na ugonjwa wa kiharusi na ugonjwa huo aliupata kutokana na ugonjwa uliokuwa umempata wa shinikizo la juu la damu (Pressure) na kupelekea mishipa ya damu kupasuka na hatimaye kupata ugonjwa wa Kiharusi uliopelelea umauti wake. ‎ ‎Mwenyekiti huyo wa halmashauri amefafanua kuwa majuzi aliongoza kikao Cha kamati ya elimu na afya kama Mwenyekiti na akiwa katika kikao hicho alizidiwa na ugonjwa na kukimbizwa katika hospitali ya Wilaya Nkasi ambapo alipewa huduma ya awali na kukimbizwa katika hospitali ya mkoa kwa matibabu zaidi . ‎ ‎Na amedai kuwa mazishi ya Diwani huyo yatafanyika kesho jumam...
Read more

Mke wa Mchungaji wa kanisa la EAGT ajinyonga akihofia deni lake la fedha za kanisa

Image
Na Israel Mwaisaka,Nkasi ‎ ‎Mwanamke aliyefahamika kwa jina la Joyce Baton Mwasumbi mkazi wa Kijiji Cha Kanazi wilayani Nkasi amefariki dunia baada ya kujinyonga kwa kutumia kanga chumbani kwake. ‎ ‎Akizungumzia tukio hilo Mwenyekiti wa Kijiji Cha Kanazi Rudis Ulaya amesema kuwa tukio la Mwanamke huyo ambaye ni mke wa Mchungaji wa kanisa la EAGT kujinyonga limetokea leo Jumatano Disemba 24,2025 majira ya saa 2 asubuhi baada ya Mumewe ambaye ni mchungaji kwenda kanisani kupalilia pembeni mwa jengo la kanisa hilo. ‎ ‎Amesema kuwa wakati Mumewe ambaye ni Mchungaji akiendelea na jukumu lake kanisani mkewe aliutumia mwanya huo kujitundika kwa kutumia kitenge na muda mfupi Mumewe aliingia chumbani huko na kumkuta Mkewe akiwa amejitundika juu huku akitapatapa kufa ndipo alipochukua kisu na kukikata kitenge hicho kwa lengo la kuokoa uhai wake lakini muda mfupi alipoteza maisha ‎ ‎Mwenyekiti huyo wa Kijiji amefafanua kuwa baada ya yeye kumhoji Mume wa marehemu Mchungaji Ibrahimu Mwaipopo alid...
Read more