Wanakijiji wajitolea kujenga jengo la kujifungulia kina Mama kuhepuka vifo pingamizi vya uzazi kufuata huduma kilometa 8



Na Ibrahim Yassin.Songwe.

WANANCHI 1235 wa vitongoji 4 vya kijiji cha Mpapa kata ya Mpapa bonde la Kamsamba wilayani Momba mkoani Songwe wamechangishana fedha kujenga jengo la mama na mtoto kuhepuka vifo wakitembea kilometa 8 hadi kituo cha afya Kam samba.

Asilimia 80 ya wakazi vitongoji hivyo 4 vya Namaimba,Chinyuwanda,Nambizo na Mpapa kati wanaendesha maisha yao wakitegemea kilimo na ufugaji huku wakikabiliwa na changamoto nyingi ikiwemo ukosefu wa huduma hiyo.

Ukosefu wa huduma hiyo ya jengo la mama na mtoto kulipelekea akina mama kutembea umbali huo hadi Kamsamba kufuata huduma ya kujifun gua huku wengi wao wakijifungulia njiani hasa nyakati za usiku.

Hayo wameyasema leo August 17/2024 katika mkutano wa hadhara ulioitishwa na mdau wa maendeleo na mkulima bora wa bonde la Kamsam ba uliolenga kuwaunganisha wakulima uliofanyika makao makuu ya kata ya Mpapa.

Lengo la kuwaunganisha wakulima ni kutaka kuwa na umoja wao ili kuhepuka kudalaliwa na viongozi wa kisiasa wanaowahujumu kwa kivuli cha stakabadhi gahalani huku shehena za ufuta zikisafirishwa bandarini wakulima wakiwa hoi kiuchumi.

Fumbo Sichalwe mkazi wa Mpapa amesema kero hiyo imewaumiza muda mrefu na kupokea mapen dekezo na ushauri wa kujenga jengo hilo toka kwa Abdul Ntilo mkulima bora.

Willehelledy Kashampamba mwenyekiti wa CHADEMA kata ya Mpapa amesema alipopata taarifa juu ya kuchangia hakusita kwani aliona jinsi akina mama wanavyopata shida na kwamba kukamilika kwa mradi huo wataondokana na kadhia hiyo.




Akizungumzia mikakati ya jengo hilo afisa mtendaji wa kijiji cha Mpapa Joseph Nsalamba amesema akina mama wameteseka vya kutosha na sasa watapata huduma za mama na mtoto kwenye zahanati hiyo kwani ujenzi utakamilika muda mfupi.

Amesema katika zahanati hiyo chumba cha kujifungulia kipo kimoja hivyo kinazidiwa na jengo jipya litakuwa na vyumba 3 chumba cha kujifungulia, kupumzikia mjamzito, stoo na sehemu ya kukaa muuguzi.

Amesema hadi sasa kiasi cha Tsh. Milioni 3 zitokanazo na michango ya wananchi zimetumika na ujenzi upo hatua ya renta huku wakiomba wadau wawape sapoti kwa ajili ya umaliziaji.

Mkulima bora wa bonde hilo la Kamsamba Abdul Ntilo alipotembelea jengo hilo alisifu maamuzi ya wananchi huku akitoa Tsh,200.000 kusaidia ujenzi na kuahidi kutafuta wadau watakaosaidia kupiga ripu.

Ntilo ambaye mwaka 2020 aligombea udiwani wa kata hiyo ya Mpapa kupitia Chadema amesema maendeleo hayana vyama hivyo aliwataka wadau pasipo kujali vyama waungane kutatua changamoto za kina mama na za wilaya kwa ujumla.

" Maendeleo hayana chama ,mimi ni Chadema lialia lakini linapokuja suala la maendeleo tuweke vyama pembeni tuchape kazi, nafahamu jinsi wak ukima walivyotumika kama daraja la wanasiasa tukiunda umoja hilo litakwisha" amesema.


Comments

Post a Comment

Popular posts from this blog

KAEGELE NA KAZUKAMWE WAIBUKA KIDEDEA KURA ZA MAONI CCM WILAYANI NKASI

Image
Na Israel Mwaisaka, Nkasi ‎ ‎Salum Kazukamwe na Moses Kaegele wameshinda katika Kura za maoni za kuwania Ubunge katika Majimbo mawili ya Nkasi Kaskazini na kusini yanayounda wilaya Nkasi ‎ ‎Akitoa taarifa juu ya zoezi zima la upigaji wa Kura za maoni lililofanyika Jana katibu wa CCM wilaya Nkasi Anastazia Almasi amesema kuwa wilaya Nkasi inaundwa na Majimbo mawili ya Uchaguzi na makada 10 wa CCM walifanikiwa kuingia katika kinyang'anyiro hicho na wawili hao kupenya kuweza kupeperusha bendera ya CCM kwenye uchaguzi mkuu unaotarajia kufanyika Oktoba 29,2025.. ‎ ‎Amesema kuwa kwa upande wa Jimbo la Nkasi Kaskazini Salumu Kazukamwe ameshinda kwa kupata Kura 2956 akifuatiwa na John Sichilima aliyepata kura 1471, Jonas Kifunda 560, Thomas Kalunga kura 320 na wa mwisho Ni David Siame aliyeambulia 137. ‎ ‎Kwa upande wa Jimbo la Nkasi kusini Moses Kaegele ameshinda kwa kupata Kura 3028 akifuatiwa na Vicent Mbogo aliyepata 1,623, Evarist Christopher Mwanansao Kura 465,Desderius Mipata Ku...
Read more

DIWANI KATA YA KALA AFARIKI DUNIA KWA UGONJWA WA KIHARUSI

Image
Na Israel Mwaisaka,Nkasi ‎DIWANI wa kata ya kala Wilayani Nkasi Privatus Yoramu (CCM) amefariki Dunia baada ya kuugua kwa muda mfupi . ‎ ‎Kwa mujibu wa taarifa iliyotolewa jana na Mwenyekiti wa halmashauri ya Wilaya Nkasi Richard Maasai ni kuwa tukio hilo limetokea Juzi jumatano majira ya saa 12 jioni wakati akipatiwa matibabu katika hospitali ya mkoa Rukwa. ‎ ‎Amesema kuwa marehemu amefariki kutokana na ugonjwa wa kiharusi na ugonjwa huo aliupata kutokana na ugonjwa uliokuwa umempata wa shinikizo la juu la damu (Pressure) na kupelekea mishipa ya damu kupasuka na hatimaye kupata ugonjwa wa Kiharusi uliopelelea umauti wake. ‎ ‎Mwenyekiti huyo wa halmashauri amefafanua kuwa majuzi aliongoza kikao Cha kamati ya elimu na afya kama Mwenyekiti na akiwa katika kikao hicho alizidiwa na ugonjwa na kukimbizwa katika hospitali ya Wilaya Nkasi ambapo alipewa huduma ya awali na kukimbizwa katika hospitali ya mkoa kwa matibabu zaidi . ‎ ‎Na amedai kuwa mazishi ya Diwani huyo yatafanyika kesho jumam...
Read more

Mke wa Mchungaji wa kanisa la EAGT ajinyonga akihofia deni lake la fedha za kanisa

Image
Na Israel Mwaisaka,Nkasi ‎ ‎Mwanamke aliyefahamika kwa jina la Joyce Baton Mwasumbi mkazi wa Kijiji Cha Kanazi wilayani Nkasi amefariki dunia baada ya kujinyonga kwa kutumia kanga chumbani kwake. ‎ ‎Akizungumzia tukio hilo Mwenyekiti wa Kijiji Cha Kanazi Rudis Ulaya amesema kuwa tukio la Mwanamke huyo ambaye ni mke wa Mchungaji wa kanisa la EAGT kujinyonga limetokea leo Jumatano Disemba 24,2025 majira ya saa 2 asubuhi baada ya Mumewe ambaye ni mchungaji kwenda kanisani kupalilia pembeni mwa jengo la kanisa hilo. ‎ ‎Amesema kuwa wakati Mumewe ambaye ni Mchungaji akiendelea na jukumu lake kanisani mkewe aliutumia mwanya huo kujitundika kwa kutumia kitenge na muda mfupi Mumewe aliingia chumbani huko na kumkuta Mkewe akiwa amejitundika juu huku akitapatapa kufa ndipo alipochukua kisu na kukikata kitenge hicho kwa lengo la kuokoa uhai wake lakini muda mfupi alipoteza maisha ‎ ‎Mwenyekiti huyo wa Kijiji amefafanua kuwa baada ya yeye kumhoji Mume wa marehemu Mchungaji Ibrahimu Mwaipopo alid...
Read more