Umoja wa Wazee wajizatiti kukabiliana na mmomonyoko wa maadili na kusimamia haki za Wazee Nchini


Na Israel Mwaisaka, Rungwe

Mwenyekiti wa umoja wa Wazee taifa Anyimike Mwasakilali amewataka Wazee kupitia umoja wao kitaifa kulisimamia suala la Maadili Kwa Watoto wao Ili kuwa na taifa linaloheshimika duniani Kwa kuwa na Watu waliostaarabika.

Akizungumza na Waandishi wa habari ofisini kwake Leo amesema kuwa jamii sasa imepoteza mwelekeo hasa baada ya mmomonyoko wa Maadili hasa Kwa vijana na kuwa Watu wenye uwezo wa kuirudisha jamii katika misingi yake ni Wazee.

Amesema umoja wa Wazee kitaifa umesajiliwa kama taasisi ya kushughulikia masuala yanayowagusa Wazee Nchini lakini pia wanalo jukumu kubwa la kuhakikisha kuwa mambo katika taifa hili yanakwenda vizuri ikiwa ni pamoja na kukemea pale inayoonekana Kuna jambo linakwenda kinyume na ustawi wa taifa .

Mwasakilali amefafanua kuwa Wazee hapa Nchini wanakabiliwa na changamoto nyingi na kuwa kutokana na Hilo wameamua kuanzisha taasisi hiyo ya Wazee itakayowaunganisha Wazee na kuwa na nguvu ya pamoja kupigania Haki zao ikiwa ni pamoja na masuala ya kijamii.

Alidai kuwa toka taasisi hiyo Toka isajiliwe na kuanza kufanya kazi Nchini Oktoba 23,2023 na makao makuu yake yakiwa wilayani Rungwe wamefanikiwa kuwaunganisha Wazee Nchi nzima lakini pia wameweza kuyashughulikia baadhi ya mambo kama Vile soko la Parachichi Rungwe ikiwa ni pamoja na kushirikiana na viongozi wa serikali katika kusukuma ajenda mbalimbali zenye maslahi Kwa taifa .

Baadhi ya Wazee kutoka katika Mikoa ya Rukwa,Ruvuma,Kigoma na Iringa wameeleza Namna ambavyo wameweza kuunganishwa na umoja huo wa Wazee na kuwataka wawe pamoja unyonge wao umetoweka Kwa maana wamekua na nguvu ya pamoja katika kushughulikia masuala yanayowagusa kama Wazee ikiwa ni pamoja na yale ya kijamii na kuwa sasa Wazee wanaheshimika Kwa namna ambavyo wanashughulika na mambo ya kijamii.

Julius Kitao mkazi wa Kijiji Cha Muze Mkoani Rukwa amedai kuwa Kuna mambo mengi walikua wakishindwa kuyakabili kama Wazee lakini umoja huo umewapa nguvu na kumshukuru Mwasakilali Kwa namna ambavyo amekuwa akiwapa nguvu na kuwatia moyo na kuwapa miongozo inayowawezesha kuyafikia malengo Yao.

Anganile Sanga mmoja wa Wazee kutoka wilayani Makete Mkoani NJombe amedai kuwa umoja huo umefanikiwa kuwakutanisha Wataalamu wa kada mbalimbali ambao ni wastaafu na kuwa imewasaidia sana kushughulika na changamoto wanazozipitia na kupata suluhisho ya changamoto zao..

Umoja wa Wazee ni taasisi iliyoundwa kama taasisi isiyokuwa ya kiserikali licha ya kuwa Bado haijafika mikoa yote Nchini mkakati wao mkubwa Kwa sasa ni kulifikia mikoa yote Nchini

Comments

Post a Comment

Popular posts from this blog

KAEGELE NA KAZUKAMWE WAIBUKA KIDEDEA KURA ZA MAONI CCM WILAYANI NKASI

Image
Na Israel Mwaisaka, Nkasi ‎ ‎Salum Kazukamwe na Moses Kaegele wameshinda katika Kura za maoni za kuwania Ubunge katika Majimbo mawili ya Nkasi Kaskazini na kusini yanayounda wilaya Nkasi ‎ ‎Akitoa taarifa juu ya zoezi zima la upigaji wa Kura za maoni lililofanyika Jana katibu wa CCM wilaya Nkasi Anastazia Almasi amesema kuwa wilaya Nkasi inaundwa na Majimbo mawili ya Uchaguzi na makada 10 wa CCM walifanikiwa kuingia katika kinyang'anyiro hicho na wawili hao kupenya kuweza kupeperusha bendera ya CCM kwenye uchaguzi mkuu unaotarajia kufanyika Oktoba 29,2025.. ‎ ‎Amesema kuwa kwa upande wa Jimbo la Nkasi Kaskazini Salumu Kazukamwe ameshinda kwa kupata Kura 2956 akifuatiwa na John Sichilima aliyepata kura 1471, Jonas Kifunda 560, Thomas Kalunga kura 320 na wa mwisho Ni David Siame aliyeambulia 137. ‎ ‎Kwa upande wa Jimbo la Nkasi kusini Moses Kaegele ameshinda kwa kupata Kura 3028 akifuatiwa na Vicent Mbogo aliyepata 1,623, Evarist Christopher Mwanansao Kura 465,Desderius Mipata Ku...
Read more

DIWANI KATA YA KALA AFARIKI DUNIA KWA UGONJWA WA KIHARUSI

Image
Na Israel Mwaisaka,Nkasi ‎DIWANI wa kata ya kala Wilayani Nkasi Privatus Yoramu (CCM) amefariki Dunia baada ya kuugua kwa muda mfupi . ‎ ‎Kwa mujibu wa taarifa iliyotolewa jana na Mwenyekiti wa halmashauri ya Wilaya Nkasi Richard Maasai ni kuwa tukio hilo limetokea Juzi jumatano majira ya saa 12 jioni wakati akipatiwa matibabu katika hospitali ya mkoa Rukwa. ‎ ‎Amesema kuwa marehemu amefariki kutokana na ugonjwa wa kiharusi na ugonjwa huo aliupata kutokana na ugonjwa uliokuwa umempata wa shinikizo la juu la damu (Pressure) na kupelekea mishipa ya damu kupasuka na hatimaye kupata ugonjwa wa Kiharusi uliopelelea umauti wake. ‎ ‎Mwenyekiti huyo wa halmashauri amefafanua kuwa majuzi aliongoza kikao Cha kamati ya elimu na afya kama Mwenyekiti na akiwa katika kikao hicho alizidiwa na ugonjwa na kukimbizwa katika hospitali ya Wilaya Nkasi ambapo alipewa huduma ya awali na kukimbizwa katika hospitali ya mkoa kwa matibabu zaidi . ‎ ‎Na amedai kuwa mazishi ya Diwani huyo yatafanyika kesho jumam...
Read more

Mke wa Mchungaji wa kanisa la EAGT ajinyonga akihofia deni lake la fedha za kanisa

Image
Na Israel Mwaisaka,Nkasi ‎ ‎Mwanamke aliyefahamika kwa jina la Joyce Baton Mwasumbi mkazi wa Kijiji Cha Kanazi wilayani Nkasi amefariki dunia baada ya kujinyonga kwa kutumia kanga chumbani kwake. ‎ ‎Akizungumzia tukio hilo Mwenyekiti wa Kijiji Cha Kanazi Rudis Ulaya amesema kuwa tukio la Mwanamke huyo ambaye ni mke wa Mchungaji wa kanisa la EAGT kujinyonga limetokea leo Jumatano Disemba 24,2025 majira ya saa 2 asubuhi baada ya Mumewe ambaye ni mchungaji kwenda kanisani kupalilia pembeni mwa jengo la kanisa hilo. ‎ ‎Amesema kuwa wakati Mumewe ambaye ni Mchungaji akiendelea na jukumu lake kanisani mkewe aliutumia mwanya huo kujitundika kwa kutumia kitenge na muda mfupi Mumewe aliingia chumbani huko na kumkuta Mkewe akiwa amejitundika juu huku akitapatapa kufa ndipo alipochukua kisu na kukikata kitenge hicho kwa lengo la kuokoa uhai wake lakini muda mfupi alipoteza maisha ‎ ‎Mwenyekiti huyo wa Kijiji amefafanua kuwa baada ya yeye kumhoji Mume wa marehemu Mchungaji Ibrahimu Mwaipopo alid...
Read more