TAG kuadhimisha miaka 85 toka kuanzishwa kwake kwa mafanikio makubwa

Na Israel Mwaisaka,Nkasi


KANISA la Assemblies Of God Tanzania (TAG) wilaya Nkasi mkoani Rukwa linatarajia kufanya matendo mbalimbali ya kijamii na ya huruma katika kuelekea maadhimisho ya miaka 85 toka kuanzishwa kwa kanisa hilo hapa Nchini.

Akizungumza na Waandishi wa habari jana Makamo mwenyekiti mwangalizi wa kanisa hilo sehemu ya Nkasi na mchunbgaji wa kanisa hilo Nkomolo Efraimu Lyandulu amesema kuwa wao kama kanisa katika kuelekea maadhimisho ya miaka 85 ya kanisa hilo watashiriki katika shughuli mbalimbali za kijamii ikiwa ni pamoja na kufanya matendo mbalimbali ya huruma.

Amesema kuwa kwanza wanatarajia kutoa mifuko 10 ya saruji kwa shule ya msingi Nkomolo kama sehemu ya mchango wao kuchangia nguvu za wananchi katika ujenzi wa shule hiyo ikiwa ni pamoja na kwenda kuwatizama Wafungwa katika gereza la Kitete liliopo wilayani Nkasi.

Alidai kuwa kanisa kama taasisi ukiachana na mambo ya kiroho ambayo yamekuwa yakifanyika kwa asilimia kubwa lakini pia linalo jukumu la kuhakikisha maisha ya jamii yanakua bora kwa kuhakikisha huduma za kijamii zinapatikana ikiwa ni pamoja na jamii kuhakikisha kuwa wanafanya kazi na kuweza kujiletea maendeleo.

Mchungaji Lyandulu amefafanua kuwa kanisa hilo limeanza rasmi hapa nchini toka mwaka 1939 na lilianzia Igale jijini Mbeya chini ya Mmisionari wa kwanza wa kujitegemea kutokea Marekani Paul Derry na kanisa hilo likaendelea kukua Nchi nzima na kuendelea kuhubiri injili na kukemea maovu katika jamii.

Amesema kuwa kanisa la TAG katika miaka 85 limefanikiwa kwa kiasi kikubwa katika kuhubiri na kukemea mabaya ambayo yamekua yakijitokeza katika jamii kama vile Ulevi,uwizi,Uvivu,ushirikina na mtendo mengine mabaya yanayofanana na hayo katika kuleta utengamano katika taifa ikiwa ni pamoja na kuziponya roho za Watu ili mwisho wa siku waweze kuurithi ufalme wa Mungu.

Pia amedai kuwa kanisa hilo limeendelea kukua katika maeneo mbalimbali ya wilaya Nkasi na kuwa ambapo kwa sasa limeenea katika maeneo mbalimbali na mpaka sasa wana maeneo Manne ya kanisa hilo ambalo ni Namanyere Magharibi,Eneo la Kasikazini,Eneo la kusini ikiwa ni pamoja na eneo la Chala.



Kanisa hilo la TAG toka kuanzishwa kwake hadi sasa limeongozwa na viongozi wakuu wa kitaifa Watatu ambao ni Askofu Emmanuel Razaro,Ranuel Mwanisongole na Dkt,Barnabasi Mtokambali ambaye ndiye anayeliongoza kanisa hilo hadi sasa.


Comments

Post a Comment

Popular posts from this blog

KAEGELE NA KAZUKAMWE WAIBUKA KIDEDEA KURA ZA MAONI CCM WILAYANI NKASI

Image
Na Israel Mwaisaka, Nkasi ‎ ‎Salum Kazukamwe na Moses Kaegele wameshinda katika Kura za maoni za kuwania Ubunge katika Majimbo mawili ya Nkasi Kaskazini na kusini yanayounda wilaya Nkasi ‎ ‎Akitoa taarifa juu ya zoezi zima la upigaji wa Kura za maoni lililofanyika Jana katibu wa CCM wilaya Nkasi Anastazia Almasi amesema kuwa wilaya Nkasi inaundwa na Majimbo mawili ya Uchaguzi na makada 10 wa CCM walifanikiwa kuingia katika kinyang'anyiro hicho na wawili hao kupenya kuweza kupeperusha bendera ya CCM kwenye uchaguzi mkuu unaotarajia kufanyika Oktoba 29,2025.. ‎ ‎Amesema kuwa kwa upande wa Jimbo la Nkasi Kaskazini Salumu Kazukamwe ameshinda kwa kupata Kura 2956 akifuatiwa na John Sichilima aliyepata kura 1471, Jonas Kifunda 560, Thomas Kalunga kura 320 na wa mwisho Ni David Siame aliyeambulia 137. ‎ ‎Kwa upande wa Jimbo la Nkasi kusini Moses Kaegele ameshinda kwa kupata Kura 3028 akifuatiwa na Vicent Mbogo aliyepata 1,623, Evarist Christopher Mwanansao Kura 465,Desderius Mipata Ku...
Read more

DIWANI KATA YA KALA AFARIKI DUNIA KWA UGONJWA WA KIHARUSI

Image
Na Israel Mwaisaka,Nkasi ‎DIWANI wa kata ya kala Wilayani Nkasi Privatus Yoramu (CCM) amefariki Dunia baada ya kuugua kwa muda mfupi . ‎ ‎Kwa mujibu wa taarifa iliyotolewa jana na Mwenyekiti wa halmashauri ya Wilaya Nkasi Richard Maasai ni kuwa tukio hilo limetokea Juzi jumatano majira ya saa 12 jioni wakati akipatiwa matibabu katika hospitali ya mkoa Rukwa. ‎ ‎Amesema kuwa marehemu amefariki kutokana na ugonjwa wa kiharusi na ugonjwa huo aliupata kutokana na ugonjwa uliokuwa umempata wa shinikizo la juu la damu (Pressure) na kupelekea mishipa ya damu kupasuka na hatimaye kupata ugonjwa wa Kiharusi uliopelelea umauti wake. ‎ ‎Mwenyekiti huyo wa halmashauri amefafanua kuwa majuzi aliongoza kikao Cha kamati ya elimu na afya kama Mwenyekiti na akiwa katika kikao hicho alizidiwa na ugonjwa na kukimbizwa katika hospitali ya Wilaya Nkasi ambapo alipewa huduma ya awali na kukimbizwa katika hospitali ya mkoa kwa matibabu zaidi . ‎ ‎Na amedai kuwa mazishi ya Diwani huyo yatafanyika kesho jumam...
Read more

Mke wa Mchungaji wa kanisa la EAGT ajinyonga akihofia deni lake la fedha za kanisa

Image
Na Israel Mwaisaka,Nkasi ‎ ‎Mwanamke aliyefahamika kwa jina la Joyce Baton Mwasumbi mkazi wa Kijiji Cha Kanazi wilayani Nkasi amefariki dunia baada ya kujinyonga kwa kutumia kanga chumbani kwake. ‎ ‎Akizungumzia tukio hilo Mwenyekiti wa Kijiji Cha Kanazi Rudis Ulaya amesema kuwa tukio la Mwanamke huyo ambaye ni mke wa Mchungaji wa kanisa la EAGT kujinyonga limetokea leo Jumatano Disemba 24,2025 majira ya saa 2 asubuhi baada ya Mumewe ambaye ni mchungaji kwenda kanisani kupalilia pembeni mwa jengo la kanisa hilo. ‎ ‎Amesema kuwa wakati Mumewe ambaye ni Mchungaji akiendelea na jukumu lake kanisani mkewe aliutumia mwanya huo kujitundika kwa kutumia kitenge na muda mfupi Mumewe aliingia chumbani huko na kumkuta Mkewe akiwa amejitundika juu huku akitapatapa kufa ndipo alipochukua kisu na kukikata kitenge hicho kwa lengo la kuokoa uhai wake lakini muda mfupi alipoteza maisha ‎ ‎Mwenyekiti huyo wa Kijiji amefafanua kuwa baada ya yeye kumhoji Mume wa marehemu Mchungaji Ibrahimu Mwaipopo alid...
Read more