Tozo za chanjo za mifugo zazua balaa Songwe



Na Ibrahim Yassin,Songwe

WANANCHI jamii ya wafugaji kutoka bonde la Kamsamba wilayani Momba mkoani Songwe wamezikusanya risiti walizopewa baada ya kutozwa tozo za chanjo ya mifugo zilizoandikwa majina ya mikoa ya Katavi na Kigoma jiji huku wakitaka ufafanuzi.

Wananchi hao jana wamekusanya risiti hizo na kuzikabidhi kwenye mkutano wa hadhara ulioitishwa na mdau wa maendeleo na mkulima bora wa bonde hilo Abdul Ntila uliolenga kutoa elinu ya uelewa kwa wakulima kupinga wanasiasa kugeuka daraja la kuwanyonya kupitia stakabadhi gharani kwa zao la ufuta.

Awali akizungumza kwenye mkutano huo Sakala Sinkala mkazi wa Mpapa alisema wapo kwenye zoezi la kuchanja mifugo yao na wanapolipa fedha wanapewa risiti zenye majina ya mkoa wa Katavi na Kigoma jiji hivyo wanaomba sababu kwani ni bora ziandikwe jina la Momba ama mkoa wa Songwe.

Nae Samwel Silumbwe mkazi wa Mkonko alisema katika bonde hilo kuna wafugaji wengi, kima cha chini kaya moja inakuwa na ng"ombe 200 na wao wamekubali kuchanja lakini wanamashaka kama halmashauri inapigwa kutokana na risiti kusoma mikoa mingine.

" Ndugu Adbul Ntila, sisi ni wafugaji pia ni wakulima wakubwa wa ufuta, Mtama, Mahindi na mazao mengine, tumekubali kuunda umoja ili kuhepuk a baadhi ya wanasiasa wanaotumia kivuli cha stakabadhi gharani kutudalalia,lakini pokea risiti hizi waone wahusika tupate majibu" alisema.

Akijibu maombi hayo Abdul Ntila Mkulima bora na mdau wa maendeleo ambaye siku za hivi karibuni alitoa 200.000 kusaidia ujenzi jengo la kujifungulia kijiji cha Mpapa na alitoa fedha zingine kuhani msiba kijijini humo alisema majibu sahihi yatapati kana atawasilina na viongozi kujua ukweli.

" Ndugu wananchi, leo nimekuja na waandishi wa habari ili mambo yawe wazi, ujio wangu ni kuhamasisha kuunda umoja wa wakulima na kuunda vikosi vya sungusungu ili mazao na mifugo yao iwe salama baada ya kuibuka wizi licha ya suala la risiti kuibuka "amesema.


Alisema risiti zilizokusanywa hapa mezani zimeandikwa Katavi na kigoma na kwamba ufafanuzi wa jambo hili utapatikana kupitia viongozi husika kama kuna upigaji wa hela itajulikana na kuwataka wawe watulivu.

Afisa mifugo wilayani Momba Tito Eleuter Ndegela alikiri risiti hizo kutumika na kudai ni takwa la mzabuni aliyepewa tenda ya chanjo kwani baada ya kuibuka homa ya Kimeta wizara iliamua kutumia mzabuni kuendesha zoezi hilo hivyo anaweza kutumia risiti.

Alisema serikali kupitia wizara ilianzisha utaratibu huo kutibu mifugo kupitia mdhabuni mwenye kampuni ambapo Momba wanamzabuni kampuni ya LEMAS RANGING & AGROVET CO LTD yenye makao makuu Sumbawanga mkoa wa Rukwa na analipa halmashauri asilimia 0.03 ya pato analopata kupitia tozo ya chanjo hizo.

Aliongeza kuwa kama mzabuni kapewa tenda anauwezo wa kutumia risiti za kampuni yake hiyo sio mbaya ila inabidi wananchi wapatiwe elimu wasione kama wanaibiwa.

Alisema baada ya ugonjwa wa kimeta kuibuka wameamua kuichanja mifugo yote kupitia makampuni yanayotoa risiti zao wao wakichukua asilimia 0.03 ya mapato ghafi ili kuondoa maambukizi hayo licha ya kuwa wapo watu waliokumbwa na maambukizi hayo.

Alisema Zahanati ya Chuo,Kahongo na Usiche ni miongoni mwa zahanati zilizokuwa na wagonjwa wa kimeta ambapo Mwezi October 2022 ndani ya mwezi mmoja pekee wagonjwa 125 waligunduli ka kuwa na maambukizi ya ugonjwa huo.

Alisema Mwaka 2023 walitoa elimu kwa wananchi na kuendesha zoezi la chanjo ambapo watu 16 waliambukizwa na mwaka 2024 katika vijiji vya Kasano,Mpapa na Kahongo,watu 6 pekee ndiyo walioambukizwa kutoka Chitete na Naming'ng' na kwamba idadi imepungua kwa sababu ya utoaji elimu.

Aliongeza kuwa kama kuna malalamiko hayo timu ya wataalam itapita bonde zima la Kamsamba hilo kuwaelimisha wananchi jamii ya wafugaji kuhusu risiti hizo ili kuondoa sintofahamu iliyopo.



Comments

Post a Comment

Popular posts from this blog

KAEGELE NA KAZUKAMWE WAIBUKA KIDEDEA KURA ZA MAONI CCM WILAYANI NKASI

Image
Na Israel Mwaisaka, Nkasi ‎ ‎Salum Kazukamwe na Moses Kaegele wameshinda katika Kura za maoni za kuwania Ubunge katika Majimbo mawili ya Nkasi Kaskazini na kusini yanayounda wilaya Nkasi ‎ ‎Akitoa taarifa juu ya zoezi zima la upigaji wa Kura za maoni lililofanyika Jana katibu wa CCM wilaya Nkasi Anastazia Almasi amesema kuwa wilaya Nkasi inaundwa na Majimbo mawili ya Uchaguzi na makada 10 wa CCM walifanikiwa kuingia katika kinyang'anyiro hicho na wawili hao kupenya kuweza kupeperusha bendera ya CCM kwenye uchaguzi mkuu unaotarajia kufanyika Oktoba 29,2025.. ‎ ‎Amesema kuwa kwa upande wa Jimbo la Nkasi Kaskazini Salumu Kazukamwe ameshinda kwa kupata Kura 2956 akifuatiwa na John Sichilima aliyepata kura 1471, Jonas Kifunda 560, Thomas Kalunga kura 320 na wa mwisho Ni David Siame aliyeambulia 137. ‎ ‎Kwa upande wa Jimbo la Nkasi kusini Moses Kaegele ameshinda kwa kupata Kura 3028 akifuatiwa na Vicent Mbogo aliyepata 1,623, Evarist Christopher Mwanansao Kura 465,Desderius Mipata Ku...
Read more

DIWANI KATA YA KALA AFARIKI DUNIA KWA UGONJWA WA KIHARUSI

Image
Na Israel Mwaisaka,Nkasi ‎DIWANI wa kata ya kala Wilayani Nkasi Privatus Yoramu (CCM) amefariki Dunia baada ya kuugua kwa muda mfupi . ‎ ‎Kwa mujibu wa taarifa iliyotolewa jana na Mwenyekiti wa halmashauri ya Wilaya Nkasi Richard Maasai ni kuwa tukio hilo limetokea Juzi jumatano majira ya saa 12 jioni wakati akipatiwa matibabu katika hospitali ya mkoa Rukwa. ‎ ‎Amesema kuwa marehemu amefariki kutokana na ugonjwa wa kiharusi na ugonjwa huo aliupata kutokana na ugonjwa uliokuwa umempata wa shinikizo la juu la damu (Pressure) na kupelekea mishipa ya damu kupasuka na hatimaye kupata ugonjwa wa Kiharusi uliopelelea umauti wake. ‎ ‎Mwenyekiti huyo wa halmashauri amefafanua kuwa majuzi aliongoza kikao Cha kamati ya elimu na afya kama Mwenyekiti na akiwa katika kikao hicho alizidiwa na ugonjwa na kukimbizwa katika hospitali ya Wilaya Nkasi ambapo alipewa huduma ya awali na kukimbizwa katika hospitali ya mkoa kwa matibabu zaidi . ‎ ‎Na amedai kuwa mazishi ya Diwani huyo yatafanyika kesho jumam...
Read more

Mke wa Mchungaji wa kanisa la EAGT ajinyonga akihofia deni lake la fedha za kanisa

Image
Na Israel Mwaisaka,Nkasi ‎ ‎Mwanamke aliyefahamika kwa jina la Joyce Baton Mwasumbi mkazi wa Kijiji Cha Kanazi wilayani Nkasi amefariki dunia baada ya kujinyonga kwa kutumia kanga chumbani kwake. ‎ ‎Akizungumzia tukio hilo Mwenyekiti wa Kijiji Cha Kanazi Rudis Ulaya amesema kuwa tukio la Mwanamke huyo ambaye ni mke wa Mchungaji wa kanisa la EAGT kujinyonga limetokea leo Jumatano Disemba 24,2025 majira ya saa 2 asubuhi baada ya Mumewe ambaye ni mchungaji kwenda kanisani kupalilia pembeni mwa jengo la kanisa hilo. ‎ ‎Amesema kuwa wakati Mumewe ambaye ni Mchungaji akiendelea na jukumu lake kanisani mkewe aliutumia mwanya huo kujitundika kwa kutumia kitenge na muda mfupi Mumewe aliingia chumbani huko na kumkuta Mkewe akiwa amejitundika juu huku akitapatapa kufa ndipo alipochukua kisu na kukikata kitenge hicho kwa lengo la kuokoa uhai wake lakini muda mfupi alipoteza maisha ‎ ‎Mwenyekiti huyo wa Kijiji amefafanua kuwa baada ya yeye kumhoji Mume wa marehemu Mchungaji Ibrahimu Mwaipopo alid...
Read more