JMAT- VIONGOZI WA DINI WASIKUBALI KUTUMIWA NA WANASIASA


Na Israel Mwaisaka,Rukwa

VIONGOZI wa Dini wilayani Nkasi mkoani Rukwa wametakiwa kusimama imara na kutoruhusu kuyumbishwa na Wanasiasa katika kipindi hiki tunachoelekea kwenye uchaguzi wa serikali za mitaa na uchaguzi mkuu mwakani.

Wito huo umetolewa leo na mwenyekiti wa jumuia ya maridhiano na amani Tanzania (JMAT) wilaya Nkasi Hadhiri Daruweshi alipokuwa akizungumza kwenye kikao cha jumuia hiyo ambapo amedai kuwa viongozi wa dini wakiyumba wanaweza kuwatoa nje ya mstari waumini wao na kubaki na sintofahamu.

Amesema kuwa wao kama viongozi wa dini jukumu lao kubwa katika kipindi hiki kuelekea katika chaguzi hizo kubwa ni kujikita zaidi katika kuhubiri amani na upendo kwa nguvu zote kwani kwa kufanya hivyo kutasaidia kuwepo kwa amani katika taifa hili.

Hadhiri amedai kuwa kwa uzoefu katika maeneo mbalimbali duniani ambako viongozi wa dini wamechanganya siasa na dini ni lazima kuwepo kwa machafuko na kunakotokana na kutoweka kwa amani katika  jamii hiyo.

Awali katibu wa jumuia hiyo Mchungaji Fidelis Maheke alidai kuwa kazi ya viongozi wa dini ni kumtangaza Mungu na Amani pamoja na maisha bora kwa waumini wao na kukemea vitendo vya baadhi yao viongozi wa dini kutumika na Wanasiasa

Alidai kuwa viongozi wa dini wanayo dhamana kubwa kutoka kwa watu wanaowaongoza na kuwa heshima waliyonayo wasiitumie vibaya kwa kuwachanganya Waumini wao na mambo ya kisiasa na wala wasikubali kuwa wapiga debe wa wanasiasa.

Mwinyi Abdallah Jumbe mmoja wa wajumbe wa JMAT naye aliwataka viongozi wenzie kusimamia maandiko kama yalivyoandikwa kwenye vitabu vitakatifu na kuwa kwenda kinyume na maadili kwa kufanya mambo kinyume na hayo ni kumkosea Mungu na watu anaowaongoza.

Mmoja wa wadau wa kikao hicho Salumu Kazukamwe aliwataka viongozi hao wa dini kujitahidi kusimamia maadili ya kazi yao kwani viongozi wa dini ni watu muhimu sana katika msitakhabari wa kuhakikisha amani inatamalaki Nchini katika kipindi chote.

Alisema kuwa wao kama viongozi wa dini wanategemewa sana na waumini wao hivyo wanatakiwa kusimamia maadili yao ya kazi kwani kubwa walilonalo ni kuwahubiria Watu juu ya kumjua Mungu sambamba na kufundisha maadili yaliyo mema.

Kazukamwe alidai kuwa kama wanasiasa watakua na nguvu na ushawishi kwa viongozi wa dini na kutuutumia ushawishi wao na kuanza kuwatumia viongozi wa dini amesema kuwa taifa litakwenda pabaya bali wawe na msimamo na wajikite katika kuutangaza ufalme wa Mungu .



Comments

Post a Comment

Popular posts from this blog

KAEGELE NA KAZUKAMWE WAIBUKA KIDEDEA KURA ZA MAONI CCM WILAYANI NKASI

Image
Na Israel Mwaisaka, Nkasi ‎ ‎Salum Kazukamwe na Moses Kaegele wameshinda katika Kura za maoni za kuwania Ubunge katika Majimbo mawili ya Nkasi Kaskazini na kusini yanayounda wilaya Nkasi ‎ ‎Akitoa taarifa juu ya zoezi zima la upigaji wa Kura za maoni lililofanyika Jana katibu wa CCM wilaya Nkasi Anastazia Almasi amesema kuwa wilaya Nkasi inaundwa na Majimbo mawili ya Uchaguzi na makada 10 wa CCM walifanikiwa kuingia katika kinyang'anyiro hicho na wawili hao kupenya kuweza kupeperusha bendera ya CCM kwenye uchaguzi mkuu unaotarajia kufanyika Oktoba 29,2025.. ‎ ‎Amesema kuwa kwa upande wa Jimbo la Nkasi Kaskazini Salumu Kazukamwe ameshinda kwa kupata Kura 2956 akifuatiwa na John Sichilima aliyepata kura 1471, Jonas Kifunda 560, Thomas Kalunga kura 320 na wa mwisho Ni David Siame aliyeambulia 137. ‎ ‎Kwa upande wa Jimbo la Nkasi kusini Moses Kaegele ameshinda kwa kupata Kura 3028 akifuatiwa na Vicent Mbogo aliyepata 1,623, Evarist Christopher Mwanansao Kura 465,Desderius Mipata Ku...
Read more

DIWANI KATA YA KALA AFARIKI DUNIA KWA UGONJWA WA KIHARUSI

Image
Na Israel Mwaisaka,Nkasi ‎DIWANI wa kata ya kala Wilayani Nkasi Privatus Yoramu (CCM) amefariki Dunia baada ya kuugua kwa muda mfupi . ‎ ‎Kwa mujibu wa taarifa iliyotolewa jana na Mwenyekiti wa halmashauri ya Wilaya Nkasi Richard Maasai ni kuwa tukio hilo limetokea Juzi jumatano majira ya saa 12 jioni wakati akipatiwa matibabu katika hospitali ya mkoa Rukwa. ‎ ‎Amesema kuwa marehemu amefariki kutokana na ugonjwa wa kiharusi na ugonjwa huo aliupata kutokana na ugonjwa uliokuwa umempata wa shinikizo la juu la damu (Pressure) na kupelekea mishipa ya damu kupasuka na hatimaye kupata ugonjwa wa Kiharusi uliopelelea umauti wake. ‎ ‎Mwenyekiti huyo wa halmashauri amefafanua kuwa majuzi aliongoza kikao Cha kamati ya elimu na afya kama Mwenyekiti na akiwa katika kikao hicho alizidiwa na ugonjwa na kukimbizwa katika hospitali ya Wilaya Nkasi ambapo alipewa huduma ya awali na kukimbizwa katika hospitali ya mkoa kwa matibabu zaidi . ‎ ‎Na amedai kuwa mazishi ya Diwani huyo yatafanyika kesho jumam...
Read more

Mke wa Mchungaji wa kanisa la EAGT ajinyonga akihofia deni lake la fedha za kanisa

Image
Na Israel Mwaisaka,Nkasi ‎ ‎Mwanamke aliyefahamika kwa jina la Joyce Baton Mwasumbi mkazi wa Kijiji Cha Kanazi wilayani Nkasi amefariki dunia baada ya kujinyonga kwa kutumia kanga chumbani kwake. ‎ ‎Akizungumzia tukio hilo Mwenyekiti wa Kijiji Cha Kanazi Rudis Ulaya amesema kuwa tukio la Mwanamke huyo ambaye ni mke wa Mchungaji wa kanisa la EAGT kujinyonga limetokea leo Jumatano Disemba 24,2025 majira ya saa 2 asubuhi baada ya Mumewe ambaye ni mchungaji kwenda kanisani kupalilia pembeni mwa jengo la kanisa hilo. ‎ ‎Amesema kuwa wakati Mumewe ambaye ni Mchungaji akiendelea na jukumu lake kanisani mkewe aliutumia mwanya huo kujitundika kwa kutumia kitenge na muda mfupi Mumewe aliingia chumbani huko na kumkuta Mkewe akiwa amejitundika juu huku akitapatapa kufa ndipo alipochukua kisu na kukikata kitenge hicho kwa lengo la kuokoa uhai wake lakini muda mfupi alipoteza maisha ‎ ‎Mwenyekiti huyo wa Kijiji amefafanua kuwa baada ya yeye kumhoji Mume wa marehemu Mchungaji Ibrahimu Mwaipopo alid...
Read more