Viongozo CCM Rukwa watimuana kwa usaliti











Na Israel Mwaisaka
Sumbawanga

CHAMA cha Mapinduzi (CCM) mkoani Rukwa kimewasimamisha uongozi viongozi wa chama hicho wanao tuhumiwa kukihujumu kwa kuwauzia kadi za Kieletroniki viongozi wa Chama cha Demokrasia na Maendeleo (Chadema) ili wazitumie katika mikakati yao ya kisiasa.

Akitoa taarifa hiyo mwishoni mwa wiki Jana, Katibu wa Itikadi na uenezi wa chama hicho, Godfrey Mwanisawa alisema viongozi hao walikua wakichukua kadi za wanachama na kumuuzia Mwenyekiti wa Chadema mkoa wa Rukwa, Sadrick Malila, maarufu kwa jina la Ikuwo ili atangaze kuwa wanachama hao wamehamia Chadema na wamerudisha kadi za CCM.

Amesema kuwa baadhi ya kadi hizo ni ya aliyekuwa mwana CCM mkongwe marehemu Chrisant Mzindakaya pia marehemu Zuberi Kauzeni ambaye alikua mwenyekiti wa Jumuia ya wazazi tawi la King'ombe Kata ya Majengo pamoja na kadi za Wanachama wengine ambao wamehama mkoani Rukwa.

Katibu Mwenezi huyo amesema kuwa baadhi ya viongozi hao wa CCM waliokuwa wakiuza kadi hizo ni Chriss Mwalwanda ambaye ni Katibu kata ya Majengo, Alexander Kasongo Katibu wa Siasa na uenezi kata ya Majengo pamoja na Paul Kawambula Katibu wa UVCCM kata ya Majengo ambao wamesimamishwa ili kupisha uchunguzi wa tuhuma hizo.

"Siku ya Octoba 2 Mwenyekiti huyo wa Chadema mkoa wa Rukwa aliita vyombo vya habari na kuonesha kadi za kieletroniki za Wanachama wa CCM akidai kuwa wamerudisha kadi hizo na kujiunga na Chadema, kumbe baadhi yao walikua ni marehemu na wengine wamehama mkoa ambazo aliuziwa na viongozi hao wanao tuhumiwa" alisema Mwanisawa.

Alisema kuwa kwa kitendo hicho alichofanya Mwenyekiti wa Chadema si sawa kwani mwanachama anayetakiwa kurudisha kadi anapaswa akabidhi yeye mwenyewe katika ofisi ya chama anachohamia ama katika mkutano wa hadhara wa chama lakini kilicho fanyika ni Siasa chafu zisizo na tija katika nyakati hizi ambazo Wanachama wanauelewa mkubwa wa masuala ya kisiasa.



Aliongeza kuwa kutokana na maendeleo makubwa yaliyofanywa na serikali ya CCM hakuna mwanachama atakaye rudisha kadi yake kizembe hivyo Wanachama wa chama hicho mkoa wa Rukwa wanatakiwa kutulia washikamane na wawe na umoja kwani CCM ipo imara na haita tetereka kwa propaganda hizo chafu.

Kwa upande wake Katibu wa CCM wilaya ya Sumbawanga, Tabu Hussein alisema kuwa kwa kawaida kadi za Wanachama baada ya kutengeneza ngazi ya taifa zinatumwa kwa viongozi wa mkoa, nao wanazipeleka ngazi ya wilaya na wao huzikabidhi kwa viongozi wa Kata ndio hao viongozi waliokuwa wakimuuzia kiongozi huyo wa Chadema.

Amesema kuwa tayari chama hicho kimeanzisha uchunguzi kwa viongozi hao wasio waadilifu pia kitachukua hatua kupitia wanasheria wa chama kwa mwanasiasa huyo wa upinzania aliyekuwa akifanya siasa chafu na kamwe CCM wilaya haitavumilia kuona wanasiasa wakiharibu nia yake nzuri ya kushinda chaguzi zijazo.

Comments

Post a Comment

Popular posts from this blog

KAEGELE NA KAZUKAMWE WAIBUKA KIDEDEA KURA ZA MAONI CCM WILAYANI NKASI

Image
Na Israel Mwaisaka, Nkasi ‎ ‎Salum Kazukamwe na Moses Kaegele wameshinda katika Kura za maoni za kuwania Ubunge katika Majimbo mawili ya Nkasi Kaskazini na kusini yanayounda wilaya Nkasi ‎ ‎Akitoa taarifa juu ya zoezi zima la upigaji wa Kura za maoni lililofanyika Jana katibu wa CCM wilaya Nkasi Anastazia Almasi amesema kuwa wilaya Nkasi inaundwa na Majimbo mawili ya Uchaguzi na makada 10 wa CCM walifanikiwa kuingia katika kinyang'anyiro hicho na wawili hao kupenya kuweza kupeperusha bendera ya CCM kwenye uchaguzi mkuu unaotarajia kufanyika Oktoba 29,2025.. ‎ ‎Amesema kuwa kwa upande wa Jimbo la Nkasi Kaskazini Salumu Kazukamwe ameshinda kwa kupata Kura 2956 akifuatiwa na John Sichilima aliyepata kura 1471, Jonas Kifunda 560, Thomas Kalunga kura 320 na wa mwisho Ni David Siame aliyeambulia 137. ‎ ‎Kwa upande wa Jimbo la Nkasi kusini Moses Kaegele ameshinda kwa kupata Kura 3028 akifuatiwa na Vicent Mbogo aliyepata 1,623, Evarist Christopher Mwanansao Kura 465,Desderius Mipata Ku...
Read more

DIWANI KATA YA KALA AFARIKI DUNIA KWA UGONJWA WA KIHARUSI

Image
Na Israel Mwaisaka,Nkasi ‎DIWANI wa kata ya kala Wilayani Nkasi Privatus Yoramu (CCM) amefariki Dunia baada ya kuugua kwa muda mfupi . ‎ ‎Kwa mujibu wa taarifa iliyotolewa jana na Mwenyekiti wa halmashauri ya Wilaya Nkasi Richard Maasai ni kuwa tukio hilo limetokea Juzi jumatano majira ya saa 12 jioni wakati akipatiwa matibabu katika hospitali ya mkoa Rukwa. ‎ ‎Amesema kuwa marehemu amefariki kutokana na ugonjwa wa kiharusi na ugonjwa huo aliupata kutokana na ugonjwa uliokuwa umempata wa shinikizo la juu la damu (Pressure) na kupelekea mishipa ya damu kupasuka na hatimaye kupata ugonjwa wa Kiharusi uliopelelea umauti wake. ‎ ‎Mwenyekiti huyo wa halmashauri amefafanua kuwa majuzi aliongoza kikao Cha kamati ya elimu na afya kama Mwenyekiti na akiwa katika kikao hicho alizidiwa na ugonjwa na kukimbizwa katika hospitali ya Wilaya Nkasi ambapo alipewa huduma ya awali na kukimbizwa katika hospitali ya mkoa kwa matibabu zaidi . ‎ ‎Na amedai kuwa mazishi ya Diwani huyo yatafanyika kesho jumam...
Read more

Mke wa Mchungaji wa kanisa la EAGT ajinyonga akihofia deni lake la fedha za kanisa

Image
Na Israel Mwaisaka,Nkasi ‎ ‎Mwanamke aliyefahamika kwa jina la Joyce Baton Mwasumbi mkazi wa Kijiji Cha Kanazi wilayani Nkasi amefariki dunia baada ya kujinyonga kwa kutumia kanga chumbani kwake. ‎ ‎Akizungumzia tukio hilo Mwenyekiti wa Kijiji Cha Kanazi Rudis Ulaya amesema kuwa tukio la Mwanamke huyo ambaye ni mke wa Mchungaji wa kanisa la EAGT kujinyonga limetokea leo Jumatano Disemba 24,2025 majira ya saa 2 asubuhi baada ya Mumewe ambaye ni mchungaji kwenda kanisani kupalilia pembeni mwa jengo la kanisa hilo. ‎ ‎Amesema kuwa wakati Mumewe ambaye ni Mchungaji akiendelea na jukumu lake kanisani mkewe aliutumia mwanya huo kujitundika kwa kutumia kitenge na muda mfupi Mumewe aliingia chumbani huko na kumkuta Mkewe akiwa amejitundika juu huku akitapatapa kufa ndipo alipochukua kisu na kukikata kitenge hicho kwa lengo la kuokoa uhai wake lakini muda mfupi alipoteza maisha ‎ ‎Mwenyekiti huyo wa Kijiji amefafanua kuwa baada ya yeye kumhoji Mume wa marehemu Mchungaji Ibrahimu Mwaipopo alid...
Read more