Mvua yaleta maafa nyumba 30 zaezuliwa 150 wakosa makazi




Na Israel Mwaisaka,
Kalambo

JUMLA ya watu 150 wamebaki bila makazi baada ya nyumba 30 kuezuliwa paa na nyingine zimebomoka kufuatia mvua kubwa iliyonyesha juzi katika Kijiji cha Kaluko kata ya Chitete wilayani Kalambo mkoani Rukwa.

Akizungumza na mwandishi wa habari hizi jana Mwenyekiti wa serikali ya kijiji hicho, Edwin Kasama alisema kuwa mvua hiyo ilianza kunyesha Siku ya Octoba 26 majira ya saa 10 jioni zikiwa zimeambatana na upepo mkali.

Alisema kuwa ulianza upepo mkali Kisha ikafuatia mvua kubwa ambapo ilisababisha kubomoka baadhi ya nyumba kijijini hapo huku nyumba nyingine zikiezuliwa mapaa na kuziacha baadhi ya familia bila nyumba za kuishi.

"Baadhi ya wanakijiji nyumba zao zimebomoka kabisa hawana hata sehemu ya kulala tena wana watoto hivyo tunaiomba serikali iwasaidie kwakua wanapitia wakati mgumu kwakua vitu vyao vimeharibika kabisa" alisema Kasama.

Mmoja wa wakazi wa Kijiji hicho Paskalia Katata alisema kuwa tukio hilo limewaacha katika hali mbaya kwani hawana fedha za kukarabati nyumba zao zilizoharibika wanategemea tu msaada wa wahisani na serikali kwakua hali zao ki-uchumi siyo nzuri.

Naye diwani wa Kata ya Chitete, Patrick Benson alisema kuwa kutokana na tukio hilo baadhi ya wananchi ambao nyumba zao zilisalimika wamejitolea kwa kuzipa hifadhi familia ambazo makazi yao yalibomoka katika tukio hilo.

Alisema kuwa changamoto iliyopo ni namna ya kuwahudumia wananchi ambao walikumbwa na mkasa huo kwani hawana chakula pamoja na mahitaji mengine muhimu kwakua vitu walivyokuwa navyo viliharibika baada ya kulowana na mvua.

Mkuu wa wilaya ya Kalambo Lazaro Komba alithibitisha kutokea kwa tukio hilo na kuwataka wananchi wa wilaya hiyo kuhakikisha wanajenga nyumba bora zitakazo himili pindi panapotokea mvua zenye upepo mkali na majanga mengi.

Comments

Post a Comment

Popular posts from this blog

KAEGELE NA KAZUKAMWE WAIBUKA KIDEDEA KURA ZA MAONI CCM WILAYANI NKASI

Image
Na Israel Mwaisaka, Nkasi ‎ ‎Salum Kazukamwe na Moses Kaegele wameshinda katika Kura za maoni za kuwania Ubunge katika Majimbo mawili ya Nkasi Kaskazini na kusini yanayounda wilaya Nkasi ‎ ‎Akitoa taarifa juu ya zoezi zima la upigaji wa Kura za maoni lililofanyika Jana katibu wa CCM wilaya Nkasi Anastazia Almasi amesema kuwa wilaya Nkasi inaundwa na Majimbo mawili ya Uchaguzi na makada 10 wa CCM walifanikiwa kuingia katika kinyang'anyiro hicho na wawili hao kupenya kuweza kupeperusha bendera ya CCM kwenye uchaguzi mkuu unaotarajia kufanyika Oktoba 29,2025.. ‎ ‎Amesema kuwa kwa upande wa Jimbo la Nkasi Kaskazini Salumu Kazukamwe ameshinda kwa kupata Kura 2956 akifuatiwa na John Sichilima aliyepata kura 1471, Jonas Kifunda 560, Thomas Kalunga kura 320 na wa mwisho Ni David Siame aliyeambulia 137. ‎ ‎Kwa upande wa Jimbo la Nkasi kusini Moses Kaegele ameshinda kwa kupata Kura 3028 akifuatiwa na Vicent Mbogo aliyepata 1,623, Evarist Christopher Mwanansao Kura 465,Desderius Mipata Ku...
Read more

DIWANI KATA YA KALA AFARIKI DUNIA KWA UGONJWA WA KIHARUSI

Image
Na Israel Mwaisaka,Nkasi ‎DIWANI wa kata ya kala Wilayani Nkasi Privatus Yoramu (CCM) amefariki Dunia baada ya kuugua kwa muda mfupi . ‎ ‎Kwa mujibu wa taarifa iliyotolewa jana na Mwenyekiti wa halmashauri ya Wilaya Nkasi Richard Maasai ni kuwa tukio hilo limetokea Juzi jumatano majira ya saa 12 jioni wakati akipatiwa matibabu katika hospitali ya mkoa Rukwa. ‎ ‎Amesema kuwa marehemu amefariki kutokana na ugonjwa wa kiharusi na ugonjwa huo aliupata kutokana na ugonjwa uliokuwa umempata wa shinikizo la juu la damu (Pressure) na kupelekea mishipa ya damu kupasuka na hatimaye kupata ugonjwa wa Kiharusi uliopelelea umauti wake. ‎ ‎Mwenyekiti huyo wa halmashauri amefafanua kuwa majuzi aliongoza kikao Cha kamati ya elimu na afya kama Mwenyekiti na akiwa katika kikao hicho alizidiwa na ugonjwa na kukimbizwa katika hospitali ya Wilaya Nkasi ambapo alipewa huduma ya awali na kukimbizwa katika hospitali ya mkoa kwa matibabu zaidi . ‎ ‎Na amedai kuwa mazishi ya Diwani huyo yatafanyika kesho jumam...
Read more

Mke wa Mchungaji wa kanisa la EAGT ajinyonga akihofia deni lake la fedha za kanisa

Image
Na Israel Mwaisaka,Nkasi ‎ ‎Mwanamke aliyefahamika kwa jina la Joyce Baton Mwasumbi mkazi wa Kijiji Cha Kanazi wilayani Nkasi amefariki dunia baada ya kujinyonga kwa kutumia kanga chumbani kwake. ‎ ‎Akizungumzia tukio hilo Mwenyekiti wa Kijiji Cha Kanazi Rudis Ulaya amesema kuwa tukio la Mwanamke huyo ambaye ni mke wa Mchungaji wa kanisa la EAGT kujinyonga limetokea leo Jumatano Disemba 24,2025 majira ya saa 2 asubuhi baada ya Mumewe ambaye ni mchungaji kwenda kanisani kupalilia pembeni mwa jengo la kanisa hilo. ‎ ‎Amesema kuwa wakati Mumewe ambaye ni Mchungaji akiendelea na jukumu lake kanisani mkewe aliutumia mwanya huo kujitundika kwa kutumia kitenge na muda mfupi Mumewe aliingia chumbani huko na kumkuta Mkewe akiwa amejitundika juu huku akitapatapa kufa ndipo alipochukua kisu na kukikata kitenge hicho kwa lengo la kuokoa uhai wake lakini muda mfupi alipoteza maisha ‎ ‎Mwenyekiti huyo wa Kijiji amefafanua kuwa baada ya yeye kumhoji Mume wa marehemu Mchungaji Ibrahimu Mwaipopo alid...
Read more