Kijana adaiwa kutekwa ndugu wahaha kumtafuta

Na Mwandishi wetu,Sumbawanga

WATU wasiojulikana wanadaiwa kumteka kijana anayefahamika kwa jina la Friday Mbalwa (33) mkazi wa kitongoji cha Chanji Manispaa ya Sumbawanga mkoani Rukwa na Kisha kutokomea naye kusikojulikana.

Kwamujibu wa mke wa kijana huyo Cecilia Saki, alisema kuwa tukio hilo lilitokea usiku wa kuamkia Oktoba 19 akiwa amelala chumbani na mume wake ndipo watu wapatao watano walivunja mlango wa nyumba wanayoishi na kuingia chumbani huku wakiwa na bunduki na mapanga.

Alisema kuwa watu hao baada ya kuingia chumbani walimuamuru mwanamke huyo kujifunika shuka hadi usoni na kumuonya asipige kelele, kisha kumtaka Mbalwa ainuke kitandani na kuanza kumpiga.

Inaidawa kuwa wakati wakimpiga Mwanamke huyo alisikia moja wa watu hao akimweleza mume wake kwamba......"tunafanya kazi pamoja za fundi kujenga lakini wewe unatudhulumu hatuwezi kukubali lazima tumalizane" alisema.

Alisema kuwa baada ya watu hao kutembeza kichapo kwa Mbalwa waliondoka naye na kuelekea kusikojulikana na hajarudi nyumbani hapo hadi leo hii.

Cecilia ambaye amezaa watoto wanne na mume wake huyo, alidai siku iliyofuata alitoa taarifa kwa uongozi wa mtaa kisha polisi ambapo lilifunguliwa jarada namba SUM/RB/488823.

Kwa upande wake, Baba mzazi wa kijana huyo, Felician Mwanambalwa aliliomba Jeshi la polisi kufanya uchunguzi ili kubaini alipo kijana wake kama yupo hai au amefariki dunia.

"Tunamuomba Mungu asaidie kijana wetu apatikane iwe mzima au amekufa maana sasa hatujui lolote" alisisitiza

Naye, Kamanda wa Polisi mkoa wa Rukwa, Shadrack Masija akihojiwa alisema hana taarifa kuhusu tukio hilo lakini kama tayari limeripotiwa polisi watashirikiana na ndugu kuhakikisha wanapata taarifa za mtu huyo yupo hai au la.

"Mimi ndio nakusikia wewe, sina taarifa kabisa kuhusu tukio hili lakini naomba ndugu zake waje ofisini kwangu tupange mikakati ya kumtafuta kwa pamoja" alisema Kamanda huyo.



Comments

Post a Comment

Popular posts from this blog

KAEGELE NA KAZUKAMWE WAIBUKA KIDEDEA KURA ZA MAONI CCM WILAYANI NKASI

Image
Na Israel Mwaisaka, Nkasi ‎ ‎Salum Kazukamwe na Moses Kaegele wameshinda katika Kura za maoni za kuwania Ubunge katika Majimbo mawili ya Nkasi Kaskazini na kusini yanayounda wilaya Nkasi ‎ ‎Akitoa taarifa juu ya zoezi zima la upigaji wa Kura za maoni lililofanyika Jana katibu wa CCM wilaya Nkasi Anastazia Almasi amesema kuwa wilaya Nkasi inaundwa na Majimbo mawili ya Uchaguzi na makada 10 wa CCM walifanikiwa kuingia katika kinyang'anyiro hicho na wawili hao kupenya kuweza kupeperusha bendera ya CCM kwenye uchaguzi mkuu unaotarajia kufanyika Oktoba 29,2025.. ‎ ‎Amesema kuwa kwa upande wa Jimbo la Nkasi Kaskazini Salumu Kazukamwe ameshinda kwa kupata Kura 2956 akifuatiwa na John Sichilima aliyepata kura 1471, Jonas Kifunda 560, Thomas Kalunga kura 320 na wa mwisho Ni David Siame aliyeambulia 137. ‎ ‎Kwa upande wa Jimbo la Nkasi kusini Moses Kaegele ameshinda kwa kupata Kura 3028 akifuatiwa na Vicent Mbogo aliyepata 1,623, Evarist Christopher Mwanansao Kura 465,Desderius Mipata Ku...
Read more

DIWANI KATA YA KALA AFARIKI DUNIA KWA UGONJWA WA KIHARUSI

Image
Na Israel Mwaisaka,Nkasi ‎DIWANI wa kata ya kala Wilayani Nkasi Privatus Yoramu (CCM) amefariki Dunia baada ya kuugua kwa muda mfupi . ‎ ‎Kwa mujibu wa taarifa iliyotolewa jana na Mwenyekiti wa halmashauri ya Wilaya Nkasi Richard Maasai ni kuwa tukio hilo limetokea Juzi jumatano majira ya saa 12 jioni wakati akipatiwa matibabu katika hospitali ya mkoa Rukwa. ‎ ‎Amesema kuwa marehemu amefariki kutokana na ugonjwa wa kiharusi na ugonjwa huo aliupata kutokana na ugonjwa uliokuwa umempata wa shinikizo la juu la damu (Pressure) na kupelekea mishipa ya damu kupasuka na hatimaye kupata ugonjwa wa Kiharusi uliopelelea umauti wake. ‎ ‎Mwenyekiti huyo wa halmashauri amefafanua kuwa majuzi aliongoza kikao Cha kamati ya elimu na afya kama Mwenyekiti na akiwa katika kikao hicho alizidiwa na ugonjwa na kukimbizwa katika hospitali ya Wilaya Nkasi ambapo alipewa huduma ya awali na kukimbizwa katika hospitali ya mkoa kwa matibabu zaidi . ‎ ‎Na amedai kuwa mazishi ya Diwani huyo yatafanyika kesho jumam...
Read more

Mke wa Mchungaji wa kanisa la EAGT ajinyonga akihofia deni lake la fedha za kanisa

Image
Na Israel Mwaisaka,Nkasi ‎ ‎Mwanamke aliyefahamika kwa jina la Joyce Baton Mwasumbi mkazi wa Kijiji Cha Kanazi wilayani Nkasi amefariki dunia baada ya kujinyonga kwa kutumia kanga chumbani kwake. ‎ ‎Akizungumzia tukio hilo Mwenyekiti wa Kijiji Cha Kanazi Rudis Ulaya amesema kuwa tukio la Mwanamke huyo ambaye ni mke wa Mchungaji wa kanisa la EAGT kujinyonga limetokea leo Jumatano Disemba 24,2025 majira ya saa 2 asubuhi baada ya Mumewe ambaye ni mchungaji kwenda kanisani kupalilia pembeni mwa jengo la kanisa hilo. ‎ ‎Amesema kuwa wakati Mumewe ambaye ni Mchungaji akiendelea na jukumu lake kanisani mkewe aliutumia mwanya huo kujitundika kwa kutumia kitenge na muda mfupi Mumewe aliingia chumbani huko na kumkuta Mkewe akiwa amejitundika juu huku akitapatapa kufa ndipo alipochukua kisu na kukikata kitenge hicho kwa lengo la kuokoa uhai wake lakini muda mfupi alipoteza maisha ‎ ‎Mwenyekiti huyo wa Kijiji amefafanua kuwa baada ya yeye kumhoji Mume wa marehemu Mchungaji Ibrahimu Mwaipopo alid...
Read more