KUKAMILIKA KWA BARABARA YA KAPELE-NDARAMBO KWAWAFURAHISHA WANANCHI


Na Ibrahim Yassin,Songwe.

Ukarabati wa barabara ya Kakozi_Ilonga enye urefu wa kilomita 49.6 Imeelezwa kuondoa adha kwa wananchi wa kata ya Kapele na Ndalambo wilayani Momba mkoani Songwe kutumia siku 5 mpaka 7 njiani kwenda katika wa Tunduma.

Ukarabati kwa barabara hiyo umekuja baada ya kupandishwa hadhi na kusimamiwa na Wakala wa Barabara Tanzania(TANROAD) Mkoa wa Songwe kutoka Wakala wa barabara za mijini na vijijini(Tarura).

Wakizungumza na Mwananchi kwa nyakati tofauti leo April 3/2024 baadhi ya wananchi wamesema barabara hiyo ilikuwa kero kiuchumi lakini kwa sasa imekuwa chachu ya maendeleo kwani inawafikisha maeneo muhimu ikiwemo mji wa Tunduma..

Mkazi wa kijiji cha Kakozi Godi Mtambo , amesema awali walikuwa wanatumia siku 5 mpaka 7 kufika Tunduma kutokana na ubovu wa barabara iliyokuwa ikiasababisha magari kukwama njiani wakisaka mahitaji muhimu.

"Barabara hii imekuwa mkombozi wakulima wengi wa Kata za Kapele na Ndalambo wameanza kunufaika kwa kusafirisha mazao ”amesema.

Neya Agnesi Sichalwe amesema wafanyabiashara walikuwa wanashindwa kufika kununua mazao wakihofia kukwama kwa magari yao ,hali ambayo ilipelekea uchumi wa wananchi kushuka.



Mtendaji wa kijiji cha Kakozi Maria Maketta amesema kuboreshwa kwa barabara hiyo itafungua fursa za kiuchumi kwa wananchi wa Sumbawanga vijijini na nchi jirani ya Zambia kupitia Wilaya ya Momba.

Diwani wa Kata ya Ndalambo Fravian Sichizya amesema awali barabara hiyo ilikuwa inasimamiwa Tarura lakini kwa sasa imepandishwa hadhi na kusimamiwa na Tanroad Mkoa wa Songwe ambao wameanza mchakato wa kuboresha.

Sichizya amesema awali barabara hiyo haikuwa inapitika mwaka mzima na kuleta adha kwa wananchi kusafirisha mazao yao kama Mahindi,Mpunga, Karanga na Mtama ambao ndio kitega uchumi chao kikubwa.

"Serikali inatakiwa kuiweka kwenye bajeti barabara hiyo ijengwe kwa kiwango cha rami ili kukuza uchumi wa wananchi na nchi Jirani ya Zambia kusafirisha mazao .

Kwa upande wake Meneja wa Wakala Barabara Tanzania Mkoa wa Songwe Mhandisi Suleiman Bishanga amesema kabla ya kupandishwa hadhi barabara hiyo wananchi walikuwa wanashindwa kusafirisha mazao kutoka nchi jirani ya zambia eneo la Kasesa na wananchi wa wilaya ya Momba na Rukwa wilaya ya Sumbawanga vijijini.

"Licha ya kukarabati barabara hiyo Kuna maeneo korofi ambayo kwa sasa wakandarasi wapo eneo la kazi kurekebisha na kuhakikisha yanapitia wotena kukuza uchumi kwa wananchi wanaotegemea kilimo kusafirisha mazao yao," amesema mhandisi Bishanga.

Katika hatua nyingine Mhandisi Bishanga amesema wakala wa Barabara Tanzania mkoa wa Songwe kwa miaka mitatu ya Rais Samia kuwa madarakani wamepokeza fedha zaidi ya Sh .170 bilioni amabazo zimetumika kwenye matengenezo ya Barbara kuu, mkoa na madaraja likiwepo daraja la mto Momba


Comments

Post a Comment

Popular posts from this blog

KAEGELE NA KAZUKAMWE WAIBUKA KIDEDEA KURA ZA MAONI CCM WILAYANI NKASI

Image
Na Israel Mwaisaka, Nkasi ‎ ‎Salum Kazukamwe na Moses Kaegele wameshinda katika Kura za maoni za kuwania Ubunge katika Majimbo mawili ya Nkasi Kaskazini na kusini yanayounda wilaya Nkasi ‎ ‎Akitoa taarifa juu ya zoezi zima la upigaji wa Kura za maoni lililofanyika Jana katibu wa CCM wilaya Nkasi Anastazia Almasi amesema kuwa wilaya Nkasi inaundwa na Majimbo mawili ya Uchaguzi na makada 10 wa CCM walifanikiwa kuingia katika kinyang'anyiro hicho na wawili hao kupenya kuweza kupeperusha bendera ya CCM kwenye uchaguzi mkuu unaotarajia kufanyika Oktoba 29,2025.. ‎ ‎Amesema kuwa kwa upande wa Jimbo la Nkasi Kaskazini Salumu Kazukamwe ameshinda kwa kupata Kura 2956 akifuatiwa na John Sichilima aliyepata kura 1471, Jonas Kifunda 560, Thomas Kalunga kura 320 na wa mwisho Ni David Siame aliyeambulia 137. ‎ ‎Kwa upande wa Jimbo la Nkasi kusini Moses Kaegele ameshinda kwa kupata Kura 3028 akifuatiwa na Vicent Mbogo aliyepata 1,623, Evarist Christopher Mwanansao Kura 465,Desderius Mipata Ku...
Read more

DIWANI KATA YA KALA AFARIKI DUNIA KWA UGONJWA WA KIHARUSI

Image
Na Israel Mwaisaka,Nkasi ‎DIWANI wa kata ya kala Wilayani Nkasi Privatus Yoramu (CCM) amefariki Dunia baada ya kuugua kwa muda mfupi . ‎ ‎Kwa mujibu wa taarifa iliyotolewa jana na Mwenyekiti wa halmashauri ya Wilaya Nkasi Richard Maasai ni kuwa tukio hilo limetokea Juzi jumatano majira ya saa 12 jioni wakati akipatiwa matibabu katika hospitali ya mkoa Rukwa. ‎ ‎Amesema kuwa marehemu amefariki kutokana na ugonjwa wa kiharusi na ugonjwa huo aliupata kutokana na ugonjwa uliokuwa umempata wa shinikizo la juu la damu (Pressure) na kupelekea mishipa ya damu kupasuka na hatimaye kupata ugonjwa wa Kiharusi uliopelelea umauti wake. ‎ ‎Mwenyekiti huyo wa halmashauri amefafanua kuwa majuzi aliongoza kikao Cha kamati ya elimu na afya kama Mwenyekiti na akiwa katika kikao hicho alizidiwa na ugonjwa na kukimbizwa katika hospitali ya Wilaya Nkasi ambapo alipewa huduma ya awali na kukimbizwa katika hospitali ya mkoa kwa matibabu zaidi . ‎ ‎Na amedai kuwa mazishi ya Diwani huyo yatafanyika kesho jumam...
Read more

Mke wa Mchungaji wa kanisa la EAGT ajinyonga akihofia deni lake la fedha za kanisa

Image
Na Israel Mwaisaka,Nkasi ‎ ‎Mwanamke aliyefahamika kwa jina la Joyce Baton Mwasumbi mkazi wa Kijiji Cha Kanazi wilayani Nkasi amefariki dunia baada ya kujinyonga kwa kutumia kanga chumbani kwake. ‎ ‎Akizungumzia tukio hilo Mwenyekiti wa Kijiji Cha Kanazi Rudis Ulaya amesema kuwa tukio la Mwanamke huyo ambaye ni mke wa Mchungaji wa kanisa la EAGT kujinyonga limetokea leo Jumatano Disemba 24,2025 majira ya saa 2 asubuhi baada ya Mumewe ambaye ni mchungaji kwenda kanisani kupalilia pembeni mwa jengo la kanisa hilo. ‎ ‎Amesema kuwa wakati Mumewe ambaye ni Mchungaji akiendelea na jukumu lake kanisani mkewe aliutumia mwanya huo kujitundika kwa kutumia kitenge na muda mfupi Mumewe aliingia chumbani huko na kumkuta Mkewe akiwa amejitundika juu huku akitapatapa kufa ndipo alipochukua kisu na kukikata kitenge hicho kwa lengo la kuokoa uhai wake lakini muda mfupi alipoteza maisha ‎ ‎Mwenyekiti huyo wa Kijiji amefafanua kuwa baada ya yeye kumhoji Mume wa marehemu Mchungaji Ibrahimu Mwaipopo alid...
Read more