Serikali kuwalipa wakulima wa mahindi fedha zao Oktoba 30

Na Israel Mwaisaka,Rukwa



KATIBU mkuu wa Chama Cha Mapinduzi (CCM) taifa Daniel Chongolo amewataka Wakulima waliouzia mahindi serikali kupitia NFRA wawe na subira kwani mchakato unaendelea na malipo yanaweza kufanyika Oktoba 30 ya mwaka huu.

Ameitoa ahadi hiyo jana katika kijiji cha Ntalamila kata ya Myula wilayani Nkasi alipokuwa akizungumza kwenye mkutano wa hadhara baada ya mbunge wa jimbo la Nkasi kusini Vicent Mbogo kumweleza Chongolo kuwa kilio cha watu wengi katika eneo hilo ni malipo ya mahindi waliyoiuzia serikali.

Mbunge katika maelezo yake alisema kuwa wakazi wa wilaya Nkasi ni Wakulima na maisha yao kwa asilimia kubwa yanategemea kilimo na kuwa kitendo cha wao kutolipwa fedha zao kwa wakati kinawaumiza na kushindwa kufanya maandalizi ya kilimo katika msimu ujao wa kilimo kwa kununua pembejeo kwa wakati.

Kufuatia hari hiyo katibu mkuu wa CCM taifa Daniel Chongolo alitoa ahadi kuwa ifikapo Oktoba 30 ya mwaka huu wakulima watakua wamelipwa fedha zao na kuwa hiyo ni kero kubwa ambayo serikali imekua ikiishughulikia kwa wakati.

Na aliagiza kuwa sasa maduka ya kuuza mbolea ya ruzuku yasambazwe hadi vijijini ambako kuna Wakulima badala ya maduka hayo kusalia mijini na kuwapa shida wakulima kufuata mbolea hizo umbali mrefu.

Pia aliwapongeza wakazi wa kata ya Myula na wilaya Nkasi kwa ujumla kwa kuutambua umuhimu wa elimu baada ya kubaini kuwa wazazi wanao mwamko mkubwa wa kuwapeleka shule Watoto wao na kuwa msimamo huo waendelee kuwa nao kwani elimu ndiyo msingi wa kila kitu.

Lakini pia alizizungumzia barabara za Wampembe,Nkana -Kala na ya King’ombe –Mpasa kuwa serikali imeendelea kuzifanyia kazi na ndiyo maana kuna mabadiliko makubwa sasa ukilinganisha na siku za nyuma na kuwa wataendelea kutenga fedha katika barabara hizo walau ziweze kufanana na barabara nyingine hapa Nchini



Katika ziara hiyo ya siku 4 aliyoianza mkoani Rukwa jana akiwa wilayani Nkasi aliweza kukagua ujenzi wa shule ya sekondari Paramawe,Bwawa la maji la Mfiri,alikutana na mabalozi kwenye shina namba 3 kipundu,ukaguzi wa ujenzi wa hospitali ya wilaya,ujenzi wa shule ya msingi Ntalamila ikiwa ni pamoja na kuzungumza na Madiwani na watu wa makundi mbalimbali.



Comments

Post a Comment

Popular posts from this blog

KAEGELE NA KAZUKAMWE WAIBUKA KIDEDEA KURA ZA MAONI CCM WILAYANI NKASI

Image
Na Israel Mwaisaka, Nkasi ‎ ‎Salum Kazukamwe na Moses Kaegele wameshinda katika Kura za maoni za kuwania Ubunge katika Majimbo mawili ya Nkasi Kaskazini na kusini yanayounda wilaya Nkasi ‎ ‎Akitoa taarifa juu ya zoezi zima la upigaji wa Kura za maoni lililofanyika Jana katibu wa CCM wilaya Nkasi Anastazia Almasi amesema kuwa wilaya Nkasi inaundwa na Majimbo mawili ya Uchaguzi na makada 10 wa CCM walifanikiwa kuingia katika kinyang'anyiro hicho na wawili hao kupenya kuweza kupeperusha bendera ya CCM kwenye uchaguzi mkuu unaotarajia kufanyika Oktoba 29,2025.. ‎ ‎Amesema kuwa kwa upande wa Jimbo la Nkasi Kaskazini Salumu Kazukamwe ameshinda kwa kupata Kura 2956 akifuatiwa na John Sichilima aliyepata kura 1471, Jonas Kifunda 560, Thomas Kalunga kura 320 na wa mwisho Ni David Siame aliyeambulia 137. ‎ ‎Kwa upande wa Jimbo la Nkasi kusini Moses Kaegele ameshinda kwa kupata Kura 3028 akifuatiwa na Vicent Mbogo aliyepata 1,623, Evarist Christopher Mwanansao Kura 465,Desderius Mipata Ku...
Read more

DIWANI KATA YA KALA AFARIKI DUNIA KWA UGONJWA WA KIHARUSI

Image
Na Israel Mwaisaka,Nkasi ‎DIWANI wa kata ya kala Wilayani Nkasi Privatus Yoramu (CCM) amefariki Dunia baada ya kuugua kwa muda mfupi . ‎ ‎Kwa mujibu wa taarifa iliyotolewa jana na Mwenyekiti wa halmashauri ya Wilaya Nkasi Richard Maasai ni kuwa tukio hilo limetokea Juzi jumatano majira ya saa 12 jioni wakati akipatiwa matibabu katika hospitali ya mkoa Rukwa. ‎ ‎Amesema kuwa marehemu amefariki kutokana na ugonjwa wa kiharusi na ugonjwa huo aliupata kutokana na ugonjwa uliokuwa umempata wa shinikizo la juu la damu (Pressure) na kupelekea mishipa ya damu kupasuka na hatimaye kupata ugonjwa wa Kiharusi uliopelelea umauti wake. ‎ ‎Mwenyekiti huyo wa halmashauri amefafanua kuwa majuzi aliongoza kikao Cha kamati ya elimu na afya kama Mwenyekiti na akiwa katika kikao hicho alizidiwa na ugonjwa na kukimbizwa katika hospitali ya Wilaya Nkasi ambapo alipewa huduma ya awali na kukimbizwa katika hospitali ya mkoa kwa matibabu zaidi . ‎ ‎Na amedai kuwa mazishi ya Diwani huyo yatafanyika kesho jumam...
Read more

Mke wa Mchungaji wa kanisa la EAGT ajinyonga akihofia deni lake la fedha za kanisa

Image
Na Israel Mwaisaka,Nkasi ‎ ‎Mwanamke aliyefahamika kwa jina la Joyce Baton Mwasumbi mkazi wa Kijiji Cha Kanazi wilayani Nkasi amefariki dunia baada ya kujinyonga kwa kutumia kanga chumbani kwake. ‎ ‎Akizungumzia tukio hilo Mwenyekiti wa Kijiji Cha Kanazi Rudis Ulaya amesema kuwa tukio la Mwanamke huyo ambaye ni mke wa Mchungaji wa kanisa la EAGT kujinyonga limetokea leo Jumatano Disemba 24,2025 majira ya saa 2 asubuhi baada ya Mumewe ambaye ni mchungaji kwenda kanisani kupalilia pembeni mwa jengo la kanisa hilo. ‎ ‎Amesema kuwa wakati Mumewe ambaye ni Mchungaji akiendelea na jukumu lake kanisani mkewe aliutumia mwanya huo kujitundika kwa kutumia kitenge na muda mfupi Mumewe aliingia chumbani huko na kumkuta Mkewe akiwa amejitundika juu huku akitapatapa kufa ndipo alipochukua kisu na kukikata kitenge hicho kwa lengo la kuokoa uhai wake lakini muda mfupi alipoteza maisha ‎ ‎Mwenyekiti huyo wa Kijiji amefafanua kuwa baada ya yeye kumhoji Mume wa marehemu Mchungaji Ibrahimu Mwaipopo alid...
Read more