Mwenyekiti serikali ya Mtaa auawa kikatili akutwa kwenye ukuta wa shule




Na Ibrahim Yassin.Songwe

ALIYEKUWA mwenyekiti wa serikali ya mtaa wa Hewe kijiji cha Itepula wilayani Mbozi mkoani Songwe, Jamson Mwakitalima Mtafya (59) amekutwa ameuawa kisha mwili wake kutupwa kwenye ukuta wa shule ya msingi Ndyuda akitokea benki kutoa fedha.

Akizungumza leo August 22/2024 jirani wa marehemu huyo, Assa Kamwela alisema marehemu jana aliaga nyumbani kwake kuwa anaenda benki kutoa hela majira ya asubuhi lakini hakurudi hadi majira ya mchana alipokutwa pembezoni mwa ukuta wa shule ya msingi Nyuda akiwa amekufa.

Alisema marehemu hakuwa na ugomvi na mtu kwani aliwahi kuwa mwenyekiti wa serikali ya mtaa miaka 5 iliyopita na alikuwa mshauri mzuri kwenye jamii katika masuala mbalimbali.



Mwenyekiti wa kijiji cha Itepula Bonifasi Mkisi alisema marehemu alitoka nyumbani kwake jana saa moja asubuhi kwenda Mlowo kutoa fedha akiwa na usafiri wa pikipiki lakini siku hiyo hakurudi hadi walipomkuta kauawa na kutupwa kwenye uzio wa shule ya Ndyuda.

Alisema tukio hilo ni muendelezo wa matukio katika kijiji na kata ya Itaka kwa ujumla hivyo analiomba jeshi la polisi kuongeza kasi ya operesheni kukomesha vitendo hivyo.

Mwenyekiti huyo alipongeza kuwa kipindi hiki ni cha mavuno, watu wamelima wanauza mazao wanapoenda benki wanakuwa wanaviziwa na wezi na kuhatarisha maisha yao.



"Nilipigiwa simu kuelezwa uwepo wa tukio hili lilipofika eneo la tukio nikaukuta mwili huo ndipo nilipopiga simu polisi ambao walifika haraka na kuuchukua mwili huo na kuondoka nao hivyo kama.kijiji tunaendelea na taratibu zetu kubaini wahusika" alisema.

Kamanda wa Polisi mkoani Songwe, Augustino Senga, licha ya kukiri uwepo wa tukio hilo alisema walifika eneo la tukio majira ya saa 7 mchana na kuukuta mwili ukiwa na michubuko shingoni huku damu ikitoka puani.

Alisema uchunguzi wa awali imebainika kuwa mtu huyo aliuawa sehemu nyingine na akatupwa pembezoni mwa shule ya msingi Ndyuda na mwili huo umechukuliwa na kutunzwa kwenye chumba cha kuhifadhia maiti baada ya uchunguzi wa kitabibu kukamilika.

Aliongeza kuwa hadi sasa hakuna mtu aliyekamatwa kufuatia tukio hilo huku uchunguzi wa kuwabaini wahusika unaendelea na watachukuliwa hatua za kisheria ikiwemo kuwapeleka mahakamani pindi watakapo wakamata.

Kamanda Senga alitoa rai kwa wananchi kuacha kujichukulia sheria mkononi kwa kufanya mauaji na hata kama kuna jambo mtu kafanyiwa ni bora aende kwenye vyombo vya kisheria ili haki yake ipatikane kuliko kutoa uhai wa mtu.



"Rai yangu kama una jambo ni bora uende kwenye vyombo vya kisheria na si kufanya mauaji kama kulipiza kisasi kwani kufanya hivyo ni sawa na uharifu wa mauaji vyombo vya sheria vipo tuvitumie kutatua chaangamoto zilizopo"alisema kamanda Senga.

Baadhi ya watu walitoa maoni mbalimbali kufuatia tukio hilo huku wengine wakidai marehemu huyo baada ya kutoa hela benki kuna watu walimnyemelea na kumpora fedha kisha kumuua licha ya kuwa hakuna ushahidi wa moja kwa moja wa jam bo hilo.

Comments

Post a Comment

Popular posts from this blog

KAEGELE NA KAZUKAMWE WAIBUKA KIDEDEA KURA ZA MAONI CCM WILAYANI NKASI

Image
Na Israel Mwaisaka, Nkasi ‎ ‎Salum Kazukamwe na Moses Kaegele wameshinda katika Kura za maoni za kuwania Ubunge katika Majimbo mawili ya Nkasi Kaskazini na kusini yanayounda wilaya Nkasi ‎ ‎Akitoa taarifa juu ya zoezi zima la upigaji wa Kura za maoni lililofanyika Jana katibu wa CCM wilaya Nkasi Anastazia Almasi amesema kuwa wilaya Nkasi inaundwa na Majimbo mawili ya Uchaguzi na makada 10 wa CCM walifanikiwa kuingia katika kinyang'anyiro hicho na wawili hao kupenya kuweza kupeperusha bendera ya CCM kwenye uchaguzi mkuu unaotarajia kufanyika Oktoba 29,2025.. ‎ ‎Amesema kuwa kwa upande wa Jimbo la Nkasi Kaskazini Salumu Kazukamwe ameshinda kwa kupata Kura 2956 akifuatiwa na John Sichilima aliyepata kura 1471, Jonas Kifunda 560, Thomas Kalunga kura 320 na wa mwisho Ni David Siame aliyeambulia 137. ‎ ‎Kwa upande wa Jimbo la Nkasi kusini Moses Kaegele ameshinda kwa kupata Kura 3028 akifuatiwa na Vicent Mbogo aliyepata 1,623, Evarist Christopher Mwanansao Kura 465,Desderius Mipata Ku...
Read more

DIWANI KATA YA KALA AFARIKI DUNIA KWA UGONJWA WA KIHARUSI

Image
Na Israel Mwaisaka,Nkasi ‎DIWANI wa kata ya kala Wilayani Nkasi Privatus Yoramu (CCM) amefariki Dunia baada ya kuugua kwa muda mfupi . ‎ ‎Kwa mujibu wa taarifa iliyotolewa jana na Mwenyekiti wa halmashauri ya Wilaya Nkasi Richard Maasai ni kuwa tukio hilo limetokea Juzi jumatano majira ya saa 12 jioni wakati akipatiwa matibabu katika hospitali ya mkoa Rukwa. ‎ ‎Amesema kuwa marehemu amefariki kutokana na ugonjwa wa kiharusi na ugonjwa huo aliupata kutokana na ugonjwa uliokuwa umempata wa shinikizo la juu la damu (Pressure) na kupelekea mishipa ya damu kupasuka na hatimaye kupata ugonjwa wa Kiharusi uliopelelea umauti wake. ‎ ‎Mwenyekiti huyo wa halmashauri amefafanua kuwa majuzi aliongoza kikao Cha kamati ya elimu na afya kama Mwenyekiti na akiwa katika kikao hicho alizidiwa na ugonjwa na kukimbizwa katika hospitali ya Wilaya Nkasi ambapo alipewa huduma ya awali na kukimbizwa katika hospitali ya mkoa kwa matibabu zaidi . ‎ ‎Na amedai kuwa mazishi ya Diwani huyo yatafanyika kesho jumam...
Read more

Mke wa Mchungaji wa kanisa la EAGT ajinyonga akihofia deni lake la fedha za kanisa

Image
Na Israel Mwaisaka,Nkasi ‎ ‎Mwanamke aliyefahamika kwa jina la Joyce Baton Mwasumbi mkazi wa Kijiji Cha Kanazi wilayani Nkasi amefariki dunia baada ya kujinyonga kwa kutumia kanga chumbani kwake. ‎ ‎Akizungumzia tukio hilo Mwenyekiti wa Kijiji Cha Kanazi Rudis Ulaya amesema kuwa tukio la Mwanamke huyo ambaye ni mke wa Mchungaji wa kanisa la EAGT kujinyonga limetokea leo Jumatano Disemba 24,2025 majira ya saa 2 asubuhi baada ya Mumewe ambaye ni mchungaji kwenda kanisani kupalilia pembeni mwa jengo la kanisa hilo. ‎ ‎Amesema kuwa wakati Mumewe ambaye ni Mchungaji akiendelea na jukumu lake kanisani mkewe aliutumia mwanya huo kujitundika kwa kutumia kitenge na muda mfupi Mumewe aliingia chumbani huko na kumkuta Mkewe akiwa amejitundika juu huku akitapatapa kufa ndipo alipochukua kisu na kukikata kitenge hicho kwa lengo la kuokoa uhai wake lakini muda mfupi alipoteza maisha ‎ ‎Mwenyekiti huyo wa Kijiji amefafanua kuwa baada ya yeye kumhoji Mume wa marehemu Mchungaji Ibrahimu Mwaipopo alid...
Read more