MABARAZA YA KATA YAPIGWA 'STOP'KUTOA HUKUMU YAJIKITE KWENYE USULUHISHI




Na Israel Mwaisaka,Nkasi

KAIMU mkuu wa wilaya Nkasi ambaye pia ni mkuu wa wilaya Kalambo mkoani Rukwa Razaro komba amepiga marufuku kwa mabaraza ya ardhi ya kata kutoa hukumu badala yake yajikite kwenye usuluhishi ili kuweza kuleta utengamano katika jamii.

Agizo hilo amelitoa jana wilayani Nkasi kwenye mkutano wa Wadau kujadili mradi wa utekelezaji wa uboreshaji usalama wa milki za ardhi wilayani Nkasi ambapo amesema kuwa lengo la serikali kuanzisha mabaraza hayo lilikua ni zuri kinyume chake yamekua chanzo cha kukuza migogoro.

Amesema kuwa mabaraza hayo yalipewa dhamana ya kusikiliza kesi na kutoa maamuzi lakini mwaka 2021 serikali ilibaini udhaifu kwenye mabaraza hayo na kuyaondolea nguvu ya kutoa maamuzi na badala yake yajikite kwenye usuluhishi pekee.

Kufuati hari hiyo ameiagiza halmashauri ya wilaya kupitia kupitia kitengo chake cha sheria kufikia ijumaa ya wiki hii iwe imetoa mafuzo kwa wenyeviti ,makatibu na wajumbe wote wa mabaraza ya kata kuwajengea uwezo wa kisheria namna ya usuluhishi wa migogoro ya ardhi inayofikishwa katika mabaraza yao.
Kaimu mkuu huyo wa wilaya amedai kuwa ardhi ina mchango mkubwa katika shughuli mbalimbali za maendeleo hivyo ni lazima ardhi ikatengenezewa utaratibu madhubuti wa kuilinda na kuwa mradi huo wa uboreshaji wa usalama wa miliki za za ardhi ni suluhisho la tatizo hilo .



Alidai kuwa mradi huo ambao utadumu kwa muda wa miaka mitano ni lazima wahakikishe kuwa unaleta tija na miliki zitakazopatikana ziwasaidie Wananchi katika kujiletea maendeleo katika Nyanja mbalimbali kwani ardhi inagusa kila sekta.

Meneja msaidizi wa mradi huo toka makao ardhi Patrick Mwakilili alidai kuwa wao watahakikisha mradi huo wa( LTIP) unawafikia Wanananchi wote na kuona changamoto katika sekta hiyo ya ardhi inapungua kwa kiasi kikubwa hasa baada ya mpango wa matumizi sahihi ya ardhi utakapokamilika

Meneja huduma kwa wateja wa Bank ya NMB wilayani Nkasi Marijani James alidai kuwa mradi huo wa usalama wa miliki ardhi una fursa pia kwao kwa maana wataweza kutoa mikopo zaidi kwa Wananchi ikiwemo mikopo ya kilimo na ufugaji yenye riba ndogo sana ukilinganisha na mikopo ya aina nyingine.

Alifafanua kuwa mikopo ya kilimo na mifugo utozwa riba ya 9% ukilinganisha na riba ya mikopo ya biashara riba ni 21% na mingine riba 23% na kuwa kwa mwaka jana tu wa 2023 wameweza kutoa mikopo ya Bil.4 kwa Wakulima na wafugaji wa wilaya Nkasi na kuwa mpango huo wa urasimishaji ardhi kupitia mrati wa uboreshaji usalama wa miliki wa ardhi (LTIP) utawasaidia watu wengi ikiwa ni pamoja na taasisi za kifedha kuweza kutoa mikopo mingi kwa jamii na kujikwamua kiuchumi



Mwisho

Comments

Post a Comment

Popular posts from this blog

KAEGELE NA KAZUKAMWE WAIBUKA KIDEDEA KURA ZA MAONI CCM WILAYANI NKASI

Image
Na Israel Mwaisaka, Nkasi ‎ ‎Salum Kazukamwe na Moses Kaegele wameshinda katika Kura za maoni za kuwania Ubunge katika Majimbo mawili ya Nkasi Kaskazini na kusini yanayounda wilaya Nkasi ‎ ‎Akitoa taarifa juu ya zoezi zima la upigaji wa Kura za maoni lililofanyika Jana katibu wa CCM wilaya Nkasi Anastazia Almasi amesema kuwa wilaya Nkasi inaundwa na Majimbo mawili ya Uchaguzi na makada 10 wa CCM walifanikiwa kuingia katika kinyang'anyiro hicho na wawili hao kupenya kuweza kupeperusha bendera ya CCM kwenye uchaguzi mkuu unaotarajia kufanyika Oktoba 29,2025.. ‎ ‎Amesema kuwa kwa upande wa Jimbo la Nkasi Kaskazini Salumu Kazukamwe ameshinda kwa kupata Kura 2956 akifuatiwa na John Sichilima aliyepata kura 1471, Jonas Kifunda 560, Thomas Kalunga kura 320 na wa mwisho Ni David Siame aliyeambulia 137. ‎ ‎Kwa upande wa Jimbo la Nkasi kusini Moses Kaegele ameshinda kwa kupata Kura 3028 akifuatiwa na Vicent Mbogo aliyepata 1,623, Evarist Christopher Mwanansao Kura 465,Desderius Mipata Ku...
Read more

DIWANI KATA YA KALA AFARIKI DUNIA KWA UGONJWA WA KIHARUSI

Image
Na Israel Mwaisaka,Nkasi ‎DIWANI wa kata ya kala Wilayani Nkasi Privatus Yoramu (CCM) amefariki Dunia baada ya kuugua kwa muda mfupi . ‎ ‎Kwa mujibu wa taarifa iliyotolewa jana na Mwenyekiti wa halmashauri ya Wilaya Nkasi Richard Maasai ni kuwa tukio hilo limetokea Juzi jumatano majira ya saa 12 jioni wakati akipatiwa matibabu katika hospitali ya mkoa Rukwa. ‎ ‎Amesema kuwa marehemu amefariki kutokana na ugonjwa wa kiharusi na ugonjwa huo aliupata kutokana na ugonjwa uliokuwa umempata wa shinikizo la juu la damu (Pressure) na kupelekea mishipa ya damu kupasuka na hatimaye kupata ugonjwa wa Kiharusi uliopelelea umauti wake. ‎ ‎Mwenyekiti huyo wa halmashauri amefafanua kuwa majuzi aliongoza kikao Cha kamati ya elimu na afya kama Mwenyekiti na akiwa katika kikao hicho alizidiwa na ugonjwa na kukimbizwa katika hospitali ya Wilaya Nkasi ambapo alipewa huduma ya awali na kukimbizwa katika hospitali ya mkoa kwa matibabu zaidi . ‎ ‎Na amedai kuwa mazishi ya Diwani huyo yatafanyika kesho jumam...
Read more

Mke wa Mchungaji wa kanisa la EAGT ajinyonga akihofia deni lake la fedha za kanisa

Image
Na Israel Mwaisaka,Nkasi ‎ ‎Mwanamke aliyefahamika kwa jina la Joyce Baton Mwasumbi mkazi wa Kijiji Cha Kanazi wilayani Nkasi amefariki dunia baada ya kujinyonga kwa kutumia kanga chumbani kwake. ‎ ‎Akizungumzia tukio hilo Mwenyekiti wa Kijiji Cha Kanazi Rudis Ulaya amesema kuwa tukio la Mwanamke huyo ambaye ni mke wa Mchungaji wa kanisa la EAGT kujinyonga limetokea leo Jumatano Disemba 24,2025 majira ya saa 2 asubuhi baada ya Mumewe ambaye ni mchungaji kwenda kanisani kupalilia pembeni mwa jengo la kanisa hilo. ‎ ‎Amesema kuwa wakati Mumewe ambaye ni Mchungaji akiendelea na jukumu lake kanisani mkewe aliutumia mwanya huo kujitundika kwa kutumia kitenge na muda mfupi Mumewe aliingia chumbani huko na kumkuta Mkewe akiwa amejitundika juu huku akitapatapa kufa ndipo alipochukua kisu na kukikata kitenge hicho kwa lengo la kuokoa uhai wake lakini muda mfupi alipoteza maisha ‎ ‎Mwenyekiti huyo wa Kijiji amefafanua kuwa baada ya yeye kumhoji Mume wa marehemu Mchungaji Ibrahimu Mwaipopo alid...
Read more