DKT. KIRUSWA AITAKA KAMPUNI YA UCHIMBAJI MAKAA YA MAWE KUCHANGIA HUDUMA KWA JAMII RUKWA


Naibu Waziri wa Madini Dkt. Steven Kiruswa
ameitaka Kampuni ya uchimbaji wa Kati wa Makaa
ya Mawe ya Edenville Tanzania Limited kuchangia
huduma kwa jamii inayozunguka eneo la shughuli
za uchimbaji wa madini hayo kama Kanuni chini ya
Kifungu namba 129 cha Sheria ya Madini
kinavyoelekeza.

Hayo, ameyasema wakati akizungumza na
wananchi wa Kata ya Pande Kijiji cha Komolo
wilayani Nkasi mkoa wa Rukwa kwenye mkutano
wa hadhara ambapo amesisitiza kampuni hiyo
kuwasilisha Mpango wa Wajibu wa Mmiliki wa
Leseni ya Madini kwa Jamii inayozunguka Mgodi.

"Naomba mkutane na Halmashauri ya Wilaya ya
Nkasi ili kupata vipaumbele vya eneo husika ili
mjue mnatakiwa kuchangia katika maeneo gani,
uchangiaji huo sio ombi bali ni takwa la kisheria
kwa mmiliki wa leseni kuchangia huduma za
kijamii inayozunguka mgodi", amesema Dkt.
Kiruswa.

Aidha, Dkt. Kiruswa ameliagiza Shirika la Madini la
Taifa (STAMICO) kuitembelea Kampuni ya Edenville
Tanzania Limited ili kuona namna bora ya
kushirikiana nayo kwa lengo la kusaidia na
kuongeza tija kwenye uzalishaji wa madini hayo.

Katika hatua nyingine, Dkt. Kiruswa ameitaka
Kampuni ya Edenville Tanzania Limited inayomilki
hisa kwa asilimia 90 kuachana na migogoro na
mbia mwenza mwenye hisa ya asilimia 10 ambapo
amewataka kufanya kazi kwa ushirikiano na kila
mmoja kupatiwa haki yake kwa mujibu wa
mkataba waliyowekeana.

Awali, Dkt. Kiruswa alitembelea Ofisi ya Mkuu wa
Mkoa wa Rukwa kwa lengo la kupata taarifa za
shughuli za Sekta ya Madini zinazoendelea
kufanyika Mkoani humo.
Kwa upande wake, Mkuu wa Mkoa wa Rukwa
Makongoro Nyerere amempongeza Dkt. Kiruswa
kwa kufanya ziara katika mkoa huo na kumuomba
kuwapa moyo wachimbaji wa madini ili kuchochea
maendeleo ya sekta hiyo.
Baadhi ya viongozi walioshiriki ziara hiyo ni
pamoja na Mkuu wa Wilaya ya Nkasi Peter
Lijuakali, Mwakilishi wa Kamishna wa Madini
Mhandisi Shija Itandiko, Kaimu Afisa Madini Mkoa
wa Rukwa Masia Gabril, Mwenyekiti wa
Wachimbaji Wadogo wa Madini wa Mkoa wa
Rukwa Masie Mambegele na Meneja Kampuni ya
Edenville Tanzania Limited inayomilki mgodi wa
Makaa ya Mawe Darwesh Gamdust.

Comments

Post a Comment

Popular posts from this blog

KAEGELE NA KAZUKAMWE WAIBUKA KIDEDEA KURA ZA MAONI CCM WILAYANI NKASI

Image
Na Israel Mwaisaka, Nkasi ‎ ‎Salum Kazukamwe na Moses Kaegele wameshinda katika Kura za maoni za kuwania Ubunge katika Majimbo mawili ya Nkasi Kaskazini na kusini yanayounda wilaya Nkasi ‎ ‎Akitoa taarifa juu ya zoezi zima la upigaji wa Kura za maoni lililofanyika Jana katibu wa CCM wilaya Nkasi Anastazia Almasi amesema kuwa wilaya Nkasi inaundwa na Majimbo mawili ya Uchaguzi na makada 10 wa CCM walifanikiwa kuingia katika kinyang'anyiro hicho na wawili hao kupenya kuweza kupeperusha bendera ya CCM kwenye uchaguzi mkuu unaotarajia kufanyika Oktoba 29,2025.. ‎ ‎Amesema kuwa kwa upande wa Jimbo la Nkasi Kaskazini Salumu Kazukamwe ameshinda kwa kupata Kura 2956 akifuatiwa na John Sichilima aliyepata kura 1471, Jonas Kifunda 560, Thomas Kalunga kura 320 na wa mwisho Ni David Siame aliyeambulia 137. ‎ ‎Kwa upande wa Jimbo la Nkasi kusini Moses Kaegele ameshinda kwa kupata Kura 3028 akifuatiwa na Vicent Mbogo aliyepata 1,623, Evarist Christopher Mwanansao Kura 465,Desderius Mipata Ku...
Read more

DIWANI KATA YA KALA AFARIKI DUNIA KWA UGONJWA WA KIHARUSI

Image
Na Israel Mwaisaka,Nkasi ‎DIWANI wa kata ya kala Wilayani Nkasi Privatus Yoramu (CCM) amefariki Dunia baada ya kuugua kwa muda mfupi . ‎ ‎Kwa mujibu wa taarifa iliyotolewa jana na Mwenyekiti wa halmashauri ya Wilaya Nkasi Richard Maasai ni kuwa tukio hilo limetokea Juzi jumatano majira ya saa 12 jioni wakati akipatiwa matibabu katika hospitali ya mkoa Rukwa. ‎ ‎Amesema kuwa marehemu amefariki kutokana na ugonjwa wa kiharusi na ugonjwa huo aliupata kutokana na ugonjwa uliokuwa umempata wa shinikizo la juu la damu (Pressure) na kupelekea mishipa ya damu kupasuka na hatimaye kupata ugonjwa wa Kiharusi uliopelelea umauti wake. ‎ ‎Mwenyekiti huyo wa halmashauri amefafanua kuwa majuzi aliongoza kikao Cha kamati ya elimu na afya kama Mwenyekiti na akiwa katika kikao hicho alizidiwa na ugonjwa na kukimbizwa katika hospitali ya Wilaya Nkasi ambapo alipewa huduma ya awali na kukimbizwa katika hospitali ya mkoa kwa matibabu zaidi . ‎ ‎Na amedai kuwa mazishi ya Diwani huyo yatafanyika kesho jumam...
Read more

Mke wa Mchungaji wa kanisa la EAGT ajinyonga akihofia deni lake la fedha za kanisa

Image
Na Israel Mwaisaka,Nkasi ‎ ‎Mwanamke aliyefahamika kwa jina la Joyce Baton Mwasumbi mkazi wa Kijiji Cha Kanazi wilayani Nkasi amefariki dunia baada ya kujinyonga kwa kutumia kanga chumbani kwake. ‎ ‎Akizungumzia tukio hilo Mwenyekiti wa Kijiji Cha Kanazi Rudis Ulaya amesema kuwa tukio la Mwanamke huyo ambaye ni mke wa Mchungaji wa kanisa la EAGT kujinyonga limetokea leo Jumatano Disemba 24,2025 majira ya saa 2 asubuhi baada ya Mumewe ambaye ni mchungaji kwenda kanisani kupalilia pembeni mwa jengo la kanisa hilo. ‎ ‎Amesema kuwa wakati Mumewe ambaye ni Mchungaji akiendelea na jukumu lake kanisani mkewe aliutumia mwanya huo kujitundika kwa kutumia kitenge na muda mfupi Mumewe aliingia chumbani huko na kumkuta Mkewe akiwa amejitundika juu huku akitapatapa kufa ndipo alipochukua kisu na kukikata kitenge hicho kwa lengo la kuokoa uhai wake lakini muda mfupi alipoteza maisha ‎ ‎Mwenyekiti huyo wa Kijiji amefafanua kuwa baada ya yeye kumhoji Mume wa marehemu Mchungaji Ibrahimu Mwaipopo alid...
Read more