TASAC yaboresha kanuni kuongeza ufanisi



SHIRIKA la Uwakala wa Meli Tanzania (TASAC), limesikia kilio cha
wadau wa sekta ya usafiri kwa njia ya maji kwa kuboresha kanuni
mbalimbali ambazo zimekuwa ni kikwazo katika utendaji wao wa kila
siku.

Akizungumza kwa niaba ya wadau hao wa sekta ya usafiri kwa njia ya
maji, Rais wa Chama cha Mawakala wa Forodha Tanzania (TAFFA),
Edward Urio amesema maboresho yaliyofanyika yamegusa maeneo
yaliyokuwa na utata mwingi katika utendaji wao.

Amesema upande wa mawakala wa forodha walikuwa na utata katika
ule muda wa kontena linaposhuka bandarini na linapofika kwenye
bandari kavu, ambako kulikuwa na upotevu wa siku mbili au tatu kwa
kuhoji jambo hilo lilipaswa kubebwa na nani jambo ambalo kanuni
hizo zimekuja na majibu yake.
“Lakini kuna suala moja kubwa kama unaagiza mzigo kwa kupitia
bandari hasa mzigo wa makasha, kuna utaratibu ambao unatakiwa
uweke dhamana ya kuweza kuaminiwa na wale mawakala wa meli
uweze kulichukua lile kisha ukapakue mzigo wako.

“Kama ni hapa Dar es Salaam, kama ni Morogoro, kama ni Arusha,
kama ni Malawi, Zambia, Congo, halafu ile dhamana ya lile kontena
inakuwa iko chini kwa wakala wa forodha mpaka litakapokuwa
limerudi kwenye sehemu yake husika ya kurudisha,” amesema.
Kwa maelezo yake gharama hiyo ilikuwa ni kubwa ambapo asilimia
kubwa ya wanachama wao ambao ni Watanzania walikuwa hawawezi
kuzimudu.

“Tulikuwa tunatakiwa kuweka takribani dola 3000 mpaka 5000
kwenye makasha ya futi 40 na dola 1000 mpaka 2000 kwenye
makasha ya futi 20. Unakuta kuwa ukiwa na kontena 10 ya futi 40
unatakiwa ulipe takriban dola  40,000,” amesema.

Amesema dola hizo 40,000 kwa wakala ambaye analipwa dola 200
kwa kila kontena ilikuwa ni maumivu makubwa.

Naye Mkurugenzi wa Udhibiti Huduma za Usafiri kwa njia ya maji
TASAC, Deogratias Mukasa amesema wamekutana na wadau wao
kutoa ufafanuzi kuhusu kanuni mpya nne ambazo zimepitishwa Juni
mwaka huu.

Amesema kanuni hizo zinahusu usalama wa mizigo, utendaji wa
shughuli ndani ya bandari na bandari kavu, usajli wa wasafirishaji
wanaouza na kusafirisha bidhaa kutoka Tanzania kwenda nchi za nje
kupitia bandari, pamoja na ya uhakiki shehena na ya uwakala wa
meli.

Amewataja wadau waliokutana nao ni bandari, bandari kavu,
mawakala wa meli, wagomboaji wa shehena, wakusanyaji na
watawanyaji shehena, wasafirishaji na mamlaka ya forodha.

Awali Mkurugenzi Mkuu wa TASAC, Kaimu Mkeyenge amesema
shirika hilo linathamini utoaji elimu kabla ya kuanza utekelezaji wa
sheria au kanuni zake, na kwamba maboreesho ya kanuni hizo
yanalenga kuboresha utoaji huduma kwa usahihi na kuleta usawa
kwa wadau wote.

Comments

Post a Comment

Popular posts from this blog

KAEGELE NA KAZUKAMWE WAIBUKA KIDEDEA KURA ZA MAONI CCM WILAYANI NKASI

Image
Na Israel Mwaisaka, Nkasi ‎ ‎Salum Kazukamwe na Moses Kaegele wameshinda katika Kura za maoni za kuwania Ubunge katika Majimbo mawili ya Nkasi Kaskazini na kusini yanayounda wilaya Nkasi ‎ ‎Akitoa taarifa juu ya zoezi zima la upigaji wa Kura za maoni lililofanyika Jana katibu wa CCM wilaya Nkasi Anastazia Almasi amesema kuwa wilaya Nkasi inaundwa na Majimbo mawili ya Uchaguzi na makada 10 wa CCM walifanikiwa kuingia katika kinyang'anyiro hicho na wawili hao kupenya kuweza kupeperusha bendera ya CCM kwenye uchaguzi mkuu unaotarajia kufanyika Oktoba 29,2025.. ‎ ‎Amesema kuwa kwa upande wa Jimbo la Nkasi Kaskazini Salumu Kazukamwe ameshinda kwa kupata Kura 2956 akifuatiwa na John Sichilima aliyepata kura 1471, Jonas Kifunda 560, Thomas Kalunga kura 320 na wa mwisho Ni David Siame aliyeambulia 137. ‎ ‎Kwa upande wa Jimbo la Nkasi kusini Moses Kaegele ameshinda kwa kupata Kura 3028 akifuatiwa na Vicent Mbogo aliyepata 1,623, Evarist Christopher Mwanansao Kura 465,Desderius Mipata Ku...
Read more

DIWANI KATA YA KALA AFARIKI DUNIA KWA UGONJWA WA KIHARUSI

Image
Na Israel Mwaisaka,Nkasi ‎DIWANI wa kata ya kala Wilayani Nkasi Privatus Yoramu (CCM) amefariki Dunia baada ya kuugua kwa muda mfupi . ‎ ‎Kwa mujibu wa taarifa iliyotolewa jana na Mwenyekiti wa halmashauri ya Wilaya Nkasi Richard Maasai ni kuwa tukio hilo limetokea Juzi jumatano majira ya saa 12 jioni wakati akipatiwa matibabu katika hospitali ya mkoa Rukwa. ‎ ‎Amesema kuwa marehemu amefariki kutokana na ugonjwa wa kiharusi na ugonjwa huo aliupata kutokana na ugonjwa uliokuwa umempata wa shinikizo la juu la damu (Pressure) na kupelekea mishipa ya damu kupasuka na hatimaye kupata ugonjwa wa Kiharusi uliopelelea umauti wake. ‎ ‎Mwenyekiti huyo wa halmashauri amefafanua kuwa majuzi aliongoza kikao Cha kamati ya elimu na afya kama Mwenyekiti na akiwa katika kikao hicho alizidiwa na ugonjwa na kukimbizwa katika hospitali ya Wilaya Nkasi ambapo alipewa huduma ya awali na kukimbizwa katika hospitali ya mkoa kwa matibabu zaidi . ‎ ‎Na amedai kuwa mazishi ya Diwani huyo yatafanyika kesho jumam...
Read more

Mke wa Mchungaji wa kanisa la EAGT ajinyonga akihofia deni lake la fedha za kanisa

Image
Na Israel Mwaisaka,Nkasi ‎ ‎Mwanamke aliyefahamika kwa jina la Joyce Baton Mwasumbi mkazi wa Kijiji Cha Kanazi wilayani Nkasi amefariki dunia baada ya kujinyonga kwa kutumia kanga chumbani kwake. ‎ ‎Akizungumzia tukio hilo Mwenyekiti wa Kijiji Cha Kanazi Rudis Ulaya amesema kuwa tukio la Mwanamke huyo ambaye ni mke wa Mchungaji wa kanisa la EAGT kujinyonga limetokea leo Jumatano Disemba 24,2025 majira ya saa 2 asubuhi baada ya Mumewe ambaye ni mchungaji kwenda kanisani kupalilia pembeni mwa jengo la kanisa hilo. ‎ ‎Amesema kuwa wakati Mumewe ambaye ni Mchungaji akiendelea na jukumu lake kanisani mkewe aliutumia mwanya huo kujitundika kwa kutumia kitenge na muda mfupi Mumewe aliingia chumbani huko na kumkuta Mkewe akiwa amejitundika juu huku akitapatapa kufa ndipo alipochukua kisu na kukikata kitenge hicho kwa lengo la kuokoa uhai wake lakini muda mfupi alipoteza maisha ‎ ‎Mwenyekiti huyo wa Kijiji amefafanua kuwa baada ya yeye kumhoji Mume wa marehemu Mchungaji Ibrahimu Mwaipopo alid...
Read more