Familia yadhamilia kumuona Rais Ikulu kupigania haki waliyopokwa na kanisa



Na Ibrahim Yassin,Songwe

FAMILIA ya Mwambande Kalinga (50) mkazi wa mtaa wa Mantengo 'B' kata ya Vwawa wilayani Mbozi mkoani Songwe, inajiandaa kwenda Ikulu Chamwino jijini Dodoma kumuona Rais Dkt, Samia kutoa dukuduku lao.

Kalinga amemwambia Mwandishi wa habari hizi jana kuwa ameamua kwenda Ikulu kumuona Rais baada ya kanisa la Moravian usharika wa Vwawa kubomoa nyumba zake 2 na kufyeka mazao kwa madai kuwa eneo hilo ni la kwao.

Mbali na kubomolewa nyumba 2.pia mazao mbalimbali iliwemo miti na kahawa anadai ilifyekwa huku akiachwa akiishi kwa shida na familia yake.



NoAlisema miaka ya nyuma eneo hilo lenye hekali 700 lilikuwa likitumika na muwekezaji ambaye ni Mzungu alipoondoka walikuja wawekezaji wengine na baadae akaja mzee Zebedayo Chungu aliyekaa eneo hilo kama muwekezaji.

Anasema baada ya Mzee Chungu kukaa hapo alimgawia baba yake hekari 12 wakiwemo watu wengine ambao walijenga nyumba za kuishi huku sehemu nyingine wakifanya shughuri za kilimo.

Anasema baada ya baba yake kufariki waliendel ea kulitumia eneo hilo lakini siku za hivi karibuni alishangaa kuona nyumba zinabomolewa na ali pohoji aliambiwa eneo limeuzwa kwa kanisa la Molavian.

Anasema baada ya hapo alienda kushitaki baraza la ardhi Vwawa lakini hakupata msaada na ndipo alipoenda wizara ya ardhi Dodoma ambako nako hakufanikiwa ambapo kwa sasa anajipanga kwenda Ikulu Chamwino kumuona Rais.

"Ndugu mwanahabari eneo hili alipewa marehemu baba yangu na mzee Chungu na kujenga nyumba 2 lakini anashangaa kuona eneo ekali 36 zikiwemo ekali 12 za kwangu zikiuzwa bila kuambiwa wakati wapo katika eneo hilo zaidi ya miaka 10"anasema.

Anasema baada ya kulalamika na kuomba msaada maeneo mbalimbali hajapata msaaada huku familia yake ikilala nje kwa zaidi ya siku 7 hadi alipopewa hifadhi na jirani yake anaamua kwenda kuitafuta haki kwa Mh,Rais Dkt.Samia.

Kwa upande wake mzee Zebedayo Chungu amekiri kuuza eneo hilo akidai kuwa ni mali yake na kwamba eneo alilowapatia familia hiyo hajaligusa kw ani aligawa na ni mali yao eneo lake ndilo alilouza kwa kanisa.

Mwenyekiti wa mtaa wa Mantengo' B' Magreth Kabuje anakiri eneo hilo kuuzwa pamoja na nyumba kubomolewa na kwamba wakati mgogoro huo umeibuka yeye alikuwa bado hajawa kiongozi.

Joyce Kasebwa mwanasheria anayesimamia Kanisa anakiri kuwa eneo hilo ni mali ya kanisa walinunua kwa mzee Chungu na nyumba za mlalamikaji zilibomolewa kwa amri ya mahakama baada ya kushinda kesi akishindwa kulipa fidia ndani ya siku 4.

Frida Mwasulama msajiri wa ardhi mkoani Songwe anasema kanisa limenunua kihalali eneo hilo na kesi ilivyoenda mahakamani kanisa lilipewa ushindi na kukazia hukumu hadi kufikia hatua ya kubomoa nyumba zilizokuwepo.


Anasema mahakama ndiyo yenye haki ya kutoa maamuzi , Mwambande Kalinga katika kesi namba 3 ya mwaka 2018 aliyolishitaki baraza la wadhamini wa kanisa la Moravian ,kanisa lilipewa ushindi.

Anasema baadae Kalinga alikata rufaa katika mahakama ya ardhi Mbeya kesi namba 243/2020 lakini rufaa yake ilikataliwa kwa kuwa ilikuwa nje ya muda na aliomba tena kwa mara nyingine na kukubaliwa katika kesi namba 1/2023.

Anasema baada ya kukubaliwa pande zote 2 ziliitwa kutoa maelezo ambapo baraza la wadhamini wa kanisa la Moravian lilipewa ushindi na kutakiwa kulipwa Tsh, Milioni 4.728.000 kama fidia ambapo ardhi yake Mwambani Kalinga iliuzwa.

Anasema kampuni iliyopewa tenda ya kuuza mali zake ni Fagio Broker ya jijini Mbeya ambayo ilitakiwa kupewa nauli 250.000 na gharama ya kukama ta mali Tsh, 236.000 ambayo imeuza ardhi ya mlalamikaji kufidia fedha hizo.

Hata hivyo Mwandishi Mfukunyuzi wa Dira kamilifu akaenda mbali zaidi na kuzungumza na ofisi ya mkuu wa wilaya wakati huo ambapo afisa tarafa ya Vwawa Haji Khamisi aliyehamishwa Taarafa ya Kamsamba ambaye alieleza hali halisi.

Khamis anasema mzee Chungu ameuza eneo hilo kimakosa kwani hana uhalali, aliishi hapo kama m uwekezaji baada ya muwekezaji mzungu kuondoka na eneo kubaki kuwa mali ya serikali.



Anasema baada ya ofisi ya mkuu wa wilaya kubaini hilo walimwita mzee huyo na kumhoji sababu ya kuuza eneo hilo huku akijua ni mali ya serikali ambapo aliomba radhi na kutakiwa ardhi irudi mikononi mwa serikali.

Comments

Post a Comment

Popular posts from this blog

KAEGELE NA KAZUKAMWE WAIBUKA KIDEDEA KURA ZA MAONI CCM WILAYANI NKASI

Image
Na Israel Mwaisaka, Nkasi ‎ ‎Salum Kazukamwe na Moses Kaegele wameshinda katika Kura za maoni za kuwania Ubunge katika Majimbo mawili ya Nkasi Kaskazini na kusini yanayounda wilaya Nkasi ‎ ‎Akitoa taarifa juu ya zoezi zima la upigaji wa Kura za maoni lililofanyika Jana katibu wa CCM wilaya Nkasi Anastazia Almasi amesema kuwa wilaya Nkasi inaundwa na Majimbo mawili ya Uchaguzi na makada 10 wa CCM walifanikiwa kuingia katika kinyang'anyiro hicho na wawili hao kupenya kuweza kupeperusha bendera ya CCM kwenye uchaguzi mkuu unaotarajia kufanyika Oktoba 29,2025.. ‎ ‎Amesema kuwa kwa upande wa Jimbo la Nkasi Kaskazini Salumu Kazukamwe ameshinda kwa kupata Kura 2956 akifuatiwa na John Sichilima aliyepata kura 1471, Jonas Kifunda 560, Thomas Kalunga kura 320 na wa mwisho Ni David Siame aliyeambulia 137. ‎ ‎Kwa upande wa Jimbo la Nkasi kusini Moses Kaegele ameshinda kwa kupata Kura 3028 akifuatiwa na Vicent Mbogo aliyepata 1,623, Evarist Christopher Mwanansao Kura 465,Desderius Mipata Ku...
Read more

DIWANI KATA YA KALA AFARIKI DUNIA KWA UGONJWA WA KIHARUSI

Image
Na Israel Mwaisaka,Nkasi ‎DIWANI wa kata ya kala Wilayani Nkasi Privatus Yoramu (CCM) amefariki Dunia baada ya kuugua kwa muda mfupi . ‎ ‎Kwa mujibu wa taarifa iliyotolewa jana na Mwenyekiti wa halmashauri ya Wilaya Nkasi Richard Maasai ni kuwa tukio hilo limetokea Juzi jumatano majira ya saa 12 jioni wakati akipatiwa matibabu katika hospitali ya mkoa Rukwa. ‎ ‎Amesema kuwa marehemu amefariki kutokana na ugonjwa wa kiharusi na ugonjwa huo aliupata kutokana na ugonjwa uliokuwa umempata wa shinikizo la juu la damu (Pressure) na kupelekea mishipa ya damu kupasuka na hatimaye kupata ugonjwa wa Kiharusi uliopelelea umauti wake. ‎ ‎Mwenyekiti huyo wa halmashauri amefafanua kuwa majuzi aliongoza kikao Cha kamati ya elimu na afya kama Mwenyekiti na akiwa katika kikao hicho alizidiwa na ugonjwa na kukimbizwa katika hospitali ya Wilaya Nkasi ambapo alipewa huduma ya awali na kukimbizwa katika hospitali ya mkoa kwa matibabu zaidi . ‎ ‎Na amedai kuwa mazishi ya Diwani huyo yatafanyika kesho jumam...
Read more

Mke wa Mchungaji wa kanisa la EAGT ajinyonga akihofia deni lake la fedha za kanisa

Image
Na Israel Mwaisaka,Nkasi ‎ ‎Mwanamke aliyefahamika kwa jina la Joyce Baton Mwasumbi mkazi wa Kijiji Cha Kanazi wilayani Nkasi amefariki dunia baada ya kujinyonga kwa kutumia kanga chumbani kwake. ‎ ‎Akizungumzia tukio hilo Mwenyekiti wa Kijiji Cha Kanazi Rudis Ulaya amesema kuwa tukio la Mwanamke huyo ambaye ni mke wa Mchungaji wa kanisa la EAGT kujinyonga limetokea leo Jumatano Disemba 24,2025 majira ya saa 2 asubuhi baada ya Mumewe ambaye ni mchungaji kwenda kanisani kupalilia pembeni mwa jengo la kanisa hilo. ‎ ‎Amesema kuwa wakati Mumewe ambaye ni Mchungaji akiendelea na jukumu lake kanisani mkewe aliutumia mwanya huo kujitundika kwa kutumia kitenge na muda mfupi Mumewe aliingia chumbani huko na kumkuta Mkewe akiwa amejitundika juu huku akitapatapa kufa ndipo alipochukua kisu na kukikata kitenge hicho kwa lengo la kuokoa uhai wake lakini muda mfupi alipoteza maisha ‎ ‎Mwenyekiti huyo wa Kijiji amefafanua kuwa baada ya yeye kumhoji Mume wa marehemu Mchungaji Ibrahimu Mwaipopo alid...
Read more