MCHAKATO WA KUPUMZISHA ZIWA TANGANYIKA WAKAMILIKA VIONGOZI WAPIGWA MSASA


Na Israel Mwaisaka,Nkasi

KAIMU mkuu wa wilaya Nkasi ambaye pia ni mkuu wa wilaya ya Kalambo Razaro Komba amewataka Madiwani,Viongozi wa vijiji na watumishi wote wa serikali kuhakikisha kuwa wanatoa elimu kwa wananchi katika maeneo yao juu ya hadhima ya serikali ya kutaka kulipumzisha ziwa Tanganyika kwa muda wa miezi mitatu

Akizungumza kwenye kikao kilichowakutanisha madiwani na viongozi wa vijiji vilivyo katika mwambao wa ziwa Tanganyika na timu ya wataalamu kutoka wizara ya mifugo na Uvuvi amesema kuwa lengo la serikali ni kutaka kulipumzisha ziwa hilo ili kuwapa muda samaki kuweza kuzaliana na kuongeza kipato cha Wavuvi kuweza kuvua samaki wengi na wakubwa wanaostahili.

Amedai kuwa kinachotakiwa ni wananchi kuuelewa mpango huo vizuri na kujua faida zitakazopatikana baada ya ziwa Tanganyika kupumzishwa kwa kipindi hicho cha miezi mitatu ikiwa ni pamoja na kila mmoja kuwa mlinzi kwa mwenzie katika kuhakikisha katika kipindi hicho cha miezi mitatu hakuna mtu atakaeingia ndani ya ziwa na kufanya shughuli ya uvuvi

Sambamba na hilo ameiomba wizara ya Uvuvi na mifugo kuongeza vikundi vya uvuvi (BMU) kwani uzoefu unaonyesha kuwa katika maeneo ambayo BMU zimeanzishwa kuna ufanisi mkubwa na wamekuwa walinzi wakubwa kwa wenzao wanaokwenda kinyume na ametamani zoezi hilo lingefanyika hata kabla ya Mei 15 ziwa hilo litakapopumzishwa.

Mteknolojia wa Samaki kutoka wizarani Masui Munda amedai kuwa mpango wa kulipumzisha ziwa Tanganyika umetokana na tafiti mbalimbali zilizofanywa na kuona kuwa ziwa Tanganyika Samaki wameendelea kupungua kwa kasi kutokana na sababu mbalimbali ikiwemo uvuvi haramu na kuharibu mazalia ya samaki na suluhisho pekee ni kulipumzisha ziwa hilo ili kuwapa samaki nafasi ya kuzaliana.

Alisema kuwa wao kama wizara walienda mbali zaidi kwa kushirikiana na Nchi tatu zinazolitumia ziwa Tanganyika ambazo ni Zambia,DR –Congo na Burundi na kuweka azimio la pamoja ambapo nchi zote itapofika Mei 15 zitalifunga ziwa hilo na kufanya doria ya pamoja ya kukabiliana na Wavuvi ambao watashindwa kutekeleza agizo hilo la serikali.

Imelda Adamu mwakilishi wa mkurugenzi wa Uvuvi na kaimu mkurugenzi wa tafiti na mafuzo ya uvuvi na afisa uvuvi mkuu Owen Kibona wamesema kuwa kama zoezi hili litakwenda vizuri Wananchi wenyewe watayaona matokeo baada ya ziwa hilo kufunguliwa baada ya kupumzishwa kwa kipindi hicho cha miezi 3 kwa maana mavuno ya samaki yataongezeka na kuongeza kipato chao katika ngazi ya familia na pato la taifa

Madiwani kwa upande wao waliitaka serikali kuhakikisha katika kipindi hicho wanawadhibiti watendaji wa idara ya uvuvi ili wasutumie muda huo kujinufaisha kwa kuwaruhusu watu wachache wafanye uvuvi na kuomba kuwepo na kikosi maalumu cha doria kuweza kuwadhibiti wavuvi watakaokaidi agizo hilo

Mwenyekiti wa halmashauri ya wilaya Nkasi Pankrasi Maliyatabu amesema kwamba kama viongozi wa vijiji na Madiwani watatekeleza wajibu wao sawasawa wa kuielimisha jamii juu ya mpango huo wa serikali wa kulipumzisha ziwa anaamini jambo hilo litakelezeka vizuri kwa maana Wananchi wengi wa sasa wanao uelewa mkubwa wa mambo lakini pia na wao wanaona hari ya uvuvi ilivyo dorora na samaki wanaovuliwa ni wadogo hivyo ni lazima watakubaliana na mpango huo mzuri wa serikali




Comments

Post a Comment

Popular posts from this blog

KAEGELE NA KAZUKAMWE WAIBUKA KIDEDEA KURA ZA MAONI CCM WILAYANI NKASI

Image
Na Israel Mwaisaka, Nkasi ‎ ‎Salum Kazukamwe na Moses Kaegele wameshinda katika Kura za maoni za kuwania Ubunge katika Majimbo mawili ya Nkasi Kaskazini na kusini yanayounda wilaya Nkasi ‎ ‎Akitoa taarifa juu ya zoezi zima la upigaji wa Kura za maoni lililofanyika Jana katibu wa CCM wilaya Nkasi Anastazia Almasi amesema kuwa wilaya Nkasi inaundwa na Majimbo mawili ya Uchaguzi na makada 10 wa CCM walifanikiwa kuingia katika kinyang'anyiro hicho na wawili hao kupenya kuweza kupeperusha bendera ya CCM kwenye uchaguzi mkuu unaotarajia kufanyika Oktoba 29,2025.. ‎ ‎Amesema kuwa kwa upande wa Jimbo la Nkasi Kaskazini Salumu Kazukamwe ameshinda kwa kupata Kura 2956 akifuatiwa na John Sichilima aliyepata kura 1471, Jonas Kifunda 560, Thomas Kalunga kura 320 na wa mwisho Ni David Siame aliyeambulia 137. ‎ ‎Kwa upande wa Jimbo la Nkasi kusini Moses Kaegele ameshinda kwa kupata Kura 3028 akifuatiwa na Vicent Mbogo aliyepata 1,623, Evarist Christopher Mwanansao Kura 465,Desderius Mipata Ku...
Read more

DIWANI KATA YA KALA AFARIKI DUNIA KWA UGONJWA WA KIHARUSI

Image
Na Israel Mwaisaka,Nkasi ‎DIWANI wa kata ya kala Wilayani Nkasi Privatus Yoramu (CCM) amefariki Dunia baada ya kuugua kwa muda mfupi . ‎ ‎Kwa mujibu wa taarifa iliyotolewa jana na Mwenyekiti wa halmashauri ya Wilaya Nkasi Richard Maasai ni kuwa tukio hilo limetokea Juzi jumatano majira ya saa 12 jioni wakati akipatiwa matibabu katika hospitali ya mkoa Rukwa. ‎ ‎Amesema kuwa marehemu amefariki kutokana na ugonjwa wa kiharusi na ugonjwa huo aliupata kutokana na ugonjwa uliokuwa umempata wa shinikizo la juu la damu (Pressure) na kupelekea mishipa ya damu kupasuka na hatimaye kupata ugonjwa wa Kiharusi uliopelelea umauti wake. ‎ ‎Mwenyekiti huyo wa halmashauri amefafanua kuwa majuzi aliongoza kikao Cha kamati ya elimu na afya kama Mwenyekiti na akiwa katika kikao hicho alizidiwa na ugonjwa na kukimbizwa katika hospitali ya Wilaya Nkasi ambapo alipewa huduma ya awali na kukimbizwa katika hospitali ya mkoa kwa matibabu zaidi . ‎ ‎Na amedai kuwa mazishi ya Diwani huyo yatafanyika kesho jumam...
Read more

Mke wa Mchungaji wa kanisa la EAGT ajinyonga akihofia deni lake la fedha za kanisa

Image
Na Israel Mwaisaka,Nkasi ‎ ‎Mwanamke aliyefahamika kwa jina la Joyce Baton Mwasumbi mkazi wa Kijiji Cha Kanazi wilayani Nkasi amefariki dunia baada ya kujinyonga kwa kutumia kanga chumbani kwake. ‎ ‎Akizungumzia tukio hilo Mwenyekiti wa Kijiji Cha Kanazi Rudis Ulaya amesema kuwa tukio la Mwanamke huyo ambaye ni mke wa Mchungaji wa kanisa la EAGT kujinyonga limetokea leo Jumatano Disemba 24,2025 majira ya saa 2 asubuhi baada ya Mumewe ambaye ni mchungaji kwenda kanisani kupalilia pembeni mwa jengo la kanisa hilo. ‎ ‎Amesema kuwa wakati Mumewe ambaye ni Mchungaji akiendelea na jukumu lake kanisani mkewe aliutumia mwanya huo kujitundika kwa kutumia kitenge na muda mfupi Mumewe aliingia chumbani huko na kumkuta Mkewe akiwa amejitundika juu huku akitapatapa kufa ndipo alipochukua kisu na kukikata kitenge hicho kwa lengo la kuokoa uhai wake lakini muda mfupi alipoteza maisha ‎ ‎Mwenyekiti huyo wa Kijiji amefafanua kuwa baada ya yeye kumhoji Mume wa marehemu Mchungaji Ibrahimu Mwaipopo alid...
Read more