Wenyeviti wa vijiji wapewa wiki mbili kuwasomea Wananchi Mapato na matumizi



Na Israel Mwaisaka,Rukwa

MKUU wa wilaya Nkasi Peter Lijualikali ametoa wiki mbili toka sasa kwa viongozi wa vijiji kuhakikisha kuwa wanaitisha mikutano mikuu ya vijiji na kuwasomea Wananchi mapato na matumizi kabla ya kuufikia uchaguzi wa serikali za mitaa mwishoni mwaka huu.

Agizo hilo amelitoa jana kwenye kikao cha baraza la madiwani kilichofanyika kwenye ukumbi wa halmashauri ambapo ameda kuwa ni lazima wenyeviti wa vijiji na watendaji wa vijiji kuhakikisha wanawasomea Wananchi mapato na matumizi ya vijiji vyao ili wananchi weweze kujua maendeleo ya vijiji vyao.

Hivyo amewaagiza Maafisa tarafa na watendaji wa kata kuhakikisha katika maeneo yao wanayoyaongoza wenyeviti wote wa vijiji wawe wameitisha mikutano mikuu ya vijiji na kuwasomea wananchi mapato na matumizi.

Alidai kuwa mwaka huu ni mwaka wa uchaguzi ni vyema kabla ya kuingia kwenye uchaguzi Wananchi wakayajua mapato yao ikiwa ni pamoja na kujua mipango endelevu ya Kijiji chao na kutokufanya hivyo kutawaacha Wananchi na sintofahamu lakini pia hata mwenyekiti mpya kama atapatikana atakua hajui wapi pa kuanzia ikiwa ni pamoja na wananchi wenyewe

“Wenyeviti wengi hawawasomei wananchi wao mapato na matumizi na wengi wao wamekua wakiogopa kuitisha mikutano hiyo ya vijiji na sijui ni kwa nini hili linajitokeza lakini sasa nawapeni wiki mbili hizi tekelezeni kwa vitendo na Maafisa tarafa na watendaji wa kata hakikisheni hili linatekelezeka katika maeneop yenu”alisema

Pia mwenyekiti wa halmashauri ya wilaya Nkasi Pankrasi Maliyatabu amewataka Watendaji wa vijiji kuendelea kukusanya mapato katika maeneo yao kwani hiyo ni moja ya kazi yao kubwa katika ajira zao.



Amesema kuwa kuna baadhi ya maeneo Watendaji wa vijiji hawaifanyi kazi hiyo na kuwa kufanya hivyo ni kwenda kinyume na kanuni za ajira zao na kuwa sasa hataki tena kusikia jambo hilo

Kaimu mkurugenzi mtendaji wa wilaya Mayuma Zilantuzu amedai kuwa wamepokea hoja nyingi kutoka kwa Madiwani pamoja na viongozi na kuwa zile hoja ambazo inabidi zifanyiwe kazi watazitekeleza kwa wakati na kubwa ni kutaka kuwaletea Wananchi maendeleo




Comments

Post a Comment

Popular posts from this blog

KAEGELE NA KAZUKAMWE WAIBUKA KIDEDEA KURA ZA MAONI CCM WILAYANI NKASI

Image
Na Israel Mwaisaka, Nkasi ‎ ‎Salum Kazukamwe na Moses Kaegele wameshinda katika Kura za maoni za kuwania Ubunge katika Majimbo mawili ya Nkasi Kaskazini na kusini yanayounda wilaya Nkasi ‎ ‎Akitoa taarifa juu ya zoezi zima la upigaji wa Kura za maoni lililofanyika Jana katibu wa CCM wilaya Nkasi Anastazia Almasi amesema kuwa wilaya Nkasi inaundwa na Majimbo mawili ya Uchaguzi na makada 10 wa CCM walifanikiwa kuingia katika kinyang'anyiro hicho na wawili hao kupenya kuweza kupeperusha bendera ya CCM kwenye uchaguzi mkuu unaotarajia kufanyika Oktoba 29,2025.. ‎ ‎Amesema kuwa kwa upande wa Jimbo la Nkasi Kaskazini Salumu Kazukamwe ameshinda kwa kupata Kura 2956 akifuatiwa na John Sichilima aliyepata kura 1471, Jonas Kifunda 560, Thomas Kalunga kura 320 na wa mwisho Ni David Siame aliyeambulia 137. ‎ ‎Kwa upande wa Jimbo la Nkasi kusini Moses Kaegele ameshinda kwa kupata Kura 3028 akifuatiwa na Vicent Mbogo aliyepata 1,623, Evarist Christopher Mwanansao Kura 465,Desderius Mipata Ku...
Read more

DIWANI KATA YA KALA AFARIKI DUNIA KWA UGONJWA WA KIHARUSI

Image
Na Israel Mwaisaka,Nkasi ‎DIWANI wa kata ya kala Wilayani Nkasi Privatus Yoramu (CCM) amefariki Dunia baada ya kuugua kwa muda mfupi . ‎ ‎Kwa mujibu wa taarifa iliyotolewa jana na Mwenyekiti wa halmashauri ya Wilaya Nkasi Richard Maasai ni kuwa tukio hilo limetokea Juzi jumatano majira ya saa 12 jioni wakati akipatiwa matibabu katika hospitali ya mkoa Rukwa. ‎ ‎Amesema kuwa marehemu amefariki kutokana na ugonjwa wa kiharusi na ugonjwa huo aliupata kutokana na ugonjwa uliokuwa umempata wa shinikizo la juu la damu (Pressure) na kupelekea mishipa ya damu kupasuka na hatimaye kupata ugonjwa wa Kiharusi uliopelelea umauti wake. ‎ ‎Mwenyekiti huyo wa halmashauri amefafanua kuwa majuzi aliongoza kikao Cha kamati ya elimu na afya kama Mwenyekiti na akiwa katika kikao hicho alizidiwa na ugonjwa na kukimbizwa katika hospitali ya Wilaya Nkasi ambapo alipewa huduma ya awali na kukimbizwa katika hospitali ya mkoa kwa matibabu zaidi . ‎ ‎Na amedai kuwa mazishi ya Diwani huyo yatafanyika kesho jumam...
Read more

Mke wa Mchungaji wa kanisa la EAGT ajinyonga akihofia deni lake la fedha za kanisa

Image
Na Israel Mwaisaka,Nkasi ‎ ‎Mwanamke aliyefahamika kwa jina la Joyce Baton Mwasumbi mkazi wa Kijiji Cha Kanazi wilayani Nkasi amefariki dunia baada ya kujinyonga kwa kutumia kanga chumbani kwake. ‎ ‎Akizungumzia tukio hilo Mwenyekiti wa Kijiji Cha Kanazi Rudis Ulaya amesema kuwa tukio la Mwanamke huyo ambaye ni mke wa Mchungaji wa kanisa la EAGT kujinyonga limetokea leo Jumatano Disemba 24,2025 majira ya saa 2 asubuhi baada ya Mumewe ambaye ni mchungaji kwenda kanisani kupalilia pembeni mwa jengo la kanisa hilo. ‎ ‎Amesema kuwa wakati Mumewe ambaye ni Mchungaji akiendelea na jukumu lake kanisani mkewe aliutumia mwanya huo kujitundika kwa kutumia kitenge na muda mfupi Mumewe aliingia chumbani huko na kumkuta Mkewe akiwa amejitundika juu huku akitapatapa kufa ndipo alipochukua kisu na kukikata kitenge hicho kwa lengo la kuokoa uhai wake lakini muda mfupi alipoteza maisha ‎ ‎Mwenyekiti huyo wa Kijiji amefafanua kuwa baada ya yeye kumhoji Mume wa marehemu Mchungaji Ibrahimu Mwaipopo alid...
Read more