Wafanyabiashara wa minadani waonywa kupanda malori bali wapande mabasi ya abiria




Na Israel Mwaisaka,Nkasi

KAMANDA wa Polisi mkoani Rukwa Shadrack Masija amewataka Wafanyabiashara za minadani kuacha mara Moja kupanda magari ya mizigo wanapokwenda kwenye biashara zao Bali wajitenganishe na mizigo kwa kupanda mabasi ya abiria.

Akizungumza na Wananchi wa wilaya Nkasi Leo chini ya Programme ya Polisi jamii kupitia mazoezi ya utimamu (Jogging) amesema kuwa kumekuwepo na utamaduni wa Wafanyabiashara wa kupanda magari ya mizigo kwenda minadani na kuwa wengi wamefariki au kujeruhiwa inapotokea ajali na kuwa sasa iwe mwisho kufanya hivyo na kinachotakiwa sasa ni kuisafirisha mizigo kwenye maloli na wao wasafiri kwenye mabasi ya abiria kufuata mizigo Yao.

Alisema kuwa ni kosa kubwa kwa Wafanyabiashara kuchanganyana na mizigo kwenye maloli na kuwa maelekezo yalikwishatolewa kwa viongozi wao na kuwa atakayeendelea kupanda kwenye mabasi atakua anakaidi maagizo halali ya serikali na kuwa hayo yanalenga kuwafanya Wafanyabiashara wanakua salama wakati wote kutokana na umuhimu wao katika jamii.

Sambamba na Hilo ameagiza Wafanyabiashara za mifugo kuhakikisha kuwa Kila mnyama anakuwa na kibali chake na kuachana na ule utamaduni wa kuuza ng'ombe 20 kwa kibali kimoja na kuwa sasa ukikamatwa una kibali kimoja wakati una mifugo mingi utakamatwa na kufikishwa mahakamani kwa kosa la wizi wa mifugo.

"Ni mwiko kuuza mifugo mingi kwa kibali kimoja ukiwa na Mbuzi 20 Kila Moja iwe na kibali chake,Ng'ombe 10 Kila Moja awe na kibali chake na hats kwa mfanyabiashara wa bucha tukimkuta anauza nyama ya Ng'ombe tuone kibali Cha Ng'ombe huyo na SI kusema nilinunua kwa kibali kimoja kwa Hilo hatutaelewana" alisema Kamanda Masija.




Mwenyekiti wa Wafanyabiashara za minadani Samsoni Njeyanje kwa upande wake amesema kuwa agizo Hilo wao kama Wafanyabiashara walishaanza kulitekeleza na kuwa malori yamewaumiza sana Wafanyabiashara kwa maana wengi wamepoteza maisha na wengine wengi kupata ulemavu wa kudumu na kuwa Toka waanze kuitekeleza Sheria hiyo ajali zimepotea kabisa na wao sasa wapo salama .

Alisema kuwa wengi ya Wafanyabiashara walikua wanapanda malori kuchanganyana na mizigo wakidhani kufanya hivyo ni kubana bajeti lakini matokeo ya ajali,vifo na ulemavu uliokuwa unawapata pale inapotokea ajali kumewafanya wenyewe kuona umuhimu wa kupanda kwenye mabasi ya abiria na kujiona wapo salama kwa sasa.

Pia mkaguzi msaidizi wa Polisi wilayani Nkasi Masud Bakari alidai kuwa dhana ya Polisi jamii imelenga kusogeza huduma ya ulinzi kwa jamii Ili kuweza kuwafichua wahalifu kwa haraka na kufikishwa kwenye vyombo vya Sheria na kubwa ni kutaka kuona uhalifu unadhibitiwa hats kabla ya kufanyika.


Na aligusia na suala la ukatili wa kijinsia ambapo alidai kuwa hivi karibuni zimemalizika siku 16 za kupinga ukatili na kuwa ukatili unafanyika ndani ya jamii na kuomba kwa Kila Moja kuwajibika kwa kutoa taarifa kwenye mamlaka husika Ili kuweza kukabiliana na vitendo hivyo vya ukatili.



Comments

Post a Comment

Popular posts from this blog

KAEGELE NA KAZUKAMWE WAIBUKA KIDEDEA KURA ZA MAONI CCM WILAYANI NKASI

Image
Na Israel Mwaisaka, Nkasi ‎ ‎Salum Kazukamwe na Moses Kaegele wameshinda katika Kura za maoni za kuwania Ubunge katika Majimbo mawili ya Nkasi Kaskazini na kusini yanayounda wilaya Nkasi ‎ ‎Akitoa taarifa juu ya zoezi zima la upigaji wa Kura za maoni lililofanyika Jana katibu wa CCM wilaya Nkasi Anastazia Almasi amesema kuwa wilaya Nkasi inaundwa na Majimbo mawili ya Uchaguzi na makada 10 wa CCM walifanikiwa kuingia katika kinyang'anyiro hicho na wawili hao kupenya kuweza kupeperusha bendera ya CCM kwenye uchaguzi mkuu unaotarajia kufanyika Oktoba 29,2025.. ‎ ‎Amesema kuwa kwa upande wa Jimbo la Nkasi Kaskazini Salumu Kazukamwe ameshinda kwa kupata Kura 2956 akifuatiwa na John Sichilima aliyepata kura 1471, Jonas Kifunda 560, Thomas Kalunga kura 320 na wa mwisho Ni David Siame aliyeambulia 137. ‎ ‎Kwa upande wa Jimbo la Nkasi kusini Moses Kaegele ameshinda kwa kupata Kura 3028 akifuatiwa na Vicent Mbogo aliyepata 1,623, Evarist Christopher Mwanansao Kura 465,Desderius Mipata Ku...
Read more

DIWANI KATA YA KALA AFARIKI DUNIA KWA UGONJWA WA KIHARUSI

Image
Na Israel Mwaisaka,Nkasi ‎DIWANI wa kata ya kala Wilayani Nkasi Privatus Yoramu (CCM) amefariki Dunia baada ya kuugua kwa muda mfupi . ‎ ‎Kwa mujibu wa taarifa iliyotolewa jana na Mwenyekiti wa halmashauri ya Wilaya Nkasi Richard Maasai ni kuwa tukio hilo limetokea Juzi jumatano majira ya saa 12 jioni wakati akipatiwa matibabu katika hospitali ya mkoa Rukwa. ‎ ‎Amesema kuwa marehemu amefariki kutokana na ugonjwa wa kiharusi na ugonjwa huo aliupata kutokana na ugonjwa uliokuwa umempata wa shinikizo la juu la damu (Pressure) na kupelekea mishipa ya damu kupasuka na hatimaye kupata ugonjwa wa Kiharusi uliopelelea umauti wake. ‎ ‎Mwenyekiti huyo wa halmashauri amefafanua kuwa majuzi aliongoza kikao Cha kamati ya elimu na afya kama Mwenyekiti na akiwa katika kikao hicho alizidiwa na ugonjwa na kukimbizwa katika hospitali ya Wilaya Nkasi ambapo alipewa huduma ya awali na kukimbizwa katika hospitali ya mkoa kwa matibabu zaidi . ‎ ‎Na amedai kuwa mazishi ya Diwani huyo yatafanyika kesho jumam...
Read more

Mke wa Mchungaji wa kanisa la EAGT ajinyonga akihofia deni lake la fedha za kanisa

Image
Na Israel Mwaisaka,Nkasi ‎ ‎Mwanamke aliyefahamika kwa jina la Joyce Baton Mwasumbi mkazi wa Kijiji Cha Kanazi wilayani Nkasi amefariki dunia baada ya kujinyonga kwa kutumia kanga chumbani kwake. ‎ ‎Akizungumzia tukio hilo Mwenyekiti wa Kijiji Cha Kanazi Rudis Ulaya amesema kuwa tukio la Mwanamke huyo ambaye ni mke wa Mchungaji wa kanisa la EAGT kujinyonga limetokea leo Jumatano Disemba 24,2025 majira ya saa 2 asubuhi baada ya Mumewe ambaye ni mchungaji kwenda kanisani kupalilia pembeni mwa jengo la kanisa hilo. ‎ ‎Amesema kuwa wakati Mumewe ambaye ni Mchungaji akiendelea na jukumu lake kanisani mkewe aliutumia mwanya huo kujitundika kwa kutumia kitenge na muda mfupi Mumewe aliingia chumbani huko na kumkuta Mkewe akiwa amejitundika juu huku akitapatapa kufa ndipo alipochukua kisu na kukikata kitenge hicho kwa lengo la kuokoa uhai wake lakini muda mfupi alipoteza maisha ‎ ‎Mwenyekiti huyo wa Kijiji amefafanua kuwa baada ya yeye kumhoji Mume wa marehemu Mchungaji Ibrahimu Mwaipopo alid...
Read more